ប្រធាន ឌៀថើរ អេស្វ អុជដូហ្វ ត្រូវបានហៅជាទីប្រឹក្សាទីពីរនៅក្នុងគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 3 ខែ កុម្ភៈ ឆ្នាំ 2008 ។ លោកត្រូវបានគាំទ្រជាសមាជិកនៅក្នុងកូរ៉ុមនៃពួកសាវកដប់ពីរនាក់នៃសាសនាចក្រនៅថ្ងៃទី 2 ខែ តុលា ឆ្នាំ 2004 ។ លោកបានបម្រើជាអ្នកមានសិទ្ធិអំណាចទូទៅចាប់តាំងពីខែ មេសា ឆ្នាំ 1994 ។
ប្រធាន អុជដូហ្វ បានកើតនៅថ្ងៃទី 6 ខែ វិច្ឆិកា ឆ្នាំ 1940 នៅទីក្រុង អូសត្រោវ ប្រទេស ឆេក ដែលឪពុកម្ដាយលោកឈ្មោះ ខាល អាល់ប៊ើត និង ហ៊ិលឌើរហ្កាត អូភែល អូជដូហ្វ ។ នៅឆ្នាំ 1947 គ្រួសាររបស់លោកបានក្លាយជាសមាជិកសាសនាចក្រនៅទីក្រុង ហ្សីកខោវ ប្រទេស អាល្លឺម៉ង់ ។ ពួកលោកបានហោះហើរទៅទីក្រុង ហ្វ្រែងហ្វើត / មេន នៅឆ្នាំ 1952 ជាពេលដែលលោកបានទទួលការអប់រំផ្នែកវិស្វកម្ម ។ នៅឆ្នាំ 1959 លោកបានចូលជួរទ័ពអាកាសអាល្លឺម៉ង់ ហើយបានបម្រើការជាអ្នកបើកយន្តហោះចម្បាំងអស់រយៈពេលប្រាំមួយឆ្នាំ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ក្នុងឆ្នាំ 1965 ប្រធាន អុជដូហ្វ បានចាប់ផ្ដើមការងារជាអ្នកបើកយន្តហោះអាល្លឺម៉ង់ លូហ្វហានសា អ៊ែរឡាញ ។ ពីឆ្នាំ 1970 ដល់ ឆ្នាំ 1996 លោកបានធ្វើការជាមេបញ្ជាការហោះហើរយន្តហោះ B737 អ៊ែរប៊ុស ឌីស៊ី10 និង B747 ។ ខណៈដែលលោកកំពុងធ្វើការជាមេបញ្ជាការបំពាក់បំប៉ន និង ត្រួតពិនិត្យ នោះលោកបានមានទំនួលខុសត្រូវផ្នែកគ្រប់គ្រង ។ តំណែងទាំងនេះរួមមានមេបញ្ជាការផ្នែកអ្នកបើកយន្តហោះ B737 នាយកសាលាអ្នកបើកយន្តហោះនៅរដ្ឋ អារីហ្សូណា អ្នកដឹកនាំបុគ្គលិកលើយន្តហោះទាំងអស់ ហើយទីបំផុតជាអនុប្រធានជាន់ខ្ពស់ផ្នែកប្រតិបត្តិការការហោះហើរ និង ជាមេបញ្ជាការអ្នកបើកយន្តហោះ លូហ្វហានសា ។ លោកក៏ជាប្រធានគណៈកម្មាធិការប្រតិបត្តិការហោះហើរនៃសមាគមគមនាគមន៍ផ្លូវអាកាសអន្តរជាតិផងដែរ ។
ឌៀថើរ អុជដូហ្វ និង ហារីត រែជ បានរៀបការនៅឆ្នាំ 1962 ។ ពួកលោកមានកូនពីរនាក់ និង ចៅប្រាំមួយនាក់ ។ ដោយការហៅជាសាវកម្នាក់ ក្រុមគ្រួសារ អុជដូហ្វ បានចាកចេញពីដែនដីកំណើតរបស់ខ្លួន ហើយសព្វថ្ងៃនេះរស់នៅជាអចិន្ត្រៃយ៍ក្នុងសហរដ្ឋអាមេរិក ។
ឌៀថើរ និង ហារីត អុជដូហ្វ រីករាយនឹងសកម្មភាពកំសាន្តក្រៅផ្ទះនានា ចូលចិត្តសិល្បៈ ហើយរីករាយបំផុតក្នុងការចំណាយពេលនៅជាមួយកូនៗ និង ចៅៗរបស់ពួកលោក ។