ប្រធាន ហិនរី ប៊ី អាវរិង ត្រូវបានហៅជាទីប្រឹក្សាទីមួយនៅក្នុងគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 3 ខែ កុម្ភៈ ឆ្នាំ 2008 ។ ដើមឡើយ លោកបានបម្រើជាទីប្រឹក្សាទីពីររបស់ប្រធាន ហ្គរដុន ប៊ី ហ៊ិងគ្លី ក្នុងគណៈប្រធានទីមួយ ចាប់តាំងពីថ្ងៃទី 6 ខែ តុលា ឆ្នាំ 2007 ។ លោកត្រូវបានហៅឲ្យបម្រើនៅក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 1 ខែ មេសា ឆ្នាំ 1995 ដោយកាលពីមុនលោកបានបម្រើជាសមាជិកនៃពួកចិតសិបនាក់ ចាប់តាំងពីថ្ងៃទី 3 ខែ តុលា ឆ្នាំ 1992 ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ពីមុន ប្រធាន អាវរិង បានបម្រើជាទីប្រឹក្សាទីមួយនៅក្នុងគណៈប៊ីស្សពជាអធិបតីចាប់ពីខែ មេសា ឆ្នាំ 1985 ដល់ ខែ កញ្ញា ឆ្នាំ 1992 និង ជាអភិបាលផ្នែកអប់រំរបស់សាសនាចក្រ ចាប់ពីខែ កញ្ញា ឆ្នាំ 1980 ដល់ខែ មេសា ឆ្នាំ 1985 ហើយក៏ចាប់ពី ខែ កញ្ញា ឆ្នាំ 1992 ដល់ ខែ មករា ឆ្នាំ 2005 ផងដែរ ។
ប្រធាន អាវរិង ជាប្រធានមហាវិទ្យាល័យ រីកស៍ នៅទីក្រុង រ៉េចប៊ើក រដ្ឋ អៃដាហូ ពីឆ្នាំ 1971 ដល់ 1977 ។ លោកបានរៀនថ្នាក់បរិញ្ញាបត្រជាន់ខ្ពស់ផ្នែកពាណិជ្ជកម្មនៅសាកលវិទ្យាល័យ ស្ទែនហ្វដ ពីឆ្នាំ 1962 ដល់ ឆ្នាំ 1971 ។
លោកបានបញ្ចប់ថ្នាក់បរិញ្ញាប័ត្រខាងវិទ្យាសាស្ត្រក្នុងផ្នែករូបវិទ្យាពីសាកលវិទ្យាល័យ យូថាហ៍ និង ថ្នាក់អនុបណ្ឌិតផ្នែកគ្រប់គ្រងពាណិជ្ជកម្ម និង ថ្នាក់បណ្ឌិតពីសាកលវិទ្យាល័យ ហាវ៉ត ។
លោកបានកើតនៅ ទីក្រុង នូវជើស៊ី នៅថ្ងៃទី 31 ខែ ឧសភា ឆ្នាំ 1933 ហើយបានបម្រើក្នុងសាសនាចក្រជាអ្នកតំណាងភូមិភាគ សមាជិកក្នុងក្រុមប្រឹក្សាថ្នាក់សាលាថ្ងៃអាទិត្យទូទៅ និង ជាប៊ីស្សព ។
ប្រធាន អាវរិង បានរៀបការនឹង ខាតលីន ចនសុន ហើយមានកូនប្រុសបួននាក់ និង កូនស្រីពីរនាក់ ។