អែលឌើរ ជែហ្វ្រី អ័រ ហូឡិន ត្រូវបានតែងតាំង ហើយ ញែកចេញជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅថ្ងៃទី 23 ខែ មិថុនា ឆ្នាំ 1994 ។ នៅពេលលោកបានទទួលការហៅនេះ អែលឌើរ ហូឡិន កំពុងបម្រើជាសមាជិកក្នុងកូរ៉ុមទីមួយនៃពួកចិតសិបនាក់ ដែលលោកត្រូវបានហៅនៅថ្ងៃទី 1 ខែ មេសា ឆ្នាំ 1989 ។
ពីឆ្នាំ 1980 រហូតដល់ការហៅរបស់លោកជាអ្នកមានសិទ្ធិអំណាចទូទៅក្នុងឆ្នាំ 1989 ជែហ្វ្រី អ័រ ហូឡិន បានបម្រើជាប្រធានទីប្រាំបួននៃសាកលវិទ្យាល័យ ព្រិកហាំ យ៉ង់ នៅទីក្រុង ប្រូវ៉ូ រដ្ឋ យូថាហ៍ ។ លោកគឺជាអតីតអភិបាលផ្នែកការអប់រំរបស់សាសនាចក្រ និង ជាព្រឹទ្ធបុរសនៃមហាវិទ្យាល័យអប់រំខាងសាសនា នៅ ប៊ី.វ៉ាយ.យូ. ។
ដោយសារលោកជាអ្នកដឹកនាំនិស្សិត និង ជាអត្តពលិកប្រចាំវិទ្យាល័យ ឌិស៊ី និង សាកលវិទ្យាល័យ ឌិស៊ី នៅក្នុងទីក្រុងកំណើតលោក សេន ចច រដ្ឋ យូថាហ៍ ហើយលោកបានបញ្ចប់ថ្នាក់បរិញ្ញាប័ត្រ និង ថ្នាក់អនុបណ្ឌិត ផ្នែកភាសាអង់គ្លេស និង ផ្នែកការអប់រំសាសនា ដោយមានការគោរពយ៉ាងខ្ពង់ខ្ពស់ ពីសាកលវិទ្យាល័យ ព្រិកហាំ យ៉ង់ ។ លោកបានទទួលសញ្ញាប័ត្រថ្នាក់អនុបណ្ឌិត និង ថ្នាក់បណ្ឌិតផ្នែកទស្សនវិជ្ជាក្នុងការសិក្សាបែបអាមេរិក ពីសាកលវិទ្យាល័យ យេល ។
អែលឌើរ ហូឡិន បានចូលរួមយ៉ាងសកម្មក្នុងសកម្មភាពការអប់រំជំនាញ ពីមុនការហៅឲ្យបម្រើពេញម៉ោងរបស់លោកនៅក្នុងសាសនាចក្រ ។ លោកបានបម្រើជាប្រធានសមាគមប្រធានមហាវិទ្យាល័យ និង សាកលវិទ្យាល័យឯករាជ្យរបស់អាមេរិក ( អេអេភីអាយស៊ីយូ ) ក្រុមប្រឹក្សាសមាគមមហាវិទ្យាល័យ និង សាកលវិទ្យាល័យឯករាជ្យរបស់ជាតិ ( អេអេភីអាយស៊ីយូ ) និង ជាសមាជិកនៃអាណត្តិប្រធានសមាគមអត្តពលិកមហាវិទ្យាល័យជាតិ ( អិនស៊ីអេអេ ) ។ ចំពោះកិច្ចប្រឹងប្រែងរបស់លោកក្នុងការបង្កើនការយល់ដឹងរវាងគ្រីស្ទសាសនិក និង យូដាសាសនិក លោកបានទទួលពានរង្វាន់ « គប់ភ្លើងសេរីភាព » ដែលបានប្រគល់ដោយ សម្ព័ន្ធមិត្តប្រឆាំងនឹងការបង្ខូចឈ្មោះរបស់អង្គការ ប៊ីណាយ ប៊ីរិទ្ធ ។ លោកបានបម្រើជាក្រុមប្រឹក្សាមើលការខុសត្រូវលើទីក្រុង និង ជំនួញដែលទាក់ទិននឹងសាជីវកម្មនានា ហើយលោកបានទទួល ពានរង្វាន់ « ក្រុមកាយឫទ្ធិដ៏ល្បីឈ្មោះ » ពីក្រុមកាយឫទ្ធិអាមេរិក ។ លោកបាននិពន្ធសៀវភៅចំនួនប្រាំបីក្បាល ដែលមានមួយក្បាលលោកបាននិពន្ធជាមួយនឹងភរិយាលោកគឺ ផាទ្រីស្សា ។
អែលឌើរ ហូឡិន បានកើតនៅថ្ងៃទី 3 ខែ ធ្នូ ឆ្នាំ 1940 ឪពុកម្ដាយរបស់លោកឈ្មោះ ហ្វ្រែង ឌី និង អាលីស ប៊ែនលី ហូឡិន ។ ក្នុងឆ្នាំ 1963 លោកបានរៀបការនឹង ផាទ្រីស្សា ធែរី ។ ពួកលោកមានកូនបីនាក់ ។
Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.