អែលឌើរ ដាល្លិន អេក អូក ត្រូវបានបម្រើជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយចាប់តាំងពីខែ ឧសភា ឆ្នាំ 1984 ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
លោកជាអ្នកទីក្រុង ប្រូវ៉ូ រដ្ឋ យូថាហ៍ ( ដែលបានកើតនៅឆ្នាំ 1932 ) ។ លោក និង ភរិយាដំបូងរបស់លោក ជូន ឌីកសុន អូកស៍ មានកូនប្រាំមួយនាក់ ។ ភរិយាលោកទទួលមរណភាពនៅថ្ងៃទី 21 ខែ កក្កដា ឆ្នាំ 1998 ។ នៅថ្ងៃទី 25 ខែ សីហា ឆ្នាំ 2000 លោកបានរៀបការនឹង គ្រីស្ទិន អិម អូកស៍ ក្នុងព្រះវិហារបរិសុទ្ធសលត៍ លេក ។
អែលឌើរ អូកស៍ បានបញ្ចប់ថ្នាក់បរិញ្ញប័ត្រពីសាកលវិទ្យាល័យ ព្រិកហាំ យ៉ង់ ( ឆ្នាំ 1954 ) និង ពីសាកលវិទ្យាល័យច្បាប់ ឈីកាហ្គោ ( ឆ្នាំ 1957 ) ។ លោកបានធ្វើជាមេធាវី និង ជាគ្រូបង្រៀនផ្នែកច្បាប់នៅទីក្រុង ឈីកាហ្គោ ។ លោកបានធ្វើជាប្រធានសាកលវិទ្យាល័យ ព្រិកហាំ យ៉ង់ ពីឆ្នាំ 1971 ដល់ឆ្នាំ 1980 និង ជាចៅក្រមនៃតុលាការកំពូលរដ្ឋ យូថាហ៍ ពីឆ្នាំ 1980 រហូតដល់ការលាលែងពីតំណែងរបស់លោកក្នុងឆ្នាំ 1984 ដើម្បីទទួលយកការហៅរបស់លោកជាសាវក ។
លោកធ្លាប់ធ្វើជាមន្ត្រី និង សមាជិកក្រុមប្រឹក្សាផ្នែកពាណិជ្ជកម្ម ការអប់រំ និង អង្គការសប្បុរសធម៌ជាច្រើន ។ លោកគឺជាអ្នកនិពន្ធ ឬ សហអ្នកនិពន្ធនៃសៀវភៅ និង អត្ថបទជាច្រើនស្ដីពីសាសនា និង មុខវិជ្ជាមេធាវី ។