អែលឌើ ឌី ថត គ្រីស្តូហ្វឺសិន ត្រូវបានហៅឲ្យបម្រើជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 5 ខែ មេសា ឆ្នាំ 2008 ។ នៅពេលលោកត្រូវបានហៅឲ្យបម្រើមុខងារនេះ លោកកំពុងបម្រើនៅក្នុងគណៈប្រធាននៃពួកចិតសិបនាក់ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
អំឡុងការកាន់តំណែងរបស់លោកនៅក្នុងគណៈប្រធាននៃពួកចិតសិបនាក់ អែលឌើរ គ្រីស្តូហ្វឺសិន បានមានភារកិច្ចគ្រប់គ្រងតំបន់អាមេរិកភាគពាយព្យ និង ភាគអាគ្នេយ៍នៃសាសនាចក្រ ។ លោកក៏បានបម្រើជានាយកប្រតិបត្តិនៃការិយាល័យពង្សប្រវត្តិ និង ប្រវត្តិសាស្ត្រសាសនាចក្រផងដែរ ។ ពីមុនការបម្រើនោះ លោកជាប្រធានតំបន់ម៉ិកស៊ិកខាងត្បូងរបស់សាសនាចក្រ ដែលមានទីតាំងនៅទីក្រុង ម៉ិកស៊ីកូ ។
ពីមុនដែលលោកបម្រើជាអ្នកមានសិទ្ធិអំណាចទូទៅពេញម៉ោងនៃសាសនាចក្រ អែលឌើរ គ្រីស្តូហ្វឺសិន បានធ្វើការជាអ្នកប្រឹក្សារងទូទៅនៃធនាគារ NationsBank ( ដែលសព្វថ្ងៃជាធនាគារអាមេរិក ) នៅទីក្រុង ឆាឡុត រដ្ឋ ខារ៉ូលីណា ខាងជើង ។ ពីមុនការងារនោះ លោកបានធ្វើការជាអនុប្រធានជាន់ខ្ពស់ និង ជាអ្នកប្រឹក្សាទូទៅឲ្យធនាគារសហភាពពាណិជ្ជកម្មនៃថែណឺស៊ី នៅទីក្រុង ណាសស្វិល ក៏ជាទីកន្លែងដែលលោកចូលរួមយ៉ាងសកម្មនៅក្នុងកិច្ចការសហគម និង អង្គការអន្តរជំនឿផងដែរ ។ ពីឆ្នាំ 1975 ដល់ឆ្នាំ 1980 អែលឌើរ គ្រីស្តូហ្វឺសិន ធ្វើជាមេធាវីនៅទីក្រុង វ៉ាស៊ីនតោន ឌី.ស៊ី. បន្ទាប់ពីការបម្រើការជាមេធាវីសម្រាប់ចៅក្រមសង្កាត់ ចន ជេ ស៊ីរីកា ស.ហ.រ ។
លោកបានកើតនៅទីក្រុង ភ្លែសិន ហ្គ្រូវ រដ្ឋ យូថាហ៍ ហើយបានបញ្ចប់ការសិក្សាពីវិទ្យាល័យនៅទីក្រុង នូវ ជើស៊ី បានបញ្ចប់ថ្នាក់បរិញ្ញាប័ត្រពីសាកលវិទ្យាល័យ ព្រិកហាំ យ៉ង់ ដែលនៅទីនោះលោកបានទទួលងារជាអ្នកប្រាជ្ញ អ៊ែឌវីន អេស ហ៊ិងគ្លី ហើយបានបញ្ចប់ថ្នាក់បរិញ្ញប័ត្រផ្នែកច្បាប់របស់លោកពីសាកលវិទ្យាល័យ ឌូក ។
ក្នុងចំណោមការហៅដទៃទៀត លោកធ្លាប់បានបម្រើសាសនាចក្រជាអ្នកតំណាងភូមិភាគ ប្រធានស្តេក និង ប៊ីស្សព ។ កាលពីក្មេង លោកបានបម្រើជាអ្នកផ្សព្វផ្សាយសាសនានៅប្រទេសអាហ្សង់ទីន ។
អែលឌើរ គ្រីស្តូហ្វឺសិន និង ភរិយារបស់លោក ខាធើរីន យ៉ាកុប គ្រីស្តូហ្វឺសិន មានកូនប្រាំនាក់ ។