អែលឌើរ នែល លិនឌិន អាន់ឌើរសិន ត្រូវបានតាំងងារជាសាវកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅថ្ងៃទី 4 ខែ មេសា ឆ្នាំ 2009 ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
អែលឌើរ អាន់ឌើរសិន បានបម្រើជាសមាជិកជាន់ខ្ពស់ក្នុងគណៈប្រធានពួកចិតសិបនាក់ ពីមុនលោកត្រូវបានហៅទៅក្នុងកូរ៉ុមនៃពួកដប់ពីរនាក់ ។ លោកត្រូវបានតាំងងារជាសមាជិកក្នុងកូរ៉ុមទីមួយនៃពួកចិតសិបនាក់ក្នុងខែ មេសា ឆ្នាំ 1993 នៅវ័យ 41 ឆ្នាំ ។ ពីមុននោះ លោកបានដឹកនាំកិច្ចការសាសនាចក្រនៅតំបន់ប្រេស៊ីលភាគខាងត្បូង ហើយក៏ជាសមាជិកក្នុងគណៈប្រធានតំបន់ ដោយត្រួតត្រាលើសាសនាចក្រនៅតំបន់អឺរ៉ុបភាគខាងលិចផងដែរ ។ លោកក៏ជាជំនួយក្នុងកាគ្រប់គ្រងកិច្ចការសាសនាកច្រនៅប្រទេស ម៉ិកស៊ិក និង អាមេរិកកណ្ដាលផងដែរ ។ លើសពីនេះទៀត លោកបានគ្របគ្រងផលិតកម្មសោតទស្សន៍របស់សាសនាចក្រ ដោយរួមមានការថតខ្សែភាពយន្តរឿង The Testaments: Of One Fold and One Shepherd ហើយបានគ្រប់គ្រងលើការដំឡើងឧបករណ៍ការចាក់ផ្សាយនៅក្នុងមជ្ឈមណ្ឌលសន្និសីទក្នុងនាមជានាយកប្រតិបត្តិនៃផ្នែកសោតទស្សន៍របស់សាសនាចក្រ ។ បន្ថែមពីលើភាសាកំណើតដែលជាភាសាអង់គ្លេស លោកចេះនិយាយភាសាបារាំង ភាសាព័រទុយហ្គាល់ និង ភាសាអេស្ប៉ាញ ។
ពីមុនការហៅរបស់លោកជាអ្នកមានសិទ្ធអំណាចទូទៅ អែលឌើរ អាន់ឌើរសិន បានបម្រើជាប្រធានបេសកកម្មក្នុងបេសកកម្មបារាំងបកដូរ និង ជាប្រធានស្តេក ថាមផា ហ្លូរីដា ។
អែលឌើរ អាន់ឌើរសិន បានកើតនៅទីក្រុង លូហ្គែន រដ្ឋ យូថាហ៍ ហើយបានដឹងក្ដីឡើងនៅទីក្រុង ប៉ូកាទែឡូ រដ្ឋ អៃដាហូ ។
លោកបានបញ្ចប់ការសិក្សាពី សាកលវិទ្យាល័យ ព្រិកហាំ យ៉ង់ ដែលលោកបានទទួលងារជាអ្នកប្រាជ្ញ ហ៊ិងគ្លី ហើយបានបញ្ចប់ថ្នាក់អនុបណ្ឌិតផ្នែកគ្រប់គ្រងពានិជ្ជកម្ម ពីសាកលវិទ្យាល័យ ហាវ៉ត ។ ក្រោយពីបានបញ្ចប់ការសិក្សា លោកបានតាំងលំនៅក្នុងទីក្រុង ថាមផា រដ្ឋ ហ្លូរីដា ដែលភាគហ៊ុនពាណិជ្ជកម្មរបស់លោកបានបូកបញ្ចូលសកម្មភាពឃោសនា ការអភិវឌ្ឍន៍អចលនទ្រព្យ និង សេវាថែទាំសុខភាព ។
អែលឌើរ អាន់ឌើរសិន និង ភរិយាលោក ខាធី វិល្លាម អាន់ឌើរសិន មានកូនបួននាក់ ។