អែលឌើរ រីឆាដ ជី ស្កត

រីឆាដ ហ្គរដុន ស្កត ត្រូវបានគាំទ្រជាសាវកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 1 ខែ តុលា ឆ្នាំ 1988 ។ លោកត្រូវបានហៅឲ្យបម្រើជាសមាជិកក្នុងកូរ៉ុមទីមួយនៃពួកចិតសិបនាក់នៅថ្ងៃទី 2 ខែ មេសា ឆ្នាំ 1977 ហើយបានបម្រើជាសមាជិកក្នុងគណៈប្រធានកូរ៉ុមនោះចាប់ពីថ្ងៃទី 1 ខែ តុលា ឆ្នាំ 1983 ដរាបដល់ការហៅបច្ចុប្បន្នរបស់លោក ។

elder scott

1 / 2

Download Photos

លោកបានកើតនៅថ្ងៃទី 7 ខែ វិច្ឆិកា ឆ្នាំ 1928 នៅទីក្រុង ប៉ូកាទែឡូ រដ្ឋ អៃដាហូ ដែលឪពុកម្ដាយលោកឈ្មោះ ខែនីស ឡូរី និង ម៉ារី វីថល ស្កត ។ កាលនៅអាយុប្រាំឆ្នាំ លោកបានផ្លាស់ទីលំនៅជាមួយឪពុកម្ដាយលោកទៅទីក្រុង វ៉ាស៊ីនតោន ឌី.ស៊ី ហើយនៅទីនោះ ឪពុកលោកបានបម្រើការនៅនាយកដ្ឋានកសិកម្ម ក្រោយមកបានក្លាយជាលេខាជំនួយផ្នែកកសិកម្ម ។

លោកបានបញ្ចប់ការសិក្សាពីសាកលវិទ្យាល័យ វ៉ាស៊ីនតោន ជាវិស្វករគ្រឿងយន្ត ហើយបានបម្រើបេសកកម្មពេញម៉ោងនៅប្រទេស អ៊ុយរូហ្គាយ និង បានបំពេញកិច្ចការបន្ទាប់ពីបានបញ្ចប់ការសិក្សាផ្នែកវិស្វករនៅទីក្រុង អូក រិដ ប្រទេស ថែណឺស៊ី ។ ពីឆ្នាំ 1953 ដល់ ឆ្នាំ 1965 អែលឌើរ ស្កត បានបម្រើការលើបុគ្គលិកនៃទ័ពជើងទឹកហៃមិន រិកខូវើរ ដោយដឹកនាំការបង្កើតចំហេះនុយក្លេអ៊ែរសម្រាប់សភាវចម្រុះ និង ថាមពលរុក្ខជាតិ ។ អែលឌើរ ស្កត បានបញ្ចប់ថ្នាក់បណ្ឌិតផ្នែកសេវាកម្មពួកគ្រីស្ទានដោយកិត្តិយសពីសាកលវិទ្យាល័យ ព្រិកហាំ យ៉ង់ ក្នុងឆ្នាំ 2008 ។

ពីឆ្នាំ 1965 ដល់ ឆ្នាំ 1969 លោកបានធ្វើជាអធិបតីលើបេសកកម្ម អាហ្សង់ទីន ខាងជើង នៅទីក្រុង ខដូបា ប្រទេស អាហ្សង់ទីន ។ នៅពេលលោកត្រឡប់មកវិញ លោកបានធ្វើការជាអ្នកប្រឹក្សាឯកជនសម្រាប់ក្រុមហ៊ុនថាមពលនុយក្លេអ៊ែរជាច្រើន ។

លោកបានបម្រើជាអ្នកតំណាងភូមិភាគនៅប្រទេស អ៊ុយរូហ្គាយ ប្រទេស ប៉ារ៉ាហ្គាយ ខារ៉ូឡៃណាខាងជើង និង ត្បូង រដ្ឋ វើរជីញ៉ា និង ទីក្រុង វ៉ាស៊ីនតោន ឌី.ស៊ី រហូតដល់លោកត្រូវបានហៅជាពួកចិតសិបនាក់ ។

អែលឌើរ ស្កត ស្រឡាញ់ព្រះវរបិតាគង់នៅស្ថានសួគ៌របស់យើង និង បុត្រាដ៏ជាទីស្រលាញ់ទ្រង់ និងអស់ទាំងបុត្រាបុត្រីរបស់ព្រះវរបិតា ។ អែលឌើរ ស្កត បានរីករាយនឹងការចាប់អារម្មណ៍ពិសេសប្លែក ៗ ។ លោកមានសេចក្ដីស្រឡាញ់យ៉ាងជ្រាលជ្រៅចំពោះសោភ័ណភាពនៃភពផែនដី ។

លោកត្រូវបានប្រទានពរឲ្យនូវភរិយាមួយរូបគឺ ចេន វ៉ាតឃីនស៍ ដែលលោកបានផ្សារភ្ជាប់ជាមួយនៅថ្ងៃទី 16 ខែ កក្កដា ឆ្នាំ 1953 ក្នុងព្រះវិហារបរិសុទ្ធ ទីក្រុង ម៉ានតៃ ។ ភរិយាលោកបានទទួលមរណភាពនៅថ្ងៃទី 15 ខែ ឧសភា ឆ្នាំ 1995 ។ ពួកលោកមានកូនប្រាំពីរនាក់ ។