អែលឌើរ រ៉ូបឺត ឌី ហែល ត្រូវបានគាំទ្រជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 2 ខែ មេសា ឆ្នាំ 1994 ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
អែលឌើរ ហែល បានទទួលការហៅរបស់លោកជាអ្នកមានសិទ្ធិអំណាចទូទៅនៅថ្ងៃទី 4 ខែ មេសា ឆ្នាំ 1975 ។ លោកបានបម្រើជាជំនួយការរបស់កូរ៉ុមនៃពួកសាវកដប់ពីរនាក់ ហើយក្រោយមកជាសមាជិកក្នុងកូរ៉ុមទីមួយនៃពួកចិតសិបនាក់ ។ លោកបានធ្វើជាប៊ីស្សពជាអធិបតីនៃសាសនាចក្រចាប់ពីខែ មេសា ឆ្នាំ 1985 រហូតដល់ត្រូវបានហៅជាកូរ៉ុមនៃពួកដប់ពីរនាក់ ។
លោកបានធ្វើជាអ្នកតំណាងភូមិភាគអស់រយៈពេលប្រាំឆ្នាំ ពីមុនការហៅរបស់លោកជាអ្នកមានសិទ្ធិអំណាចទូទៅ ។ ដំបូងឡើយ លោកបានបម្រើជាប្រធានសាខា ប៊ីស្សព ទីប្រឹក្សាជាន់ខ្ពស់ និង ទីប្រឹក្សាប្រធានស្តេក ។ លោកបានបម្រើជាប្រធានបេសកកម្មឡុងដុងអង់គ្លេស នៅដើមឆ្នាំ1970 ហើយធ្លាប់បានបម្រើជាទីប្រឹក្សាទីមួយក្នុងគណៈប្រធានថ្នាក់សាលាថ្ងៃអាទិត្យទូទៅ ។
ពីមុនការហៅរបស់លោកឲ្យបម្រើក្នុងសាសនាចក្រ អែលឌើរ ហែល មានអាជីពខាងជំនួញដ៏ល្បីល្បាញ ដោយបានបម្រើការក្នុងតំណែងប្រតិបត្តិឲ្យក្រុមហ៊ុនជាតិធំៗចំនួន ។
អែលឌើរ ហែល បានកើតនៅទីក្រុង នូវ យ៉ោក ។ លោកបានបញ្ចប់ការសិក្សានៅសាកលវិទ្យាល័យ យូថាហ៍ ហើយបានទទួលសញ្ញាបត្រថ្នាក់អនុបណ្ឌិតផ្នែកគ្រប់គ្រងពាណិជ្ជកម្មពីសាកលវិទ្យាល័យ ហាវ៉ត ។ លោកបានបម្រើការជាអ្នកបើកយន្តហោះចម្បាំងនៅក្នុងកងទ័ពជើងអាកាសសហរដ្ឋអាមេរិក ។
លោកបានរៀបការនឹង ម៉ារី ក្រានដល ហើយពួកលោកមានកូនប្រុសពីរនាក់ ។