អែលឌើរ អិម រ័សុល បាឡឺដ គឺជាសមាជិកមួយរូបក្នុង កូរ៉ុមនៃពួកសាវកដប់ពីរនាក់នៃ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ លោកបានបម្រើជាសាវកចាប់តាំងពីថ្ងៃទី 6 ខែ តុលា ឆ្នាំ 1985 ដោយបានធ្វើដំណើរពាសពេញពិភពលោក ដើម្បីបង្រៀនសមាជិកសាសនាចក្រ ហើយ ដឹកនាំកិច្ចការប្រចាំថ្ងៃរបស់សាសនាចក្រនៅទូទាំងពិភពលោក ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
លោកបានកើតនៅថ្ងៃទី 8 ខែ តុលា ឆ្នាំ 1928 នៅទីក្រុង សលត៍ លេក ជាកូនរបស់ មេលវិន អ័រ និង ជីរ៉លឌីន ស្ម៊ីធ បាឡឺដ ។ លោកបានសិក្សានៅសាកលវិទ្យាល័យ យូថាហ៍ ។
កាលពីក្មេង លោកបានបម្រើ បេសកកម្មនៅប្រទេស អង់គ្លេសសម្រាប់សាសនាចក្រ ដែលនៅទីនោះលោកបានបម្រើជាទីប្រឹក្សានៅក្នុងគណៈប្រធានបេសកកម្ម ។ លោកក៏បានបម្រើជាប៊ីស្សពចំនួនពីរលើកផងដែរ ។
នៅក្នុងឆ្នាំ 1974 លោកត្រូវបានហៅឲ្យបម្រើជាប្រធានបេសកកម្មកាណាដាតូរ៉ុនតូ ជាទីកន្លែងដែលលោកកំពុងបម្រើ នោះលោកត្រូវបានហៅឲ្យបម្រើក្នុងកូរ៉ុមទីមួយនៃ ពួកចិតសិបនាក់ក្នុងខែ មេសា ឆ្នាំ 1976 ។ ក្នុងនាមជាសមាជិកនៃពួកចិតសិបនាក់ លោកបានគ្រប់គ្រង ហើយបំពាក់បំប៉នពួកអ្នកដឹកនាំនៅក្នុងតំបន់ភូមិភាគដែលលោកត្រូវបានចាត់តាំង ។ ក្រោយមក លោកបានបម្រើជាសមាជិកក្នុងគណៈប្រធាននៃពួកចិតសិបនាក់ ចាប់តាំងពីខែ កុម្ភៈ ឆ្នាំ 1980 រហូតដល់ខែ តុលា ឆ្នាំ 1985 ដោយមើលខុសត្រូវលើកូរ៉ុមនៃពួកចិតសិបនាក់នៃសាសនាចក្រ ។ ភាគច្រើន ការបម្រើរបស់លោកផ្ដោតសំខាន់ទៅលើកិច្ចការផ្សព្វផ្សាយសាសនា ។
ពីមុនការហៅរបស់លោកឲ្យធ្វើជាអ្នកដឹកនាំសាសនាចក្រពេញម៉ោង អែលឌើរ បាឡឺដ មានចំណាប់អារម្មណ៍ចំពោះពាណិជ្ជកម្មផ្នែករថយន្ត អចលនទ្រព្យ និងវិនិយោគទុន ។ លោកបានបម្រើក្នុងគណៈកម្មការ និង ក្រុមប្រឹក្សារបស់សាសនាចក្រ និងសង្គមស៊ីវិលជាច្រើន ។
លោកបានរៀបការនឹង បាបារ៉ា បូវែន ក្នុង ព្រះវិហារបរិសុទ្ធសលត៍ លេក នៅថ្ងៃទី 28 ខែ សីហា ឆ្នាំ 1951 ។ ពួកលោកមានកូនប្រុសពីរនាក់ និង កូនស្រីប្រាំនាក់ ។