អែលឌើរ អិល ថម ភែរី ដែលជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ត្រូវបានហៅឲ្យបម្រើក្នុងតំណែងសព្វថ្ងៃរបស់លោកក្នុងសាសនាចក្រនៅថ្ងៃទី 6 ខែ មេសា ឆ្នាំ 1974 គឺបន្ទាប់ពីការបម្រើជាជំនួយការពួកដប់ពីរនាក់ចាប់តាំងពីឆ្នាំ 1972 មក ។
ការបម្រើក្នុងសាសនាចក្ររបស់អែលឌើរ ភែរី បានផ្ដើមពីបេសកកម្មមួយទៅរដ្ឋភាគខាងជើង ក្នុងឆ្នាំ 1942 គឺបន្ទាប់ពីបានបម្រើការនៅក្នុងទ័ពជើងអាកាសនៅមហាសមុទ្រប៉ាស៊ីហ្វិកអស់រយៈពេលពីរឆ្នាំ ។ តំណែងក្នុងសាសនាចក្របន្តបន្ទាប់មកទៀតរួមមាន ៖ ទីប្រឹក្សាក្នុងគណៈប៊ីស្សពនៅទីក្រុង ល្វីស្តុន រដ្ឋ អៃដាហូ ទីប្រឹក្សាក្នុងគណៈប្រធានស្តេក នៅទីក្រុង សាក្រាម៉ង់តូ រដ្ឋ កាលីហ្វូញ៉ា ទីប្រឹក្សាជាន់ខ្ពស់នៃស្តេក នូវ យ៉ោក និង ជាប្រធានស្តេក បូស្តុន ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
លោកបានកើតនៅថ្ងៃទី 5 ខែ សីហា ឆ្នាំ 1922 នៅទីក្រុង លូហ្គែន រដ្ឋ យូថាហ៍ ដែលមានឪពុកម្ដាយឈ្មោះ លែសលី ថូម៉ាស និង ណូរ៉ា សូនី ភែរី ។ លោកបានបញ្ចប់ថ្នាក់បរិញ្ញាប័ត្រផ្នែកហិរញ្ញវត្ថុ ពីសាកលវិទ្យាល័យរដ្ឋ យូថាហ៍ ក្នុងឆ្នាំ 1949 ហើយបានទទួលបានការងារធ្វើនៅទីនោះ ។ អាជីពជំនាញរបស់លោកត្រូវបានផ្ដោតលើអាជីវកម្មលក់រាយ ដែលលោកបានបម្រើការជាអនុប្រធាន និង ជាហេរញ្ញិកនៅក្នុងក្រុមហ៊ុនជាច្រើនដែលមានទីតាំងនៅរដ្ឋ អៃដាហូ រដ្ឋ កាលីហ្វូញ៉ា រដ្ឋ នូវ យ៉ោក និង រដ្ឋ ម៉ាស្សាឈូសេត ។
នៅថ្ងៃទី 18 ខែ កក្កដា ឆ្នាំ 1947 លោកបានរៀបការនឹង វេជីញ៉ា លី ដែលមកពី ហាយដ៏ ផាក ក្នុងព្រះវិហារបរិសុទ្ធឡូហ្គិន ។ ភរិយាលោកបានទទួលមរណភាពនៅថ្ងៃទី 14 ខែ ធ្នូ ឆ្នាំ 1974 ។ ពួកលោកមានកូនស្រីពីរនាក់ និង កូនប្រុសម្នាក់ ។
លោកបានរៀបការនឹង បាបារ៉ា ថេលើរ ដេថុន នៅថ្ងៃទី 28 ខែ មេសា ឆ្នាំ 1976 ក្នុងព្រះវិហារបរិសុទ្ធ សលត៍ លេក ។