ឈ្មោះជាផ្លូវការរបស់សាសនាចក្រគឺ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ឈ្មោះពេញមួយនេះត្រូវបានដាក់ដោយ វិវរណៈពីព្រះដល់ យ៉ូសែប ស៊្មីធ នៅឆ្នាំ 1838 ។
ខណៈដែលពាក្យ« សាសនាចក្រមរមន » ជាឈ្មោះហៅក្រៅទូទៅរបស់សាសនាចក្រក្ដី ប៉ុន្តែវាពុំមែនជាឈ្មោះស្របច្បាប់ឡើយ ហើយសាសនាចក្រពុំលើកទឹកចិត្តឲ្យប្រើវានោះទេ ។
នៅពេលសរសេរអំពីសាសនាចក្រ សូមធ្វើតាមការណែនាំដូចតទៅ ៖
- នៅក្នុងសេចក្ដីយោងដំបូង ឈ្មោះពេញរបស់សាសនាចក្រគឺ ៖ « សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » ។
- សូមចៀសវាងការប្រើប្រាស់ឈ្មោះ « សាសនាចក្រមរមន » « សាសនាចក្រ អិល.ឌី.អេស » ឬ « សាសនាចក្រនៃពួកបរិសុទ្ធថ្ងៃចុងក្រោយ » ។
- ប្រសិនបើត្រូវបង្រួមឲ្យខ្លី នោះឈ្មោះ « សាសនាចក្រ » ឬ « សាសនាចក្រនៃព្រះយេស៊ូវគ្រីស្ទ » ត្រូវបានលើកទឹកចិត្តឲ្យប្រើ ។
- នៅពេលសំដៅលើសមាជិកសាសនាចក្រ នោះពាក្យ « ពួកបរិសុទ្ធថ្ងៃចុងក្រោយ » ត្រូវបានប្រើ ទោះជា « ពួកមរមន » អាចទទួលយកបានក្ដី ។
- « ពួកមរមន » ត្រូវបានប្រើប្រាស់យ៉ាងត្រឹមត្រូវជាឈ្មោះរបស់ ព្រះគម្ពីរមរមន ក្រុមចម្រៀងរោងឧបោសថមរមន ឬ មរមនត្រេល ឬ ជាគុណនាមក្នុងសំនួនជា « អ្នកត្រួសត្រាយផ្លូវមរមន » ។
- ពាក្យ « និកាយមរមន » គឺអាចទទួលយកបាននៅក្នុងការពិពណ៌នាពីបណ្ដុំនៃគោលលទ្ធិ វប្បធម៌ និង ផ្លូវជីវិតដែលដាច់ដោយឡែករបស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
- នៅពេលសំដៅទៅលើមនុស្ស ឬ អង្គការនានាដែលប្រព្រឹត្តពហុពន្ធភាព ពាក្យ « ពួកមរមន » « ពួកអ្នកជឿតាមមរមន » « ពួកអ្នកប្រឆាំងមរមន » ជាដើម គឺពុំត្រឹមត្រូវទេ ។ រចនាបទសៀវភៅសារព័ត៌មានដែលចូលរួមបានកត់សម្គាល់ថា ៖ « ពាក្យ មរមនគឺពុំប្រើប្រាស់សម្រាប់ ... ព្រះវិហារដទៃដែលបានបែកចេញបន្ទាប់ពីមរណៈភាពរបស់ [ យ៉ូសែប ស្ម៊ីធ ] ឡើយ » ។