សុន្ទរកថាអំពីការប្រតិព័ទ្ធភេទដូចគ្នា
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ទទួលស្គាល់ថា ការប្រតិព័ទ្ធភេទដូចគ្នា គឺជាបញ្ហាមួយដែលមានភាពរំញោចខ្លាំងណាស់ ដែលតម្រូវឲ្យមានសន្ដានចិត្តល្អ មេត្តាធម៌ និង ការយោគយល់ ។ គេហទំព័រ mormonsandgays.comព្យាយាមថ្លែង តាមរយៈបទសម្ភាស និង វីដេអូ មកពីពួកអ្នកដឹកនាំ និង សមាជិកសាសនាចក្រ អំពីបញ្ហាការប្រតិព័ទ្ធភេទដូចគ្នា ដោយសារវាទាក់ទងនឹងបុគ្គលម្នាក់ៗ និងប៉ះពាល់ដល់សមាជិគ្រួសារទាំងឡាយ ។ សេចក្ដីថ្លែងការណ៍ និង រឿងរ៉ាវទាំងឡាយ គូសផ្ដោតសំខាន់លើសារៈសំខាន់នៃបទបញ្ញត្តិទាំងឡាយរបស់ព្រះគ្រីស្ទ ឲ្យស្រឡាញ់គ្នាទៅវិញទៅមក ហើយបញ្ជាក់អះអាងសារឡើងវិញអំពីគោលជំហររបស់សាសនាចក្រ ។
គោលជំហរខាងគោលលទ្ធិរបស់សាសនាចក្រ គឺច្បាស់លាស់ ៖ ការប្រព្រឹត្តិខាងផ្លូវភេទ គប្បីកើតមានតែរវាងបុរសម្នាក់ និង ស្ត្រីម្នាក់ ដែលបានរៀបការហើយតែប៉ុណ្ណោះ ។ ទោះជាយ៉ាងណាក៏ដោយ យើងមិនគួរប្រើប្រាស់វាជាហេតុផលចំពោះអំពើទុច្ចរិតឡើយ ។ ព្រះយេស៊ូវគ្រីស្ទ ជាអង្គដែលយើងដើរតាម បានដាក់ទោសយ៉ាងច្បាស់ចំពោះរឿងអសីលធម៌ខាងផ្លូវភេទ ប៉ុន្តែមិនឃោរឃៅនោះទេ ។ ព្រះទ័យរបស់ទ្រង់តែងតែលើកតម្កើងបុគ្គលម្នាក់ៗ ពុំដែលទាញទម្លាក់ចុះឡើយ ។ [i]
សរុបសេចក្ដីមក សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ អះអាងអំពីចំណុចសំខាន់នៃគោលលទ្ធិ ទាក់ទងនឹងកាមគុណ និង ភេទរបស់មនុស្ស ក៏ដូចជាភាពបរិសុទ្ធ និង សារៈសំខាន់នៃអាពាហ៍ពិពាហ៍ថាជា ការរួមរស់នឹងគ្នារបស់បុរសម្នាក់ និង ស្ត្រីម្នាក់ ។ [ii]យ៉ាងណាក៏ដោយ សាសនាចក្រជឿយ៉ាងមុតមាំថា មនុស្សគ្រប់រូប សុទ្ធតែជាបុត្រាបុត្រីជាទីស្រឡាញ់របស់ព្រះ ហើយសមនឹងទទួលបានសេចក្ដីស្រឡាញ់ និង ការគោរពស្មើៗគ្នា ។ សាវករបស់សាសនាចក្រ អែលឌើរ ឃ្វីនថិន អិល ឃុក បានថ្លែងថា ៖ « ក្នុងនាមជាព្រះវិហារមួយ គ្មានជនណាម្នាក់ គប្បីបានសេចក្ដីស្រឡាញ់ និង មេត្តាធម៌ច្រើនជាងជនណានោះទេ ។ ចូរយើងធ្វើជាអ្នកចេញមុខក្នុងបង្ហាញសេចក្ដីស្រឡាញ់ មេត្តាធម៌ និង ការបម្រើ ។ ចូរកុំឲ្យគ្រួសារកាត់កាលចោល ឬ មិនគោរពស្រឡាញ់អ្នកដែលជ្រើសរើសខ្សែជីវិតខុសប្លែកពីគេ ដោយសារតែអារម្មណ៍ដែលគេមានអំពីភេទរបស់គេនោះឡើយ » ។ [iii]
ស្ថាប័នអាពាហ៍ពិពាហ៍ដ៏ទេវភាព
សាសនាចក្របានបង្ហាញពីលក្ខណៈខុសគ្នារវាងការប្រតិព័ទ្ធ និង ឥរិយាបថស្រឡាញ់ភេទដូចគ្នា ។ ខណៈដែលមានអារម្មណ៍ និង ទំនោរចិត្តស្រឡាញ់ភេទដូចគ្នា នោះពុំមែនជាអំពើបាបទេ តែការចូលរួមមានឥរិយាបថប្រតិព័ទ្ធភេទដូចគ្នាទេតើ ទើបខុសនឹង « គោលការណ៍ខាងគោលលទ្ធិ ដែលផ្អែកលើព្រះគម្ពីរដ៏ពិសិដ្ឋ … ថាអាពាហ៍ពិពាហ៍រវាងបុរសម្នាក់ និង ស្ត្រីម្នាក់ គឺចាំបាច់ចំពោះផែនការនៃអង្គដ៏បង្កបង្កើតសម្រាប់ជោគវាសនាដ៏អស់កល្បជានិច្ចនៃកូនចៅរបស់ទ្រង់ ។ [iv]
ដោយហេតុតែសាសនាចក្រជឿថា អំណាចដ៏ពិសិដ្ឋនៃការបង្កើតកូនចៅគឺ « ត្រូវអនុវត្តរវាងតែបុរសម្នាក់ និង ស្ត្រីម្នាក់ ដែលបានរៀបការស្របច្បាប់ជាស្វាមី និង ភរិយាតែប៉ុណ្ណោះ … ទំនាក់ទំនងណាផ្សេងទៀត រួមមានទាំងបុគ្គលដែលប្រតិព័ទ្ធភេទដូចគ្នា គឺធ្វើឲ្យស្ថាបនក្រុមគ្រួសារដែលបានបង្កើតឡើងដ៏ទេវភាព ត្រូវចុះអន់ថយ » ។ ដោយហេតុនោះហើយ សាសនាចក្រចង់ប្រកាសស្របច្បាប់ ដែលកំណត់អាពាហ៍ពិពាហ៍ថាជាការរួមរស់នឹងគ្នា នៃបុរសម្នាក់ និង ស្ត្រីម្នាក់ ។ យ៉ាងណាក្ដី « ការការពារអាពាហ៍ពិពាហ៍រវាងបុរសម្នាក់ និង ស្ត្រីម្នាក់ ពុំដកយកកាតព្វកិច្ចជាពួកគ្រីស្ទានរបស់សមាជិកនៃសាសនាចក្រ ដើម្បីមានសេចក្ដីស្រឡាញ់ មានសន្ដានចិត្តល្អ និង សប្បុរសធម៌ចំពោះមនុស្សទាំងពួងឡើយ » ។ [v]
សិទ្ធិបុគ្គល
សេចក្ដីបញ្ជាក់អះអាងរបស់សាសនាចក្រអំពីអាពាហ៍ពិពាហ៍ គឺរវាងបុរសម្នាក់ និង ស្ត្រីម្នាក់ « ពុំមែនចុះចូល ក៏ពុំមែនបណ្ដោយឲ្យមានប្រទូសរ៉ាយនឹងបុរស ឬ ស្ត្រី ដែលប្រតិព័ទ្ធភេទដូចគ្នានោះដែរ » ។ [vi]ផ្ទុយទៅវិញ មានអ្នកដឹកនាំសាសនាចក្រជាច្រើនបានថ្លែងយ៉ាងច្បាស់អំពីការប្រព្រឹត្តដោយសេចក្ដីស្រឡាញ់ និង ការគោរពដល់មនុស្សទាំងពួង ។ អតីតប្រធានសាសនាចក្រ ហ្គរដុន ប៊ី ហ៊ិងគ្លី ( ឆ្នាំ 1910-2008 ) បានថ្លែងប្រាប់សមាជិកទាំងឡាយ ដែលប្រតិព័ទ្ធភេទដូចគ្នាថា ៖ « ដួងចិត្តរបស់យើងចង់ជួយដល់ [ អ្នក ] ។ យើងចាំអំពីអ្នកនៅចំពោះព្រះអម្ចាស់ យើងអាណិតអាសូរអ្នក យើងគោរពអ្នកជាបងប្អូនប្រុសស្រីរបស់យើង » ។ ប្រធាន ប៊យដ៏ ឃេ ផាកកឺ បានបញ្ជាក់ថា ៖ « យើងពុំបោះបង់អ្នកចោលឡើយ ។ … យើងពុំអាចបោះបង់អ្នកចោលបានទេ ។ … យើងនឹងពុំបោះបង់អ្នកចោលឡើយ ព្រោះយើងស្រឡាញ់អ្នករាល់គ្នា » ។
សាសនាចក្រគាំទ្រចំពោះសិទ្ធិសម្រាប់មានដៃគូភេទដូចគ្នាទាក់ទងនឹង « ការថែរក្សាជំងឺនៅមន្ទីរពេទ្យ និង សេវាថែទាំសុខភាព សិទ្ធិស្នាក់នៅ និង ការងារត្រឹមត្រូវ ឬ សិទ្ធិសុពលកម្ម ដរាបណាអ្វីទាំងអស់នេះ ពុំប៉ះពាល់ដល់សេចក្ដីថ្លៃថ្នូរនៃគ្រួសារតាមប្រពៃណី ឬ សិទ្ធិស្របច្បាប់របស់ព្រះវិហារទាំងឡាយ » ។ [vii]ជាឧទាហរណ៍ នៅទីក្រុង សលត៍ លេក សាសនាចក្រ បានគាំទ្របញ្ញតិនានា ដែលមានគោលដៅក្នុងការការពារដល់អ្នកស្នាក់នៅដែលជាមនុស្សប្រុសប្រតិព័ទ្ធភេទដូចគ្នា ពីការរើសអើងក្នុងការស្នាក់នៅ និង ការងារ ។ [vii]
ដំណឹងល្អនៃសេចក្ដីស្រឡាញ់
ដំណឹងល្អនៃព្រះយេស៊ូវគ្រីស្ទ មានមូលដ្ឋានគ្រឹះលើសេចក្ដីស្រឡាញ់ ការគោរព និង សិទ្ធិជ្រើសរើស ។ ពួកមរមនជឿថា មនុស្សលោកទាំងអស់ បានទទួលនៃមរតកនៃភាពខ្លាំង ភាពខ្សោយ ឧបសគ្គ និង ពរជ័យនានា ហើយត្រូវបានអញ្ជើញឲ្យរស់នៅ តាមរយៈជំនួយ និង ព្រះគុណនៃព្រះ ដែលគោលការណ៍ទាំងឡាយ បានបើកសម្ដែង ដោយព្រះយេស៊ូវគ្រីស្ទ ។ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ អះអាងថា « បិតាភាព និង សេចក្ដីស្រឡាញ់ជាសាកលរបស់ព្រះ ផ្ដល់ឲ្យយើងម្នាក់ៗនូវការទទួលស្គាល់ពីកំណើត និង ដ៏មានគារវភាពអំពីសេចក្ដីថ្លៃថ្នូររបស់មនុស្សលោក ដែលជាចំណែករបស់យើង ។ យើងត្រូវស្រឡាញ់គ្នាទៅវិញទៅមក ។ យើងត្រូវប្រព្រឹត្តចំពោះគ្នាទៅវិញទៅមកដោយការគោរព ក្នុងនាមជាបងប្អូនប្រុសស្រី និង ជាកូនចៅរបស់ព្រះ ទោះបីជាយើងមានភាពខុសប្លែកពីគ្នាយ៉ាងណាក្ដី ។ [ix]
ធនធានទាំងឡាយ
- ការប្រមូលផ្ដុំនៃបទសន្ទនាទាំងឡាយ ជាមួយពួកអ្នកដឹកនាំសាសនាចក្រ និង មនុស្សផ្សេងទៀត ស្ដីអំពីប្រធានបទនៃការប្រតិព័ទ្ធភេទដូចគ្នា ។
- បទសម្ភាស ជាមួយអែលឌើរ ដាល្លិន អេក អូក និង លែន ប៊ី វីកមែន អំពីជំហររបស់សាសនាចក្រចំពោះការប្រតិព័ទ្ធភេទដូចគ្នា និង អាពាហ៍ពិពាហ៍ ។
- ការឆ្លើយតបជាផ្លូវការរបស់សាសនាចក្រ ចំពោះញត្តិដែលបានដាក់ដោយការធ្វើយុទ្ធនាការសិទ្ធិមនុស្ស ។
- ស្ថាប័នអាពាហ៍ពិពាហ៍ដ៏ទេវភាព : ជាឯកសារមួយ ដែលបានបង្កើតដោយសាសនាចក្រ ដើម្បីស្ថាបនាការយល់ដឹងអំពីសារៈសំខាន់នៃអាពាហ៍ពិពាហ៍ ។
- ក្រុមគ្រួសារ ៖ ការប្រកាសដល់ពិភពលោក . ការប្រកាសនេះ បានចេញដោយគណៈប្រធានទីមួយ និង កូរ៉ុមនៃពួកសាវកដប់ពីរនាក់ ក្នុងឆ្នាំ 1995 ដោយគូសបញ្ជាក់អំពីសារៈសំខាន់នៃក្រុមគ្រួសារ ។
- ការរៀបអាពាហ៍ពិពាហ៍ភេទដូចគ្នា និង សំណើទាំង 8 : ជាការចងក្រងធនធានទាំងឡាយ ដើម្បីជួយដល់ប្រព័ន្ធផ្សព្វផ្សាយព័ត៌មាន ដើម្បីជួយឲ្យសាធារណៈជន និង សមាជិកសាសនាចក្រ យល់ដឹងកាន់តែល្អប្រសើរអំពីការរួមចំណែករបស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ក្នុងការគាំទ្រសំណើរទាំង 8 ។
- God Loveth His Children ៖ជាកូនសៀវភៅមួយ ដែលបានបង្កើតឡើងដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលថ្លែងអំពីអ្នកទាំងឡាយដែលមានបទពិសោធន៍នៃការប្រតិព័ទ្ធភេទដូចគ្នា ។
[i] http://www.mormonnewsroom.org/article/church-mormon-responds-to-human-rights-campaign-petition-same-sex-attraction
[ii]អែលឌើរ គ្រីស្តូហ្វឺសិន បានដកស្រង់អំពី « Love One Another: A Discussion on Same-Sex Attraction » ( « ស្រឡាញ់គ្នាទៅវិញទៅមក ៖ បទពិភាក្សាស្ដីពីការប្រតិព័ទ្ធភេទដូចគ្នា » ) mormonsandgays.com ។
[iii]អែលឌើរ ឃុក បានដកស្រង់អំពី « Love One Another: A Discussion on Same-Sex Attraction » ( « ស្រឡាញ់គ្នាទៅវិញទៅមក ៖ បទពិភាក្សាស្ដីពីការប្រតិព័ទ្ធភេទដូចគ្នា » ) mormonsandgays.com ។
[iv]“First Presidency Statement on Same-Gender Marriage.” ( « សេចក្ដីថ្លែងការណ៍របស់គណៈប្រធានទីមួយ ស្ដីពីអាពាហ៍ពិពាហ៍ភេទដូចគ្នា » ) ។ http://www.mormonnewsroom.org/article/first-presidency-statement-on-same-gender-marriage
[vi] បណ្ដុំព័ត៌មានមរមន: « សាសនាចក្រឆ្លើយតបនឹងសំណើរឲ្យមានអាពាហ៍ពិពាហ៍ភេទដូចគ្នា » http://www.mormonnewsroom.org/article/church-responds-to-same-sex-marriage-votes