សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ត្រូវបានរៀបចំឡើងជាផ្លូវការនៅក្នុងផ្ទះឈើតូចមួយ នៅប៉ែកខាងជើងនៃរដ្ឋនូវ យ៉ោក ក្នុងឆ្នាំ 1830 ។
វាចំណាយពេល 117 ឆ្នាំ —មកទល់ឆ្នាំ 1947 ដើម្បីឲ្យសាសនាចក្ររីកចម្រើន ចាប់ពីសមាជិកប្រាំមួយនាក់ដំបូង មកដល់សមាជិកមួយលាននាក់ ។ អ្នកផ្សព្វផ្សាយសាសនា គឺជាទម្រង់ពិសេសមួយរបស់សាសនាចក្រ ចាប់តាំងពីជំនាន់ដំបូងមកម្ល៉េះ ដែលបានរីកចម្រើនចាប់ពីទឹកដីអាមេរិកកំណើត ទៅដល់ប្រទេសកាណាដា ហើយក្នុងឆ្នាំ 1837 វាទៅហួសទ្វីបអាមេរិកខាងជើង ទៅដល់ប្រទេសអង់គ្លេស ។ មិនយូរប៉ុន្មានក្រោយមក អ្នកផ្សព្វផ្សាយសាសនា បានធ្វើការនៅលើទ្វីបអើរ៉ុប ហើយទៅឆ្ងាយដល់ប្រទេសឥណ្ឌា និងកោះប៉ាស៊ីហ្វិកជាច្រើនផងដែរ ។
សមាជិកបានឡើងដល់ ពីរលាននាក់ គ្រាន់តែរយៈពេល 16 ឆ្នាំក្រោយមកប៉ុណ្ណោះក្នុងឆ្នាំ 1963 ហើយឡើងដល់បីលាននាក់ក្នុងប្រាំបីឆ្នាំក្រោយមកទៀត ។ គំរូកំណើនយ៉ាងលឿននេះ បានបន្ដមាន ដែលសមាជិកថ្មីប្រហែលជាមួយលាននាក់ ត្រូវបានបន្ថែមជារៀងរាល់បីឆ្នាំម្ដង ឬតិចជាងបីឆ្នាំម្ដងក្នុងពេលបច្ចុប្បន្ននេះ ។ កំណើន មានការកើនឡើងទាំងបុណ្យជ្រមុជទឹករបស់អ្នកផ្លាស់ប្រែចិត្តជឿ និងកំណើនតាមធម្មតា តាមរយៈកំណើតរបស់កុមារតូចៗ ។
សមាជិកភាពសាសនាចក្រសព្វថ្ងៃមានច្រើនជាង 14 លាននាក់ ។
1 / 2 |
លទ្ធផលនៃការរីកចម្រើនយ៉ាងលឿន និងជាបន្ដបន្ទាប់នេះ ត្រូវបានមើលឃើញនៅក្នុងកន្លែងជាច្រើនលើពិភពលោក កន្លែងដែលសាសនាចក្រប្រតិបត្តិការ ។ ក្រុមជំនុំជាច្រើន ដែលត្រូវបានដាក់ជាក្រុមក្នុងតំបន់ភូមិសាស្ត្រ ត្រូវបានស្គាល់ថាជាវួដ ត្រូវបានបំបែកជាញឹកញាប់ នៅពេលវាមានចំណុះច្រើនពេក ដើម្បីគ្រប់គ្រង ឬដើម្បីថ្វាយបង្គំនៅក្នុងសាលាជំនុំមួយ ឬសាលាប្រជុំទាំងអស់ក្នុងពេលតែមួយ ។ អគារថ្មីៗជាច្រើន ត្រូវបានសង់ចប់ស្ទើរតែជារៀងរាល់ថ្ងៃក្នុងឆ្នាំ ដើម្បីផ្ដល់ជាកន្លែងសម្រាប់កំណើនសមាជិកនោះ ។
យោងតាមក្រុមប្រឹក្សាព្រះវិហារជាតិ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺជាព្រះវិហាររីកចម្រើនលឿនជាងគេបំផុតទីពីរ នៅក្នុងសហរដ្ឋអាមេរិក ។ ទោះជាយ៉ាងណា ថ្វីបើមានចំនួនកើនឡើងក្ដី សាសនាចក្រប្រុងប្រយ័ត្នចំពោះការគិតជ្រុលហួសទៅលើកំណើនស្ថិតិ ។ សាសនាចក្រពុំធ្វើការប្រៀបធៀបស្ថិតិនឹងព្រះវិហារដទៃទេ ហើយក៏មិនប្រកាសដើម្បីធ្វើជានិកាយគ្រីស្ទានដែលរីកចម្រើនលឿនបំផុតនោះដែរ ទោះជាមានយោបល់មតិនៅលើប្រព័ន្ធផ្សព្វផ្សាយព័ត៌មានជាញឹកញាប់អំពីឥទ្ធិពលនោះក្ដី ។ ការប្រៀបធៀបដូច្នេះ កម្រយកមកគិតអំពីទ្វេគុណនៃកត្តាស្មុគស្មាញណាស់ ដែលរួមមានអត្រាសកម្មភាព និងអត្រាមរណភាព វិធីសាស្ត្រដែលត្រូវបានប្រើនៅក្នុងការចុះឈ្មោះ ឬការរាប់សមាជិក និងកត្តាអ្វីដែលបង្កើតជាសមាជិភាព ។ អត្រាកំណើន ក៏មានផ្សេងគ្នាជាចម្បងផងដែរនៅលើពិភពលោក ។ លើសពីនោះ កត្តាដទៃទៀតជាច្រើន ផ្ដល់ជាកម្លាំងនៃសាសនាចក្រ ជាពិសេសបំផុត គឺការលះបង់ និងការតាំងចិត្តរបស់សមាជិកនៃសាសនាចក្រ ។