សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដឹងពីរបៀបរស់នៅដែលផ្ដល់សុខភាពល្អ ។ គម្រោងសុខភាពសម្រាប់សាសនាចក្រត្រូវបានរៀបរៀងឡើងក្នុងឆ្នាំ 1833 ដោយប្រធាន យ៉ូសែប ស៊្មីធ និង ត្រូវបានប្រកាសដល់សមាជិកសាសនាចក្រជំនាន់ដំបូងយ៉ាងពិសេសថាជាវិវរណៈមកពីព្រះ ។ សព្វថ្ងៃនេះ ពួកបរិសុទ្ធថ្ងៃចុងក្រោយចាត់ទុកគោលការណ៍ណែនាំសុខភាពនេះថាជា « ពាក្យសម្ដីនៃប្រាជ្ញាវាងវៃ » ( គោលលទ្ធិ និង សេចក្ដីសញ្ញា 89 ) ។
ក្នុងចំណោមខដែលបានចែងពីច្បាប់សុខភាពនោះមានដូចជា ៖ ហាមផឹកគ្រឿងស្រវឹង ហាមជក់ ឬ ចុកថ្នាំជក់ និង « ភេសជ្ជៈក្ដៅ » —ដែលចាត់ទុកជាពិសេសគឺតែ និង កាហ្វេ ។ ជាពិសេស « រុក្ខជាតិដែលល្អទាំងឡាយ » រួមមានផ្លែឈើ និង គ្រាប់ធញ្ញជាតិ ត្រូវបានណែនាំ ។ សាច់សត្វត្រូវប្រើ « ដោយសន្សំសំចៃ » ។ សាសនាចក្រក៏បកស្រាយពីការប្រើប្រាស់ខុសនៃថ្នាំ—គឺជា វេជ្ជបញ្ជា ឬ ត្រួតពិនិត្យ ខុសច្បាប់ ស្របច្បាប់— ដែលបំពានច្បាប់សុខភាព ។
បណ្ឌិត ធែដ អ័ដាម នាយកកម្មវិធីនៅវិទ្យាស្ថានសុខភាពនៃមន្ទីរពេទ្យ អិល.ឌី.អេស ក្នុងទីក្រុង សលត៍ លេក មានប្រសាសន៍ថា « ច្បាប់សុខភាព ... ដែលមានតាំងពីមួយរយឆ្នាំមុនមកនោះ ពិតជាកញ្ចក់ឆ្លុះបញ្ចាំងពីអនុសាសន៍ដែលត្រូវបានថ្លែងដោយអ្នកវិទ្យាសាស្ត្រពិភពលោកស្ដីពីលក្ខខ័ណ្ឌធ្វើឲ្យមានសុខភាពល្អ និង ឲ្យកាន់តែបវរ » ។
វគ្គសិក្សា យូ.ស៊ី.អិល.អេ មានរយៈពេល 14 ឆ្នាំ ត្រូវបានបញ្ចប់ក្នុងឆ្នាំ 1997 ដែលតានដានលើអត្រាមរណភាព និង ការអនុវត្តន៍ផ្នែកសុខភាពនៃសមាជិកសានាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយចំនួន 10,000 នាក់ក្នុងរដ្ឋ កាលីហ្វូញ៉ា ។ អ្នកវិទ្យាសាស្ត្របានរកឃើញថា ៖ សមាជិកសាសនាចក្រដែលប្រកាន់ខ្ជាប់តាមច្បាប់សុខភាព មានអត្រាមរណភាពដោយសារមហារីក និង ជំងឺបេះដូងទាបជាងគេបំផុតនៅក្នុងសហរដ្ឋអាមេរិក —ដែលមានសុខភាពទ្រុឌទ្រោមពាក់កណ្ដាលចំនួនប្រជាជនទាំងអស់ ។ ការសិក្សានោះក៏បង្ហាញផងដែរថា សមាជិកសាសនាចក្រដែលគោរពតាមច្បាប់នេះ មានអត្រាសង្ឃឹមរស់វែងជាងប្រជាជនស្បែកសពីប្រាំបី ទៅ 11 ឆ្នាំនៅសហរដ្ឋអាមេរិក ។