Additional Resource

កុមារ​នៅ​ក្នុង​សាសនាចក្រ

សាសនាចក្រ មាន​កម្មវិធី​ពេញ​លេញ​មួយ​សម្រាប់​ការ​បង្រៀន​កុមារ​ដែល​ហៅ​ថា អង្គការ​បឋម​សិក្សាដែល​បាន​បង្កើត​ឡើងនៅ​ឆ្នាំ 1878 ។  គោលបំណង​របស់​វា គឺ​ដើម្បី​បង្រៀន​កុមារ​អំពី​ដំណឹង​ល្អ​នៃ​ព្រះយេស៊ូវ​គ្រីស្ទ ហើយ​ជួយ​ពួកគេ​រៀន​រស់នៅ​តាម​គោលការណ៍​ទាំងឡាយ​របស់​ដំណឹង​ល្អ ។

កម្មវិធី​សម្រាប់​កុមារ​ទាំងអស់​ ចាប់ពី​អាយុ 3 ឆ្នាំ ដល់ 11 ឆ្នាំ ត្រូវ​បាន​ធ្វើ​ឡើង​សម្រាប់​រយៈពេល​ពីរ​ម៉ោង រាល់​ថ្ងៃ​អាទិត្យ​នីមួយៗ ខណៈ​ដែល​ឪពុក​ម្ដាយ​ពួកគេ​ ចូលរួម​ក្នុង​ការប្រជុំ​ប្រចាំ​សប្ដាហ៍​របស់​គេ​នោះ ។  បច្ចុប្បន្ន​នេះ មាន​កុមារ​ជាង​មួយ​លាន​នាក់ ចូលរួម​អង្គការ​បឋម​សិក្សា​នៅ​ទូទាំង​ពិភពលោក ។

អង្គការ​បឋម​សិក្សា ត្រូវ​បាន​បំបែក​ជា​ពីរ​ផ្នែក​គឺ— « ពេលវេលា​ចែកចាយ » និង​ការបង្រៀន​ក្នុង​ថ្នាក់​ដាច់​ដោយ​ឡែក ។  ពេលវេលា​ចែកចាយ អនុញ្ញាត​ឲ្យ​កុមារ​ចូលរួម​ក្នុង​កម្មវិធី​នានា ហើយ​រៀន និង​ច្រៀង​ចម្រៀង ដែល​បង្រៀន​អំពី​គោលការណ៍​ទាំងឡាយ​នៃ​ដំណឹង​ល្អ ។

កុមារ​ក៏​ចូលរួម​ជា​ទៀងទាត់​ធ្វើ​កម្មវិធី « ថ្ងៃ​សកម្មភាព » ដែល​ផ្ដល់​ឱកាស​ដល់​ពួកគេ​ប្រាស្រ័យ​ទាក់ទង​គ្នា ហើយ​មាន​កម្មវិធី​សប្បាយៗ​ក្នុង​សកម្មភាព​គម្រោង សកម្មភាព​ឆ្នៃ​ប្រឌិត សកម្មភាព​វប្បធម៌ និង​សកម្មភាព​បម្រើ​ផងដែរ ។ ថ្ងៃ​សកម្មភាព ផ្ដល់​ឱកាស​ដល់​កុមារ​ឲ្យ​ដាក់​គោលការណ៍​ដែល​ពួកគេ​ត្រូវ​បាន​បង្រៀន​ អំឡុង​ថ្នាក់​អង្គការ​បឋម​សិក្សា​ថ្ងៃ​អាទិត្យ​មក​ជា​សកម្មភាព និងនៅ​ផ្ទះ​របស់​ពួកគេ មក​អនុវត្ត ។

កុមារ​ដែល​មាន​អាយុ 8 ឆ្នាំ ដល់​ 11 ឆ្នាំ ដាក់​គោលដៅ​ផ្ទាល់​ខ្លួន នៅ​ក្នុង​សៀវភៅ​ណែនាំ សេចក្ដី​ជំនឿ​លើ​ព្រះ ដើម្បី​ជួយ​ពួកគេ​រស់នៅ​តាម​គោលការណ៍​ទាំងឡាយ​នៃ​ដំណឹង​ល្អ អភិវឌ្ឍ​ទីបន្ទាល់ និង​បង្កើត​មិត្តភាព ។ ការណ៍​នេះ ក៏​ជួយ​រៀបចំ​ពួកគេ​ឲ្យ​ចូល​ក្នុង​កម្មវិធី​យុវជន និង​យុវនារី​នៅ​ពេល​អាយុ 12 ឆ្នាំ ផងដែរ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.