ក្រុមគ្រួសារ

គំនិតនៃក្រុមគ្រួសាររួបរួមគ្នាដែលរស់នៅ និង រីកចម្រើនជានិរន្តរ៍គឺជាស្នូលនៃគោលលទ្ធិពួកបរិសុទ្ធថ្ងៃចុងក្រោយ ។ ក្នុងក្រុមគ្រួសារមួយដែលដឹកនាំដោយឪពុក និង ម្ដាយ កូនៗបង្កើនគុណធម៌មានដូចជា សេចក្ដីស្រឡាញ់ ការទុកចិត្ត ភាពស្មោះត្រង់ ការធ្វើការរួមគ្នា និង ការបម្រើ ។
យោងទៅតាមគោលលទ្ធិសាសនាចក្រ អាពាហ៌ពិពាហ៌ដែលបានធ្វើឡើងនៅក្នុងព្រះវិហារបរិសុទ្ធរបស់សាសនាចក្រ ពុំបញ្ចប់នៅពេលអស់ជីវិតនោះទេដរាបណាដែលគូស្វាមីភរិយានៅបន្តស្មោះត្រង់ចំពោះការសច្ចានៅក្នុងព្រះវិហារបរិសុទ្ធរបស់ពួកគេ ។ ទំនាក់ទំនងក្រុមគ្រួសារពិតជាបន្តរហូតក្រោយពេលអស់ជីវិត ហើយសមាជិកក្រុមគ្រួសារនីមួយៗអាចទទួលបានវិបុលភាពដ៏អស់កល្បជានិច្ច ។
ក្នុងឆ្នាំ 1995 គណៈប្រធានទីមួយនិងកូរ៉ុមនៃពួកសាវកដប់ពីរនាក់ —ដែលជាក្រុមដឹកនាំជាន់ខ្ពស់ទាំងពីររបស់សាសនាចក្រ —ចេញការប្រកាសមួយច្បាប់អត្ថាធិប្បាយអំពីលក្ខណៈដ៏ទេវភាពរបស់ក្រុមគ្រួសារ និង របៀបដែលទំនាក់ទំនងក្រុមគ្រួសារគប្បីត្រូវបានដឹកនាំ និង ចិញ្ចឹមបីបាច់ ។ ( សូមអាន « ក្រុមគ្រួសារ ៖ ការប្រកាស ដល់ ពិភពលោក ) ។
ក្នុងឆ្នាំ 1915 ពួកអ្នកដឹកនាំសាសនាចក្របានបង្កើតកម្មវិធីមួយ ដែលជំរុញឲ្យឪពុកម្ដាយប្រមូលក្រុមគ្រួសាររបស់ពួកគេមកជុំគ្នាមួយសប្ដាហ៍ម្ដងសម្រាប់រាត្រីដែលបានញែកទុកសម្រាប់ក្រុមគ្រួសារ ។ រាត្រីជួបជុំក្រុមគ្រួសារគឺជាពេលវេលាមួយដែលឪពុកម្ដាយអាចបង្រៀនកូនៗពីគោលការណ៍ទាំងឡាយនៃដំណឹងល្អ ។ រាត្រីជួបជុំក្រុមគ្រួសារដ៏សាមញ្ញមួយរួមមានការអធិស្ឋាន ចម្រៀង មេរៀនខ្លី សកម្មភាព និង អាហារសម្រន់ ។ មេរៀនត្រូវបានបង្រៀនដោយឪពុកម្ដាយ និង ពេលខ្លះដោយកូនៗ ។