ក្រុមចម្រៀងរោងឧបោសថមរមន ជាក្រុមចម្រៀងដ៏យូរអង្វែង និងធំជាងគេបំផុតក្នុងពិភពលោក បានសម្ដែងនៅខាងមុខប្រធានស.ហ.រ. បានលក់ចម្រៀងបានរាប់លាន បានទទួលរង្វាន់ជាច្រើន ហើយបានធ្វើឲ្យអ្នកស្ដាប់ជក់ចិត្តនៅក្នុងប្រទេសជាច្រើន ។
ក្រុមចម្រៀង មានមូលដ្ឋាននៅក្នុងទីក្រុងសលត៍ លេក រដ្ឋយូថា នៅទីស្នាក់ការកណ្ដាលនៃសាសនាចក្រ នៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
ក្រុមចម្រៀង ត្រូវបានរៀបចំឡើងដោយអ្នកចម្រៀងស្ម័គ្រចិត្តចំនួន 360 នាក់ ដែលមានអាយុចាប់ពី 25 ឆ្នាំ -60 ឆ្នាំ ដែលជាសមាជិកនៃសាសនាចក្រ ។ ពួកគេហាត់សម និងសម្ដែងប្រចាំសប្ដាហ៍ ហើយត្រូវបានអមជាមួយដោយក្រុមតន្ត្រីវិសាលដ្ឋាននៃព្រះវិហារបរិសុទ្ធជាញឹកញាប់ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ក្រុមចម្រៀងរោងឧបោសថមរមន ចាប់កំណើតឡើងនៅពាក់កណ្ដាលសតវត្សរ៍ទី 19 ។ ក្រុមចម្រៀងតូចមួយ បានច្រៀងដំបូងគេសម្រាប់សន្និសីទនៃសាសនាចក្រមួយ នៅថ្ងៃ 22 ខែ សីហា ឆ្នាំ 1847 គ្រាន់តែរយៈពេល 29 ថ្ងៃប៉ុណ្ណោះ បន្ទាប់ពីពួកអ្នកត្រួសត្រាយផ្លូវដំបូងបានទៅដល់ ដើម្បីតាំងលំនៅ នៅជ្រលងភ្នំសលត៍ លេក ។
នៅខាងលិចនៃព្រះវិហារបរិសុទ្ធសលត៍ លេក មានរោងឧបោសថមរមនជាប្រវត្តិសាស្ត្រតាំងនៅ ដែលជាទីស្នាក់ការរបស់ក្រុមចម្រៀង ។ ក្រុមចម្រៀងរោងឧបោសថមរមន ទទួលបានឈ្មោះមកពីរចនាសម្ព័ន្ធវា ។
អមជាមួយនឹងក្រុមចម្រៀងក្នុងសាលប្រជុំដ៏ធំ គឺមានព្យាណូខ្យល់រោងឧបោសថ ដែលមានបំពង់ចំនួន 11,623 បំពង់ មានទ្រង់ទ្រាយជាបំពង់មាសដ៏លេចធ្លោ ដែលបានធ្វើឡើងមកពីឈើប្រហោងមូល ដែលបានឆ្លាក់ដោយដៃមកពីដើមឈើរដ្ឋយូថាហ៍ ។ បំពង់ចំនួនដប់មកពីព្យាណូខ្យល់ដើម ដែលបានសង់នៅក្នុងឆ្នាំ 1867 គឺនៅតែដំណើរការសព្វថ្ងៃនេះ ។
ក្រុមចម្រៀង គឺត្រូវបានស្គាល់យ៉ាងច្បាស់ក្នុងការចាក់ផ្សាយនៅថ្ងៃអាទិត្យប្រចាំសប្ដាហ៍ នូវ តន្ត្រី និងការអធិប្បាយ ដែលបានផ្សាយចេញមកពី វិសាលនដ្ឋានព្រះវិហារបរិសុទ្ធក្នុងទីក្រុងសលត៍ លេក ។ កម្មវិធីនេះ គឺជាការចាក់ផ្សាយទូទាំងប្រទេសជាបន្ដបន្ទាប់ ដ៏ចំណាស់ជាងគេនៅក្នុងប្រទេសអាមេរិក ។
រ៉ូណល រីហ្គាន ប្រធាននៃសហរដ្ឋអាមេរិក ចាប់ពីឆ្នាំ 1981 ដល់ឆ្នាំ 1989 បានថតសម្លេងក្រុមចម្រៀងរោងឧបោសថមរមន « ក្រុមចម្រៀងរបស់អាមេរិកកាំង » នៅក្នុងឆ្នាំ 1981 នៅពេលដែលក្រុមចម្រៀងច្រៀងនៅពិធីសម្ពោធរបស់លោក ។
ការដើរសម្ដែងសិល្បៈអស់ជាច្រើនឆ្នាំ បាននាំក្រុមចម្រៀងទៅកាន់សាលប្រគុំតន្ត្រីដ៏អស្ចារ្យនៃភាគខាងជើង និងខាងត្បូងអាមេរិក អើរ៉ុប អាស៊ី និងប៉ាស៊ីភិច ។
អំឡុងពេលអូឡាំពិករដូវត្រជាក់នៅក្នុងទីក្រុងសលត៍ លេក —នៅថ្ងៃទី 8-24 ខែ កុម្ភៈ ឆ្នាំ 2002 —ក្រុមចម្រៀងបានប្រគុំឡើងនៅក្នុងពិធីបញ្ចប់ជាផ្លូវការ ។
ការថតសំឡេងរបស់ក្រុមចម្រៀង បានទទួលអាល់ប៊ុមមាសចំនួនប្រាំ និងអាល់ប៊ុមប្លាកទីនចំនួនពី រួមទាំងឈ្នះរង្វាន់ Grammy Award នូវបទ « Battle Hymn of the Republic » ។ ក្រុមចម្រៀង បានថតសំឡេងជាមួយនឹងក្រុមភ្លេងដ៏អស្ចារ្យលើពិភពលោកមួយចំនួន ដែលរួមមានក្រុមភ្លេង ហ្វីឡាឌែលព្យា ក្រុមភ្លេងភីលហាម៉ូនិក នូវ យ៉ោក និងក្រុមភ្លេងប្រពៃណីយេរូសាឡិម ។