គណៈប្រធានទូទៅ នៃសមាគមសង្គ្រោះ បម្រើក្រោមការដឹកនាំរបស់គណៈប្រធានទីមួយរបស់សាសនាចក្រ ។ បច្ចុប្បន្ននេះ គណៈប្រធានរួមមាន បងស្រី ជូលី ប៊ី ប៊េក, បងស្រី ស៊ីលវ៉ា អាល់រែត និង បងស្រី បាបារ៉ា ថមសុន ។ ពួកគាត់បានកំពុងបម្រើ ចាប់តាំងពីខែមិនា ឆ្នាំ 2007 ។
បងស្រី ជូលី ប៊ី ប៊េកជាប្រធាននៃសមាគមសង្គ្រោះ បានរស់នៅប្រទេស ប្រេស៊ីល ពេលគាត់មានអាយុបួនឆ្នាំ ហើយបានរៀននិយាយភាសាព័រទុយហ្គាយ ។ គាត់បានបញ្ចប់ការសិក្សាមកពីមហាវិទ្យាល័យ ឌីកស៊ី និងសាកលវិទ្យាល័យ ព្រិកហាំ យ៉ង់ នៅរដ្ឋយូថាហ៍ ។ គាត់ជាម្ដាយនៃកូនបីនាក់ ហើយជាយាយនៃចៅប្រាំបីនាក់ ។
ទីប្រឹក្សាទីមួយរបស់គាត់ គឺស៊ីលវ៉ា អាល់រែត គឺជាជនជាតិអែលសាល់វ៉ាឌ័រ ដែលភាសាអេស្ប៉ាញ ជាភាសាទីមួយរបស់គាត់ ។ គាត់បានជួបនឹងអ្នកផ្សព្វផ្សាយសាសនា កាលជាយុវវ័យនៅសាន់សាល់វ៉ាឌ័រ រួចចូលរួមក្នុងសាសនាចក្រមិនយូរប៉ុន្មានក្រោយពេលនោះមក ។ ក្រោយមកគាត់បានធ្វើជាអ្នកផ្សព្វផ្សាយសាសនាម្នាក់ នៅអាមេរិកកណ្ដាល ។
ទីប្រឹក្សាទីពីរ គឺបាបារ៉ា ថមសុន បានរៀនភាសាអាល្លឺម៉ង កាលធ្វើជាអ្នកផ្សព្វផ្សាយសាសនានៅ ហាំប៊ើក ។ គាត់បានទទួលបរិញ្ញាបត្រអនុបណ្ឌិតខាងកិច្ចការសង្គម ដែលគាត់ធ្វើការឲ្យការិយាល័យផ្នែកសេវាកម្មមនុស្សនៅរដ្ឋយូថាហ៍ អស់រយៈពេល 30 ឆ្នាំ ។ អំឡុងពេលការចូលនិវត្តន៍របស់គាត់ គាត់បានបម្រើជានាយកប្រតិបត្តិនៃអង្គការអន្ដរជាតិមួយ ដែលធ្វើការដើម្បីជួយដល់កុមារតូចៗដែលត្រូវគេរំលោភបំពាន និងបោះបង់ចោល ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ស្ត្រីទាំងបីរូបនេះ ជាអ្នកតំណាង និងជាអ្នកដឹកនាំអង្គការកំពុងលូតលាស់មួយ ដែលពង្រីកទៅពេញផែនដី ។ វប្បធម៌ អាចនឹងមានភាពខុសគ្នា ហើយអាចមានឧបសគ្គខាងភាសា ប៉ុន្តែស្របតាមបងស្រី ប៊េក ស្ត្រីមរមនអាចជួយ បាននៅគ្រប់ពេល ដើម្បីជួយឲ្យសហគមន៍របស់ពួកគេកាន់តែល្អប្រសើរ ។
បងស្រី ប៊េក បាននិយាយថា « អ្វីដែលស្ត្រីម្នាក់ធ្វើ ដើម្បីជួយសង្គ្រោះនៅប្រទេសអាហ្វ្រិក កំពុងតែធ្វើឲ្យមានការផ្លាស់ប្តូរបន្ដិច ជាងអ្វីដែលគាត់ធ្វើនៅទីក្រុង បោនទីហ្វុល យូថាហ៍ អ្វីដែលគាត់ធ្វើនៅប៊ែងហ្គាល័រ កំពុងតែធ្វើឲ្យមានការផ្លាស់ប្តូរបន្ដិច ជាងអ្វីដែលគាត់ធ្វើនៅ ប៊ុយណូហ្សែ » ។ « ពួកគាត់ចេះរបៀបដើម្បីផ្ដល់ជំនួយ ។ ពួកគាត់អាចមើលឃើញពីតម្រូវការ ។ យើងត្រូវពង្រឹងដល់ពួកគេនៅទីនេះ » ។
ស្ត្រីមរមនទាំងអស់ ពុំដូចគ្នានោះទេ ។ ពួកគាត់រៀបការហើយ នៅលីវ ឬជាស្ដ្រីម៉េមាយ ពួកគេជាបុត្រីរបស់ព្រះ ជាម្ដាយ និងជាជីដូន ។ ជាញឹកញាប់ ពួកគេជាមេផ្ទះ ហើយអ្នកខ្លះអាចមានវិជ្ជាជីវៈលំបាកៗដទៃទៀត ។
បងស្រី ប៊េក បាននិយាយថា មិនថាតួនាទីណាទេ ស្ត្រីម្នាក់ៗ មានឱកាសដូចគ្នាដើម្បីមានចំណែកនៅក្នុងអង្គការមួយ ដែលបង្រៀនពីរបៀបស្ថាបនាជំនឿទៅលើព្រះយេស៊ូវគ្រីស្ទ លើកទឹកចិត្តដល់ការសិក្សា និងអភិវឌ្ឍខ្លួន គូសបញ្ជាក់ពីតម្លៃដ៏ទេវភាពរបស់ស្ត្រី អនុវត្តសប្បុរសធម៌ និងការបម្រើ ពង្រឹងក្រុមគ្រួសារ ហើយបង្កើតប្រព័ន្ធនៃការគាំទ្រ និងមិត្តភាព ។
នៅក្នុងរចនាសម្ព័ន្ធរបស់សាសនាចក្រ ស្ត្រីមានឱកាសជាច្រើន ដើម្បីធ្វើជាអ្នកដឹកនាំ ផ្ដល់ទេសនកថា អំឡុងកម្មវិធីថ្វាយបង្គំ និងផ្ដល់ការអធិស្ឋានជាក្រុមជំនុំ ។ ពួកគាត់ទទួលតួនាទីសកម្មមួយនៅក្នុងកម្មវិធីសុខុមាលភាពរបស់សាសនាចក្រ តាមរយៈការបង្រៀនអំពីគោលការណ៍នៃភាពខ្លួនទីពឹងខ្លួន និងការជួយដោះស្រាយនូវតម្រូវការជាបណ្ដោះអាសន្ន និងរយៈពេលវែងរបស់បុគ្គលម្នាក់ៗ ។ ក៏មានកម្មវិធីសួរសុខទុក្ខតាមផ្ទះដ៏ធំមួយផងដែរ ដែលស្ត្រីនៃសាសនាចក្រ ទៅសួរសុខទុក្ខគ្នាទៅវិញទៅមកជាទៀងទាត់ ដោយផ្ដល់នូវការគាំទ្រ និងការលើកទឹកចិត្ត ។ យ៉ូសែប ស៊្មីធ បានពន្យល់អំពីគោលបំណងនៃសមាគមសង្គ្រោះថាជា « អង្គការជំនួយដល់អ្នកក្រីក្រ ជនទុគ៌ត ស្ត្រីមេម៉ាយ និងកុមារកំព្រា ហើយសម្រាប់អនុវត្តនូវរាល់គោលបំណងនៃចិត្តមេត្តាទាំងអស់ ។