សាសនាចក្រ មានកម្មវិធីពេញលេញមួយសម្រាប់ការបង្រៀនកុមារ ដែលហៅថា អង្គការបឋមសិក្សា ដែលបានបង្កើតឡើងនៅឆ្នាំ 1878 ។ គោលបំណងរបស់វា គឺដើម្បីបង្រៀនកុមារអំពីដំណឹងល្អនៃព្រះយេស៊ូវគ្រីស្ទ ហើយជួយពួកគេរៀនរស់នៅតាមគោលការណ៍ទាំងឡាយរបស់ដំណឹងល្អ ។
កម្មវិធីសម្រាប់កុមារទាំងអស់ ចាប់ពីអាយុ 3 ឆ្នាំ ដល់ 11 ឆ្នាំ ត្រូវបានធ្វើឡើងសម្រាប់រយៈពេលពីរម៉ោង រាល់ថ្ងៃអាទិត្យនីមួយៗ ខណៈដែលឪពុកម្ដាយពួកគេ ចូលរួមក្នុងការប្រជុំប្រចាំសប្ដាហ៍របស់ខ្លួននោះ ។ បច្ចុប្បន្ននេះ មានកុមារជាងមួយលាននាក់ ចូលរួមអង្គការបឋមសិក្សានៅទូទាំងពិភពលោក ។
នៅក្នុងខែមេសា ឆ្នាំ 2010 បងស្រីរ៉ូស្មែរី អិម វិសុមត្រូវបានហៅជាប្រធានទូទៅនៃអង្គការបឋមសិក្សានៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ បងស្រីជីន អេ ស្ទីវិននិង បងស្រីឆែរីល អេ អេសព្លីនក៏ត្រូវបានហៅឲ្យបម្រើជាមួយគាត់ ជាទីប្រឹក្សាទីមួយ និងទីប្រឹក្សាទីពីរ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
បងស្រី វិសុម បានមានប្រសាសន៍នៅក្នុងសន្និសីទសារព័ត៌មានមួយ បន្ទាប់ពីការប្រកាសថា « យើងរីករាយណាស់ដើម្បីមានឱកាសបម្រើកូនតូចៗ ( របស់ព្រះ ) » ។ គាត់មានប្រសាសន៍ថា « មានតម្រូវការតែពីរគត់នៅក្នុងការហៅនេះ គឺស្រឡាញ់ព្រះអម្ចាស់ និងស្រឡាញ់កូនតូចៗរបស់ទ្រង់ ។ កង្វល់ដ៏ធំបំផុតរបស់យើងគឺថា តើកុមារតូចៗស្គាល់ថាខ្លួនគេជានរណា ហើយដឹងថាយើងស្រឡាញ់ពួកគេដែរឬទេ » ។