នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ពាក្យ គ្រូ មានអត្ថន័យពីរយ៉ាង ៖
- ជាតំណែងមួយនៃការទទួលខុសត្រូវក្នុងបព្វជិតភាពអើរ៉ុន ដែលជាទូទៅកាន់ដោយយុវជន ដែលមានអាយុចាប់ពី 14 ឆ្នាំទៅ 15 ឆ្នាំ ។ គ្រូ រៀបចំនំប៉័ង និងទឹក ដែលផ្ដល់ឲ្យអំឡុងសាក្រាម៉ង់ ( ស្រដៀងគ្នានឹងការរួបរួមគ្នា ) នៅក្នុងកម្មវិធីថ្វាយបង្គំថ្ងៃអាទិត្យ ។ យុវជនទាំងនេះ ក៏អាចបម្រើជាគ្រូបង្រៀនតាមផ្ទះ និងសួរសុខទុក្ខសមាជិកនៅក្នុងក្រុមជំនុំតាមមូលដ្ឋានរបស់ពួកគេផងដែរ ។ នៅក្នុងក្រុមជំនុំតាមមូលដ្ឋាន គ្រូ ត្រូវបានរៀបចំតាមកូរ៉ុម ។ ក្រុមតូចៗទាំងនេះ អនុញ្ញាតឲ្យយុវជនរៀនជំនាញជាអ្នកដឹកនាំ នៅពេលពួកគេបម្រើជាមួយគ្នា មានសកម្មភាព និងជួយគ្នាទៅវិញទៅមក រស់នៅតាមដំណឹងល្អនៃព្រះយេស៊ូវគ្រីស្ទ ។
- ជាមនុស្សម្នាក់ដែលបង្រៀនក្នុងថ្នាក់មួយនៅសាសនាចក្រ ។ នេះអាចរួមមាន ថ្នាក់សម្រាប់កុមារតូចៗ ថ្នាក់យុវវ័យ ឬថ្នាក់មនុស្សពេញវ័យ ។ ថ្នាក់រៀនទាំងនេះ តាមធម្មតា ត្រូវបានបង្រៀនជាផ្នែកមួយនៃកម្មវិធីថ្វាយបង្គំនៅថ្ងៃអាទិត្យ ដោយមានគោលបំណងពង្រឹងសេចក្ដីជំនឿផ្ទាល់ខ្លួន ហើយបង្កើនចំណេះដឹងអំពីបទគម្ពីរ និងគោលលទ្ធិសាសនាចក្រ ។