គ្រូបង្រៀនតាមផ្ទះ គឺជាបុរសម្នាក់ដែលត្រូវបានចាត់ឲ្យមើលខុសត្រូវ និងជួយដល់បងប្អូនសមាជិកនៅក្នុងវួដ ឬសាខាពួកបរិសុទ្ធថ្ងៃចុងក្រោយរបស់គាត់ ។ គ្រូបង្រៀនតាមផ្ទះពីររូប ត្រូវបានចាត់ឲ្យទៅមនុស្សម្នាក់ៗ ឬគ្រួសារនីមួយៗ នៅក្នុងក្រុមជំនុំ អ្នកកាន់បព្វជិតភាពទាំងពីរនាក់នេះ សួរសុខទុក្ខបុគ្គលម្នាក់ៗ និងក្រុមគ្រួសារដែលបានចាត់ឲ្យគាត់ទៅរាល់ខែ ដើម្បីជួយ និងគាំទ្រពួកគេនៅក្នុងកិច្ចខិតខំ ដើម្បីរស់នៅតាមគោលការណ៍ ដែលត្រូវបានបង្រៀនដោយព្រះយេស៊ូវគ្រីស្ទ ។
នៅក្នុងការសួរសុខទុក្ខជាទៀងទាត់នេះ គឺមានសារលិខិតនៃការណែនាំខាងវិញ្ញាណ ដែលត្រូវបានសម្របសម្រួលដើម្បីបំពេញទៅតាមសេចក្ដីត្រូវការ និងកង្វល់របស់បុគ្គលម្នាក់ៗ ឬក្រុមគ្រួសារទាំងឡាយ ។ គ្រូបង្រៀនតាមផ្ទះ ក៏ត្រូវប្រាកដថា សេចក្ដីត្រូវការខាងសាច់ឈាមរបស់សមាជិក ត្រូវបានយកចិត្តទុកដាក់ផងដែរ ។
« ការបង្រៀនតាមផ្ទះ ពុំមែនគ្រាន់តែជាកម្មវិធីមួយផ្សេងទៀតទេ ។ វាគឺជាមធ្យោបាយនៃការមើលថែលើពួកបរិសុទ្ធរបស់បព្វជិតភាព ហើយដើម្បីសម្រេចតាមបេសកកម្មរបស់សាសនាចក្រ ។ គ្រូបង្រៀនតាមផ្ទះ គឺពុំគ្រាន់តែជាកិច្ចការចាត់តាំងមួយនោះទេ ។ វាគឺជាការហៅដ៏ពិសិដ្ឋមួយ » អតីតប្រធានសាសនាចក្រ អ៊ែសរ៉ា ថាហ្វ ប៊ែនសឹន បានមានប្រសាសន៍យ៉ាងដូចនេះ។
ការបង្រៀនតាមផ្ទះ ត្រូវបានបំពេញបន្ថែមដោយ កម្មវិធី ការបង្រៀនសួរសុខទុក្ខ ក្នុងការមើលថែចំពោះសេចក្ដីត្រូវការនៃពួកបរិសុទ្ធថ្ងៃចុងក្រោយ ។ គ្រូបង្រៀនសួរសុខទុក្ខ គឺជាស្ត្រីពីររូប ដែលបានចាត់ឲ្យទៅសួរសុខទុក្ខដល់ស្ត្រីម្នាក់ៗនៅក្នុងក្រុមជំនុំរបស់ពួកគេ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |