កម្មវិធីដៃជំនួយពួកមរមន បាននាំសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយមកជួបជុំគ្នា និងអ្នកជិតខាងពួកគេផង ដើម្បីផ្ដល់ការបម្រើក្នុងសហគមន៍ ។ ពួកអ្នកស្ម័គ្រចិត្តទាំងនេះ ពាក់អាវពណ៌លឿងដែលមានផ្លាកសញ្ញារបស់ពួកគេ ជួយដល់អ្នកទាំងឡាយដែលជីវិតពួកគេបានរងឥទ្ធិពល ដោយគ្រោះធម្មជាតិ និងគ្រោះអាសន្នដទៃទៀត ។ អ្នកស្ម័គ្រចិត្តដៃជំនួយពួកមរមន ក៏ចាប់ដៃគូជាមួយរដ្ឋាភិបាល និងអង្គការក្រៅរដ្ឋាភិបាលផងដែរ ដើម្បីឧបត្ថម្ភ និងកែលម្អសហគមន៍ ដែលពួកគេរស់នៅ ។
កម្មវិធីដៃជំនួយ ឆ្លុះបញ្ចាំងពីបំណងប្រាថ្នារបស់ពួកមរមន ដើម្បីធ្វើតាមគំរូរបស់ព្រះយេស៊ូវគ្រីស្ទ តាមរយៈការបម្រើដល់អ្នកដទៃ ។ កិច្ចខិតខំ បានទទួលធនធានជាច្រើនមកពីសេវាកម្មមនុស្សធម៌របស់សាសនាចក្រ ហើយគម្រោងទាំងឡាយ ត្រូវបានសម្របសម្រួលដោយពួកអ្នកដឹកនាំសាសនាចក្រក្នុងមូលដ្ឋាន ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
កម្មវិធីដៃជំនួយពួកមរមន ត្រូវបានបង្កើតឡើងក្នុងឆ្នាំ 1998 ហើយចាប់តាំងពីពេលនោះមក មានអ្នកស្ម័គ្រចិត្តរាប់រយពាន់នាក់ បានលះបង់ពេលវេលារបស់ពួកគេរាប់លានម៉ោងធ្វើការបម្រើ ដើម្បីសហគមន៍របស់ពួកគេ ។ ចាប់តាំងពីពេលនោះ កម្មវិធីនេះបានចាប់ផ្ដើមផ្សាយទៅដល់ស្ទើរតែគ្រប់ជ្រុងនៃផែនដី ដែលវាចាប់ផ្ដើមដំបូងនៅអាមេរិកខាងត្បូង ។
អ្នកស្ម័គ្រចិត្តឈ្មោះ ឆាល អាឌីបេយ៉ូ នៃប្រទេសនីហ្សេរីយ៉ា បាននិយាយពីអារម្មណ៍របស់មនុស្សជាច្រើនដែលបានចូលរួមក្នុងកម្មវិធីដៃជំនួយពួកមរមនថា ៖ « យើងរកឃើញសុភមង្គលពិត នៅពេលយើងគិតអ្វីដែលក្រៅពីខ្លួនយើង ។ គាត់មានប្រសាសន៍ថា នោះគឺជាក្ដីអំណរពិត » ។
សារព័ត៌មានពីមុនៗមួយចំនួន ដែលនិយាយអំពីគម្រោងដៃជំនួយពួកមរមន ត្រូវបានរៀបរាប់ដូចខាងក្រោម៖
អ្នកស្ម័គ្រចិត្តមរមនរាប់ពាន់នាក់ បានជួយនៅក្នុងរដ្ឋកាលីហ្វូញ៉ា និងរដ្ឋហាវ៉ៃ (5/3/2011)
ថ្ងៃនៃការបម្រើនៅក្នុងរដ្ឋហ្ល័រីដាខាងត្បូង (4/13/2011)
ពួកមរមនបានធ្វើការឆ្លងកាត់រដ្ឋជាច្រើនដើម្បីជួយសម្អាតដល់សហគមន៍របស់ពួកគេ (9/21/2010)
កម្មវិធី « ដៃជំនួយពួកមរមន »— ជាការបម្រើមួយទសវត្សរ៍ហើយ(10/27/2008)
« ដៃជំនួយ » ពួកមរមន បានបោសសម្អាតបន្ទាប់ពីព្យុះ អាយគី (9/19/2008)
តើមានអ្វីបានបំផុសដល់ពួកមរមន អំឡុងពេលគ្រោះអាសន្ន (8/11/2008)
ពួកមរមនផ្ដល់ជំនួយម្ហូបអាហារក្នុងរដ្ឋ អ៊ិនឌីអាណា រដ្ឋ អៃអូវ៉ា និងវ៉ាស្កុនសិន (6/17/2008)
ជនជាតិញូហ្សឺលែន បានជួយសម្អាតដល់អ្នកជិតខាង (3/12/2008)
ព្រឹទ្ធសភាប្រទេស ប្រេស៊ីល ផ្ដល់កិត្តិយសដល់សាសនាចក្រ និងសមាជិក (11/30/2007)
ជនជាតិអាហ្រ្វិករាប់រយពាន់នាក់ រកបានសេចក្ដីអំណរនៅក្នុងគម្រោង « ដៃជំនួយពួកមរមន » ទូទាំងទ្វីប (11/9/2007)
គម្រោងដៃជំនួយពួកមរមននៅទូទាំងប្រទេស ជាប្រយោជន៍ដល់សាលាក្នុងប្រទេសប្រេស៊ីល (10/9/2007)
គម្រោងការបម្រើរបស់យុវវ័យរដ្ឋហ្ល័រីដា អំពីគំរូនៃគុណតម្លៃស្នូលរបស់មរមន (7/18/2007)
ពួកមរមនធ្វើការជាមួយសហគមន៍ ដើម្បីត្រៀមខ្លួនចំពោះព្យុះសង្ឃរា (7/5/2007)
អ្នកស្ម័គ្រចិត្តមរមនចំនួន 60,000 នាក់ ជួយដល់មន្ទីរពេទ្យប្រេស៊ីលចំនួន 300 កន្លែង (5/9/2007)
ការពួតដៃគ្នាក្នុងនាមជាអ្នកជិតខាង ហើយឥឡូវក្លាយជាមិត្តភក្ដិ (9/13/2005)