តំណែងមួយនៃការទទួលខុសត្រូវនៅក្នុង បព្វជិតភាពអើរ៉ុន ជាទូទៅ ធ្វើឡើងដោយយុវជន អាយុ 12 ឆ្នាំដល់ 13 ឆ្នាំ ។ ឌីកុន ជួយចែក សាក្រាម៉ង់ ( ស្រដៀងគ្នានឹងការរួបរួមគ្នា ) ចំពោះសមាជិកសាសនាចក្រក្នុងកម្មវិធីថ្វាយបង្គំនៅថ្ងៃអាទិត្យ ។ ឌីកុន ក៏ជួយដល់អ្នកដឹកនាំក្នុងក្រុមជំនុំ មើលថែដល់អ្នកទាំងឡាយដែលខ្វះខាត និងជួយមើលថែសាលាប្រជុំ និងទីធ្លាសាសនាចក្រផងដែរ ។
ក្នុងក្រុមជំនុំតាមមូលដ្ឋាន ឌីកុន ត្រូវបានរៀបចំឡើងដោយ កូរ៉ុម ដែលមានយុវជន កាន់តំណែងនៃថ្នាក់ដឹកនាំ មានសកម្មភាព និងគាំទ្រគ្នាទៅវិញទៅមក ក្នុងកិច្ចខិតខំដើម្បីធ្វើតាមព្រះយេស៊ូវគ្រីស្ទ ។