សិក្ខាសាលា គឺជាកម្មវិធីអប់រំខាងសាសនារយៈពេលបួនឆ្នាំ សម្រាប់សិស្សនៅវិទ្យាល័យ ។ វាបើកសម្រាប់យុវវ័យគ្រប់ជំនឿទាំងអស់ ។
សិស្សទាំងឡាយ ចំណាយឆ្នាំសិក្សាពេញមួយឆ្នាំ សិក្សាគម្ពីរមួយនៃព្រះគម្ពីរ ៖ ព្រះគម្ពីរសញ្ញាចាស់, ព្រះគម្ពីរសញ្ញាថ្មី, ព្រះគម្ពីរមរមន ឬ គោលលទ្ធិ និង សេចក្តីសញ្ញា ។ ពេលសិស្សបញ្ចប់ការសិក្សា នោះគាត់ ឬនាង នឹងបញ្ចប់ការសិក្សានៃព្រះគម្ពីរទាំងបួន ។
នៅក្នុងសហគមន៍ដែលមានចំនួនពួកបរិសុទ្ធថ្ងៃចុងក្រោយច្រើន នោះសិស្សចូលរួមក្នុងថ្នាក់សិក្ខាសាលា អំឡុង « ពេលទំនេរ » ពីថ្ងៃទៅសាលារៀនតាមធម្មតារបស់ពួកគេ ។ នៅផ្នែកដទៃទៀតនៃពិភពលោក សិស្សទាំងឡាយចូលរៀននៅមុនម៉ោងទៅសាលារៀនពួកគេ ឬចូលរៀនបន្ទាប់ពីចេញពីសាលារៀនពួកគេ ។ ក្នុងករណីខ្លះ ដែលសិស្សមានបញ្ហាផ្លូវឆ្ងាយ ឬករណីដែលពុំមានយុវវ័យពួកបរិសុទ្ធច្រើន នោះសិស្ស អាចបញ្ចប់កម្មវិធីសិក្សារយៈពេលបួនឆ្នាំ តាមរយៈកម្មវិធីសិក្សានៅតាមផ្ទះ ។
ថ្នាក់រៀនទាំងឡាយ ត្រូវបានបង្រៀនដោយគ្រូពេញម៉ោង និងអ្នកស្ម័គ្រចិត្ត ។ មានសិស្សថ្នាក់សិក្ខាសាលាប្រហែលជា 350,000 នាក់នៅទូទាំងពិភពលោក ។