សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដាក់សារៈសំខាន់ដ៏ខ្ពស់មួយ ទៅលើការបង្រៀនកុមារតូចៗអំពីផែនការរបស់ព្រះ ហើយជួយពួកគេឲ្យធ្វើតាមគំរូរបស់ព្រះយេស៊ូវគ្រីស្ទ ។ ដើម្បីជួយឲ្យសម្រេចគោលដៅនេះ សាសនាចក្រជួយឧបត្ថម្ភដល់អង្គការបឋមសិក្សា ចំពោះកុមារដែលមានអាយុចន្លោះ 18 ខែ ទៅ 12 ឆ្នាំ ។
អង្គការបឋមសិក្សា ត្រូវបានរៀបចំឡើងដើម្បីបំពេញបន្ថែមនូវការបង្រៀនខាងសាសនា ដែលបានផ្ដល់ឲ្យដោយឪពុកម្ដាយ ។ កុមារតូចៗ ជួបជុំអំឡុងកម្មវិធីថ្វាយបង្គំមរមន នៅរាល់ថ្ងៃអាទិត្យ ដើម្បីពិភាក្សាអំពីគោលលទ្ធិសាសនាចក្រ ចូលរួមក្នុងសកម្មភាពរៀនសូត្រ និងច្រៀងចម្រៀង ។ កុមារតូចៗគ្រប់វ័យ មានឱកាសចូលរួមក្នុងការប្រជុំទាំងនេះ ដោយការផ្ដល់ការអធិស្ឋាន ការអានបទគម្ពីរ និងការឡើងនិយាយអំពីប្រធានបទដំណឹងល្អ ។ អំឡុងម៉ោងថ្នាក់អង្គការបឋមសិក្សានៅថ្ងៃអាទិត្យ កុមារក៏ជួបជុំគ្នាជាក្រុមតូចៗផងដែរ ដើម្បីរៀនមេរៀនជាមួយនឹងកុមារដទៃទៀត ដែលមានអាយុស្របាលគ្នា ។ មេរៀនទាំងឡាយ ត្រូវបានបង្រៀនដោយសមាជិកពេញវ័យក្នុងក្រុមជំនុំ ដែលត្រូវបានសុំឲ្យស្ម័គ្រចិត្តចំណាយពេលវេលារបស់ពួកគេសម្រាប់ការហៅនេះ ។
មានកុមារអង្គការបឋមសិក្សាច្រើនជាងមួយលាននាក់ក្នុងពិភពលោក ។ អង្គការបឋមសិក្សា ត្រូវបានគ្រប់គ្រងដោយគណៈប្រធានទូទៅមួយ ដែលបច្ចុប្បន្នមាន បងស្រី រ៉ូស្មែរី អិម វិសុម, ជីន អេ ស្ទីវិន និងឆែរីល អេ អេសព្លីន ។