សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គិតថាវាសំខាន់ណាស់ដើម្បីអភិរក្ស និងចែកចាយអំពីប្រវត្តិសាស្ត្រខ្លួន ។ សាសនាចក្រ បានថែរក្សាទីតាំងប្រវត្តិសាស្ត្រជាច្រើនកន្លែង ដើម្បីឲ្យមនុស្សមកពីគ្រប់ជំនឿទាំងអស់ អាចរៀនមេរៀនសំខាន់អំពីប្រវត្តិសាស្ត្រ សេចក្ដីជំនឿ និងការតាំងចិត្ត ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ប្រវត្តិវិទូ និងអ្នកកត់ត្រា អែលឌើរ ម៉ាលីន ឃេ ជែនសិន បានមានប្រសាសន៍ថា « ទីតាំងប្រវត្តិសាស្ត្ររបស់យើង ជួយយើងប្រាប់អំពីរឿងពិសេសអំពីពួកបរិសុទ្ធថ្ងៃចុងក្រោយ » ។ « ទីតាំងនីមួយៗ មានពេញទៅដោយរឿងលំអិតជាក់លាក់នៃប្រវត្តិសាស្ត្រ ហើយមានការតាំងពិពណ៌ ដើម្បីជួយមនុស្សឲ្យកាន់តែយល់ថាយើងជានរណា និងអ្វីសំខាន់ចំពោះយើង » ។
គ្រប់ទីតាំងប្រវត្តិសាស្ត្ររបស់សាសនាចក្រទាំងអស់ គឺបើកជាសាធារណៈដោយឥតគិតថ្លៃ ។ ទីតាំងមួយចំនួន មានទំហំធំ ហើយមានព័ទ្ធជុំវិញដោយទីតាំងជាច្រើន ដូចជា ណៅវូ អិលលីណោយ ឬប៉ាល់ម៉ៃរ៉ា រដ្ឋនូវ យ៉ោក ។ ទីតាំងដទៃទៀត តូចៗ ដែលគ្រាន់តែមានរូបសំណាកមួយ ឬអគារតូចមួយប៉ុណ្ណោះ ដូចជា រោងជំនុំហ្គេតហ្វីល អែម នៅក្នុងប្រទេសអង់គ្លេស ឬ ទីតាំងប្រវត្តិសាស្ត្រកងវរសេនាតូចមរមន នៅក្នុងទីក្រុង សាន់ឌីអាហ្គូ រដ្ឋកាលីហ្វូញ៉ា ។ ទីតាំងជាច្រើនទៀត ផ្ដល់ជាសកម្មភាពរីករាយសម្រាប់ក្រុមគ្រួសារ ។