ការប្រមូលផ្ដុំកំណត់ត្រាពង្សាវតាដ៏ធំបំផុតលើពិភពលោក មានដាក់នៅក្នុងទូដែកសុវត្ថិភាពមួយ ដែលមានទីតាំងនៅក្នុងភ្នំ ជិតទីក្រុងសលត៍ លេក រដ្ឋយូថាហ៍ ។ សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ បានសង់ទូដែករក្សាកំណត់ត្រាភ្នំក្រានីត នៅក្នុងឆ្នាំ 1965 ដើម្បីការពារ និងរក្សាកំណត់ត្រាដែលសំខាន់ចំពោះសាសនាចក្រ រួមមានទាំងការប្រមូលផ្ដុំមីក្រូហ្វិលម៍ពង្សប្រវត្តិដ៏ធំផងដែរ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
សម្រាប់មូលហេតុសុវត្ថិភាព នោះគ្មានការចូលមើលជាសាធារណៈទៅកាន់ទូដែកកំណត់ត្រាភ្នំក្រានីតទេ ប៉ុន្តែសូមចុចនៅទីនេះ ដើម្បីមើលវីដេអូទិដ្ឋភាពក្រៅឆាក ។
ទូដែករក្សារូបភាពច្រើនចំនួន 3.5 កោដិនៅក្នុងមីក្រូហ្វិលម៍ មីក្រូហ្វិច និងប្រព័ន្ធឌីជីថល ។ ថ្មីៗនេះ សាសនាចក្រកំពុងស្ថិតក្នុងដំណើរការនៃការបំផ្លាស់ពីមីក្រូហ្វិលម៍ ទៅជារូបភាពឌីជីថល ហើយកំពុងធ្វើឲ្យកំណត់ត្រាឌីជីថលទាំងនោះ មាននៅតាមគេហទំព័រ FamilySearch.org។ ដើម្បីរៀនច្រើនទៀតអំពីដំណើរការនេះ សូមមើលក្នុងវីដេអូនេះ ។
រូបភាពនៅក្នុងទូដែកកំណត់ត្រាភ្នំក្រានីត ត្រូវបានប្រមូលផ្ដុំ តាមរយៈការព្រមព្រៀងជាមួយនឹងបណ្ណាសារដ្ឋាន បណ្ណាល័យ និងព្រះវិហារជាច្រើន មកពីប្រទេសច្រើនជាង 100 ប្រទេស ។ ច្បាប់ចម្លងកំណត់ត្រាទាំងនេះ ត្រូវបានផ្ដល់ទៅឲ្យអ្នកថែទាំកំណត់ត្រាដោយឥតគិតថ្លៃ ហើយជួនកាល ច្បាប់ចម្លងបន្ថែម ត្រូវបានផ្ដល់ឲ្យដើម្បីជំនួសកំណត់ត្រាទាំងឡាយដែលបានបាត់បង់នៅក្នុងគ្រោះធម្មជាតិ ឬភ្លើងឆេះ ។ សូមចុចនៅទីនេះ ដើម្បីមើលរឿងអំពីរបៀបដែលសាសនាចក្រ អាចដាក់ជំនួសកំណត់ត្រាពង្សាវតាដ៏មានតម្លៃ សម្រាប់ជនជាតិ នីអ៊ូ នៃកោះប៉ាស៊ីភិច បន្ទាប់ពីព្យុះស៊ីក្លូនបំផ្លិចបំផ្លាញ ។