បណ្ណាល័យប្រវត្តិសាស្ត្រសាសនាចក្រ ត្រូវបានឧទ្ទិសឆ្លង ដើម្បីការពារ និងចែកចាយប្រវត្តិនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ អគារ បានបើកនៅខែមិថុនា ឆ្នាំ 2009 ហើយចាប់តាំងពីពេលនោះមក វាបានស្វាគមន៍មនុស្សរាប់ពាន់នាក់ ដែលចាប់អារម្មណ៍រៀនបន្ថែមអំពីប្រវត្តិនៃសេចក្ដីជំនឿ និងអំពីសមាជិកសាសនាចក្រ ។
អគារមានទំហំ 21000 ម៉ែត្រការ៉េ ដែលមានកម្ពស់ប្រាំជាន់ វាមានបណ្ណាល័យសាធារណៈមួយ និងបន្ទប់អាន និងបន្ទប់ដាក់សម្ភារ សម្រាប់ការប្រមូលផ្ដុំខាងប្រវត្តិសាស្ត្រ ដែលមានដូចខាងក្រោម ៖
- មានសៀវភៅ កូនសៀវភៅ ទស្សនាវដ្តី សៀវភៅសិក្សាចំនួន 270,000 ក្បាលជាដើម ។
- មានការប្រមូលផ្ដុំកំណត់ត្រាដើម ដែលពុំទាន់បានបោះពុម្ពចំនួន 240,000 ច្បាប់ ( រួមមាន កំណត់ហេតុ, ទិនានុលេខន៍ សំបុត្រឆ្លើយឆ្លង ការកត់ត្រា ជាដើម ) ។
- មានពរជ័យអយ្យកោចំនួន 3.5 លានច្បាប់ សម្រាប់សមាជិកសាសនាចក្រ ។
- មានរូបថតប្រមូលផ្ដុំចំនួន 13,000 សន្លឹក ។
- មានខ្សែអាត់សំឡេង និងវីដេអូចំនួន 23,000
សម្ភារទាំងនេះមួយចំនួន មាននៅក្នុងបណ្ណាល័យសាធារណៈតាមតំបន់ ខណៈដែលសម្ភារដទៃទៀត ត្រូវបានដាក់នៅក្នុងបន្ទប់ស្ដុកខាងបណ្ណាសារ ហើយបានប្រគល់ដល់អតិថិជនសម្រាប់ប្រើប្រាស់ក្នុងបន្ទប់អាន ។ ជាញឹកញាប់ អតិថិជន ប្រើសម្ភារទាំងនេះ ក្នុងការស្រាវជ្រាវរកសៀវភៅ ឬការបោះពុម្ពខាងការអប់រំ ។ អ្នកផ្សេងទៀត អាចនឹងប្រើការប្រមូលផ្ដុំក្នុងបណ្ណាល័យប្រវត្តិសាស្ត្រសាសនាចក្រ ដើម្បីរៀនច្រើនទៀត អំពីជីដូនជីតា មរមន របស់ពួកគេ ឬអំពីប្រវត្តិនៃអ្នកនលោកខាងលិច ។
អគារសិល្បៈ មានបន្ទប់ស្ដុកបណ្ណាសារពីរប្រភេទ ដែលរៀបចំឡើងដើម្បីការពារដល់វត្ថុបុរាណជាប្រវត្តិសាស្ត្រ ។ បន្ទប់ស្ដុកសំខាន់ចំនួន 10 ត្រូវបានរក្សាទុកក្នុងសីតុណ្ហភាព 55 អង្សារហ្វារិនហៃ ( 12. 77 អង្សារសេ ) ដោយមានសំណើម 35 ភាគរយ ។ មានបន្ទប់ពិសេសពីរផងដែរ ដែលត្រូវមានសីតុណ្ហភាពដកបួនអង្សារហ្វារិនហៃ សម្រាប់ខ្សែភាពយន្ដរូបភាពជីវចលពណ៌ រូបថត និងកំណត់ត្រាសំខាន់ៗជាពិសេសចំពោះសាសនាចក្រ ។
បន្ថែមទៅលើ តំបន់សាធារណៈ និងបន្ទប់ស្ដុក អគារថ្មីមានកន្លែងសម្រាប់ការសន្ទនា ការបង្កើតនូវការប្រមូលផ្ដុំ និងការស្រាវជ្រាវផងដែរ ។ ការខិតខំអភិរក្សរបស់សាសនាចក្រ រួមមានសៀវភៅ និងឯកសារពីចំនួន 300 ទៅ 500 ច្បាប់ ហើយមានការថតចម្លងសោតកម្មពីចំនួន 3000 ទៅ 4000 ច្បាប់ជារៀងរាល់ឆ្នាំ ។ តម្រូវឲ្យមានបុគ្គលិកបង្កើតការប្រមូលផ្ដុំ ហើយកាតាឡុកការប្រមូលផ្ដុំថ្មីប្រចាំឆ្នាំមានចាប់ពី 500-700 ច្បាប់ រួមមានទាំងមានការបោះពុម្ពចំនួន 6000 ការបោះពុម្ពផងដែរ ។ អគារថ្មី មានកន្លែងការិយាល័យសម្រាប់បុគ្គលិក និងអ្នកស្ម័គ្រចិត្ត ដែលទទួលខុសត្រូវចំពោះកន្លែងប្រវត្តិសាស្ត្រ មាតិកាគេហទំព័រ និងការបោះពុម្ព ដូចជា កំណត់ហេតុយ៉ូសែប ស្ម៊ីធជាដើមផងដែរ ។
បណ្ណាល័យប្រវត្តិសាស្ត្រសាសនាចក្រ ត្រូវបានធ្វើបណ្ណាសារ វិញ្ញាបនបត្រពណ៌ប្រាក់មួយ តាមរយៈLeadership in Energy and Environmental Design ( ភាពជាថ្នាក់ដឹកនាំនៅក្នុងការរៀបចំថាមពល និងបរិស្ថាន ) (LEED) ។ ដើម្បីទទួលបានការមានថា ជា « ពណ៌បៃតង » នេះ អគារត្រូវតែប្រើម៉ាស៊ីនកំដៅ និងអគ្គិសនីតិច អាចមើលទៅខាងក្រៅបានច្រើន តាមរយៈការដាក់បង្អួចនៅជិតនឹងកន្លែងមនុស្សធ្វើការ ត្រូវនៅជិតនឹងមធ្យោបាយធ្វើដំណើរសាធារណៈ ហើយប្រើផលិតផល ដែលផលិតក្នុងស្រុក ដែលអាចយកមកប្រើប្រាស់វិញបាន ឬដែលមានបញ្ចេញឧស្ម័ន ដែលអាចប៉ះពាល់ដល់សុខភាពរបស់មនុស្សតែបន្ដិចបន្ដួច ។