FamilySearchជួយឧបត្ថម្ភដល់បណ្ណាល័យពង្សាវលីដ៏បំផុតក្នុងពិភពលោក ៖ បណ្ណាល័យ ពង្សប្រវត្តិ នៅក្នុងទីក្រុងសលត៍ លេក រដ្ឋ យូថាហ៍ ។ អគារដ៏ល្បីលើពិភពលោកនេះ គឺបើកសម្រាប់សាធារណៈជន ហើយឥតគិតថ្លៃទេ ។
បណ្ណាល័យ ត្រូវបានធ្វើការដោយអ្នកប្រឹក្សាខាងការស្រាវជ្រាវដ៏ជំនាញ និងអ្នកស្ម័គ្រចិត្ត ដែលអាចជួយអ្នកដែលចាប់ផ្ដើមធ្វើពង្សាវតារបស់ពួកគេដំបូង ឬជួយដល់អ្នកពង្សប្រវត្តិដែលមានបទពិសោធន៍ហើយនោះ រកនូវព័ត៌មានថ្មីទៀត ។ បុគ្គលិកអាចផ្ដល់យោបល់ជាធនធានឲ្យស្រាវជ្រាវ ឆ្លើយសំណួរអំពីភូមិសាស្ត្រ ឬភាសា ហើយផ្ដល់ការណែនាំអំពីកំណត់ត្រាណាដែលមាន សម្រាប់ទីតាំងជាក់លាក់ និងរបៀបប្រើកំណត់ត្រា ។ បណ្ណាល័យក៏ផ្ដល់ជាថ្នាក់រៀន និងសិក្ខាសាលាដោយឥតគិតថ្លៃផងដែរ ទាំងក្នុងទីតាំង និងតាមអ៊ិនធើរណិត សម្រាប់អ្នកទាំងឡាយណាដែលពុំអាចធ្វើដំណើរទៅកាន់ទីក្រុង សលត៍ លេក ។
ការប្រមូលផ្ដុំរបស់បណ្ណាល័យ រួមមាន ឈ្មោះរបស់មនុស្សដែលបានស្លាប់ច្រើនជាង 3 កោដិឈ្មោះ មកពីប្រទេសជាង 100 ប្រទេស ។ ព័ត៌មាននេះ មាននៅក្នុង ៖
• ដុំមីក្រូហ្វីល 2.4 លាន
• មីក្រូហ្វីច 727,000
• សៀវភៅ លេខសំគាល់ និងទម្រង់ដទៃៗទៀតចំនួន 356,000 ច្បាប់
• មានកំណត់ហេតុច្រើនជាង 4,500 ច្បាប់
• ធនធានអេឡិចត្រូនិចចំនួន 3,725 ច្បាប់
សម្ភារទាំងនេះ មាននៅតាមគេហទំព័រ FamilySearch កាន់តែច្រើនឡើងទៅៗ ។ កំណត់ត្រាទាំងឡាយ ដែលនៅមានតែក្នុងមីក្រូហ្វីល ឬមីក្រូហ្វិច អាចរកបានតាមរយៈការស្រាវជ្រាវ សៀវភៅរាយឈ្មោះ FamilySearch ។ សម្ភារជាច្រើន អាចឲ្យទៅ មជ្ឈមណ្ឌលពង្សប្រវត្តិ ក្នុងមូលដ្ឋានខ្ចី ក្នុងកម្រៃដ៏តិចតួចស្ដួចស្ដើង ។
បណ្ណាល័យពង្សប្រវត្តិ គឺជាគោលដៅអ្នកទេសចរណ៍ដ៏ខ្ពស់បំផុតមួយក្នុងរដ្ឋយូថាហ៍ ដែលមានមនុស្សចំនួនរាប់ម៉ឺននាក់ ធ្វើដំណើរទៅកាន់អគារនោះជារៀងរាល់ឆ្នាំ ។ អ្នកទាំងឡាយណាដែលចង់ទៅទស្សនាទីក្រុងសលត៍ លេក អាចរកបានព័ត៌មានបន្ថែមទៀត អំពីការទស្សនាបណ្ណាល័យពង្សប្រវត្តិ នៅក្នុងFamilySearch.org។