ជាកម្រិតទាបជាងនៃកម្រិតទាំងពីរ ឬលំដាប់នៃបព្វជិតភាព នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ បព្វជិតភាពអើរ៉ុន ត្រូវបានប្រគល់ដល់សមាជិកបុរសស្មោះត្រង់របស់សាសនាចក្រ ចាប់ផ្ដើមនៅអាយុ 12 ឆ្នាំ ហើយបុរសម្នាក់ៗ ត្រូវបានតែងតាំងដាច់ដោយឡែកពីគ្នា តាមរយៈការដាក់ដៃលើ ។ អ្នកទាំងឡាយដែលត្រូវបានតែងតាំងដូច្នោះ ត្រូវបានហៅថា « កាន់ » បព្វជិតភាព បុរស និងកុមារាពួកបរិសុទ្ធថ្ងៃចុងក្រោយភាគច្រើន គឺជាអ្នកកាន់បព្វជិតភាព ។
មានកម្រិត ឬតំណែងបីយ៉ាង នៅក្នុងបព្វជិតភាពអើរ៉ុន ៖ ឌីកុន, គ្រូ និង សង្ឃ។ ជាធម្មតា ឌីកុន មានអាយុ 12 ឆ្នាំទៅ 14 ឆ្នាំ, គ្រូ មានអាយុពី 14 ឆ្នាំ ទៅ 16 ឆ្នាំ ហើយសង្ឃ មានអាយុពី 16 ឆ្នាំ ទៅ 18 ឆ្នាំ ។ បុរសៗដែលចូលរួមក្នុងសាសនាចក្រ បន្ទាប់ពីអាយុ 18 ឆ្នាំ ពុំចាំបាច់ឆ្លងកាត់តាមដំណាក់កាលនីមួយៗនេះទេ ហើយជាទូទៅចាប់ផ្ដើមជាតំណែងសង្ឃ ។
អ្នកទាំងឡាយ ដែលមានបព្វជិតភាពអើរ៉ុន រៀបចំ និងផ្ដល់ សាក្រាម៉ង់ ( សេចក្ដីរួបរួមគ្នា ) ដល់សមាជិកសាសនាចក្រ អំឡុងកម្មវិធីថ្វាយបង្គំ ថ្ងៃអាទិត្យ ជួយសួរសុខទុក្ខសមាជិកនៅតាមផ្ទះពួកគេ ប្រមូលការបរិច្ចាគសម្រាប់អ្នកក្រីក្រ ហើយធ្វើកាតព្វកិច្ចបម្រើដទៃទៀត ។ ឈ្មោះបព្វជិតភាពអើរ៉ុនចេញមកពី អើរ៉ុន ដែលជាបងប្រុសរបស់ម៉ូសេ នៅក្នុងគម្ពីរសញ្ញាចាស់ ។
សូមមើលផងដែរ ៖ បព្វជិតភាពមិលគីស្សាដែក, បព្វជិតភាព