ការសិក្សាអំពីជីដូនជីតា ឬពង្សប្រវត្តិរបស់មនុស្សម្នាក់ ពង្សាវតា គឺជាល្បែងដ៏មានប្រជាប្រិយបំផុតមួយក្នុងពិភពលោក ។ ប្រជាជនគ្រប់ជំនឿ និងជាតិសាសន៍ទាំងអស់ ចូលចិត្តស្រាវជ្រាវរកទីតាំងដែលពួកគេចេញមក ។ សម្រាប់សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ទោះជាយ៉ាងណា ការរៀនអំពីពង្សប្រវត្តិរបស់មនុស្សម្នាក់ គឺរឿងដែលខិតខំខ្លាំងហួសពីធម្មតា ។ ពួកបរិសុទ្ធថ្ងៃចុងក្រោយ ជឿថាក្រុមគ្រួសារ អាចនៅជាមួយគ្នា បន្ទាប់ពីជីវិតនេះ ។ ហេតុដូច្នោះហើយ វាសំខាន់ដើម្បីពង្រឹងទំនាក់ទំនងជាមួយនឹងសមាជិកគ្រួសារទាំងអស់ ទាំងអ្នកដែលរស់នៅ និងអ្នកដែលបានស្លាប់ទៅ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ពួកបរិសុទ្ធថ្ងៃចុងក្រោយ ជឿថា ការរួមគ្នាដ៏អស់កល្បនៃក្រុមគ្រួសារ គឺអាចកើតមាន តាមរយៈពិធីការការផ្សារភ្ជាប់ដ៏ពិសិដ្ឋ ដែលធ្វើឡើងក្នុងព្រះវិហារបរិសុទ្ធ ។ ពិធីនានានៃព្រះវិហារបរិសុទ្ធទាំងនេះ ក៏អាចធ្វើជំនួសសម្រាប់អ្នកទាំងឡាយដែលបានស្លាប់ផងដែរ ។ ជាលទ្ធផល សម្រាប់ពួកមរមន ការស្រាវជ្រាវខាងពង្សាវតា ឬពង្សប្រវត្តិ គឺជាកិច្ចការសំខាន់នៅក្នុងការរៀបចំសម្រាប់ កិច្ចការក្នុងព្រះវិហារបរិសុទ្ធសម្រាប់មរណជន ។ នៅក្នុងជំនឿរបស់ពួកបរិសុទ្ធថ្ងៃចុងក្រោយ មរណជន មានជម្រើសដើម្បីទទួលយក ឬបដិសេធនូវកិច្ចការដែលបានធ្វើឡើងសម្រាប់ពួកគាត់នោះ ។
ចាប់តាំងពីឆ្នាំ 1894 សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានលះបង់ពេលវេលា និងធនធាន ដើម្បីប្រមូលផ្ដុំ និងចែកចាយកំណត់ត្រានៃសារៈសំខាន់ខាងពង្សាវតា ។ ដោយសារកិច្ចសហប្រតិបត្តិការមកពីបណ្ណាសាររដ្ឋាភិបាល ព្រះវិហារ និងបណ្ណាល័យជាច្រើន នោះសាសនាចក្រ បានបង្កើតនូវការប្រមូលផ្ដុំកំណត់ត្រាគ្រួសារដ៏ធំមួយនៅក្នុងពិភពលោក ដែលមានព័ត៌មានអំពីមនុស្សដែលស្លាប់ចំនួនច្រើនជាង 3 កោដិនាក់ ។ កិច្ចខិតខំនេះ ត្រូវបានជួយសម្រួលនៅក្នុងសង្គមពង្សាវតានៃរដ្ឋយូថាហ៍តាំងពីដំបូង ហើយឥឡូវតាមរយៈFamilySearch ជាអង្គការពុំរកប្រាក់ចំណេញ ដែលបានឧបត្ថម្ភដោយសាសនាចក្រ ។
FamilySearch ផ្ដល់លទ្ធភាពឲ្យចូលទៅកាន់ព័ត៌មានមកពីប្រទេសចំនួន 100 ប្រទេស ដែលមានរួមទាំង ថ្ងៃខែឆ្នាំកំណើត អាពាហ៍ពិពាហ៍ និងកំណត់ត្រាថ្ងៃស្លាប់ ជំរឿន សុពលកម្ម និងពិន័យកម្ម កំណត់ត្រាដីធ្លី និងអ្វីជាច្រើនទៀត ។ កំណត់ត្រាទាំងនេះ មានជាសាធារណៈ ដែលពុំគិតថ្លៃ តាមរយៈគេហទំព័រFamilySearch.org ជាបណ្ណាល័យពង្សប្រវត្តិដ៏ល្បីឈ្មោះលើពិភពលោកនៅក្នុងទីក្រុងសលត៍ លេក និងតាមរយៈបណ្ដាញមួយរបស់ មជ្ឈមណ្ឌលពង្សប្រវត្តិ ក្នុងមូលដ្ឋានចំនួន 4600 កន្លែងក្នុងប្រទេសចំនួន 126 ប្រទេស ។