ពររបស់លោកអយ្យកោ ត្រូវបានផ្ដល់ទៅឲ្យសមាជិកនៃសាសនាចក្រដែលសក្ដិសម ហើយមាននូវការប្រឹក្សាផ្ទាល់មកពីព្រះ ។ ពររបស់លោកអយ្យកោ គឺបម្រុងទុកធ្វើជាផែនទីផ្លូវមួយ ដែលជួយដឹកនាំមនុស្សម្នាក់នៅក្នុងជីវិត ។ ពុំមានកំណត់អាយុសម្រាប់ការទទួលពររបស់លោកអយ្យកោទេ ប៉ុន្តែអ្នកទទួល ចាំបាច់ត្រូវមានវ័យធំល្មម និងចាស់ទុំ ដើម្បីយល់អំពីសារៈសំខាន់នៃពរជ័យនេះ ។
ពររបស់លោកអយ្យកោ ត្រូវបានផ្ដល់ឲ្យដោយ លោកអយ្យកោ ជាបុរសម្នាក់ដែលបានហៅដោយអ្នកដឹកនាំសាសនាចក្រ ឲ្យផ្ដល់នូវពរជ័យទាំងឡាយដូច្នេះ ។ លោកអយ្យកោ ដាក់ដៃរបស់លោកលើក្បាលរបស់អ្នកទទួលពរជ័យ ហើយនិយាយនូវពាក្យ ដែលលោកបានទទួល តាមរយៈវិវរណៈពីព្រះ ។ ពាក្យនៃពរជ័យ ត្រូវបានកត់ត្រាទុក ដូច្នេះអ្នកទទួលពរជ័យ អាចមានច្បាប់ចម្លងដែលបានសរសេរទុក ដើម្បីសិក្សានៅពេញមួយជីវិតរបស់ពួកគេ ។ សាសនាចក្រក៏រក្សាច្បាប់ចម្លងនៃពរជ័យមួយច្បាប់ដែរ ក្នុងករណីដែលវាបាត់បង់ ។