ពិធីសម្ពោធព្រះវិហារបរិសុទ្ធ

ពេលសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សាងសង់ព្រះវិហារបរិសុទ្ធថ្មីមួយ នោះអគារពិសិដ្ឋត្រូវបានបើកសម្រាប់ការទស្សនាជាសាធារណៈ ។ មនុស្សគ្រប់រូប អាចចូលរួមក្នុងការសម្ពោធបើកនេះ តាមធម្មតា វាមានរយៈពេលពីរបីសប្ដាហ៍ ។ បន្ទាប់ពីនោះមក ព្រះវិហារបរិសុទ្ធ ត្រូវបានឧទ្ទិសឆ្លងជាផ្លូវការ ហើយបើកសម្រាប់សមាជិកសាសនាចក្រ ដែលចូលរួមយ៉ាងសកម្មនៅក្នុងសេចក្ដីជំនឿតែប៉ុណ្ណោះ ។

អំឡុងពេលពិធីសម្ពោធ អ្នកទស្សនារៀនច្រើនអំពីគោលបំណងនៃព្រះវិហារបរិសុទ្ធ និងមូលហេតុដែលវាសំខាន់ចំពោះពួកបរិសុទ្ធថ្ងៃចុងក្រោយ ។ បទពិសោធន៍ពិធីសម្ពោធ ចាប់ផ្ដើមជាមួយនឹងវីដេអូណែនាំខ្លីមួយ ហើយបន្ទាប់មកអ្នកណែនាំផ្លូវស្ម័គ្រចិត្តម្នាក់ នាំអ្នកទស្សនាទៅក្នុងព្រះវិហារបរិសុទ្ធ ។ ពេលដល់ខាងក្នុង អ្នកនាំភ្ញៀវ ពន្យល់អំពីមុខងាររបស់បន្ទប់សំខាន់ៗ ដែលអាចរួមមានទាំងការបង្រៀន អាពាហ៍ពិពាហ៍ ឬពិធីបុណ្យជ្រមុជទឹក ។ អ្នកនាំភ្ញៀវ ក៏ពន្យល់សង្ខេបផងដែរអំពីជំនឿរបស់ពួកបរិសុទ្ធថ្ងៃចុងក្រោយ ដែលនៅពីខាងក្រោយមុខងារទាំងនេះ ។ នៅពេលបញ្ចប់ការដើរទស្សនា អ្នកទស្សនា ត្រូវបានដឹកនាំទៅកាន់តំបន់ទទួលភ្ញៀវ និងអាហារសំរន់មួយ ដែលមានអ្នកស្ម័គ្រចិត្តឆ្លើយសំណួរបន្ថែម ។

1 / 2

Download Photos

ពិធីសម្ពោធព្រះវិហារបរិសុទ្ធ គឺឥតគិតថ្លៃ ប៉ុន្តែពេលខ្លះ អាចតម្រូវឲ្យមានសំបុត្រ ដោយសារមានតម្រូវការខ្ពស់ ។ បន្ថែមពីលើការដើរទស្សនាជាសាធារណៈ ពិធីសម្ពោធព្រះវិហារបរិសុទ្ធ ជាញឹកញាប់ក៏មានការដើរទស្សនាសម្រាប់អ្នកជិតខាង អ្នកម៉ៅការសំណង់ កម្មករសំណង់ ប្រព័ន្ធសារព័ត៌មានក្នុងតំបន់ និងអ្នកធំក្នុងរដ្ឋាភិបាល និងសហគមន៍ដែលបានអញ្ជើញផងដែរ ។

ចំពោះសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ព្រះវិហារបរិសុទ្ធ គឺជា « ដំណាក់របស់ព្រះអម្ចាស់ » ជាទីកន្លែងដ៏ពិសិដ្ឋបំផុតនៅលើផែនដី ។ កម្មវិធីក្នុងព្រះវិហារបរិសុទ្ធ ចងភ្ជាប់ក្រុមគ្រួសារជាមួយគ្នាជារៀងរហូត បង្រៀនអំពីគោលបំណងនៃជីវិត និងពន្យល់អំពី ផែនការនៃសេចក្ដីសង្គ្រោះរបស់ព្រះ ។ អ្នកចូលរួមក្នុងព្រះវិហារបរិសុទ្ធ គូសបញ្ជាក់អំពីការរីកចម្រើនខាងវិញ្ញាណផ្ទាល់ខ្លួន និងអំពីការពង្រឹងដល់ការតាំងចិត្តរបស់ពួកបរិសុទ្ធថ្ងៃចុងក្រោយ ដើម្បីធ្វើតាមគំរូរបស់ព្រះអង្គសង្គ្រោះ ។

មានព្រះវិហារបរិសុទ្ធដំណើរការចំនួន 134 នៅទូទាំងពិភពលោកបច្ចុប្បន្ននេះ ហើយមាន 26 ទៀតបានប្រកាស ឬកំពុងសាងសង់ ។

ពិធី​សម្ពោធ​ព្រះវិហារ​បរិសុទ្ធ

ពិធីសម្ពោធព្រះវិហារបរិសុទ្ធ