ព្យាការីទាំងឡាយ

ជាមនុស្សម្នាក់ ដែលត្រូវបានជ្រើសរើសដោយព្រះ ដើម្បីធ្វើជាអ្នកនាំសាររបស់ទ្រង់ និងធ្វើជាគ្រូបង្រៀន អ្នកទទួលវិវរណៈ និងជាសាក្សីនៃសេចក្ដីពិតរបស់ដំណឹងល្អ ។ ប្រធានសាសនាចក្រ គឺជាព្យាការីម្នាក់ ក៏ជាពួកសាវក ។

ពួកសាវក និងពួកព្យាការីសម័យទំនើប គឺជាលក្ខណៈពិសេសមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ សមាជិកសាសនាចក្រ ចាត់ទុកថាអ្នកដឹកនាំសាសនាចក្ររៀមច្បងដូចជា យ៉ូសែប ស្ម៊ីធ, ព្រិកហាំ យ៉ង់ និងប្រធានសាសនាចក្រទាំងឡាយ ដែលជាអ្នកដឹកនាំបន្តបន្ទាប់ទៀត —គឺជាព្យាការីនៃព្រះ ដូចគ្នានឹងពួកគេគិតទៅលើអ័ប្រាហាំ ម៉ូសេ, អេសាយ និងពួកសាវកទាំងឡាយក្នុងជំនាន់ព្រះយេស៊ូវគ្រីស្ទផងដែរ ។ ថូម៉ាស អេស ម៉នសុន គឺជាប្រធានបច្ចុប្បន្ន និងជាព្យាការីនៃសាសនាចក្រ ។

1 / 2

Download Photos

សមាជិកជឿថាសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺជាការស្ដារឡើងវិញមួយនូវសាសនាចក្រដែលបានស្ថាបនាឡើងដោយព្រះយេស៊ូវគ្រីស្ទកាលពីដើម អំឡុងពេលជីវិតរមែងស្លាប់របស់ទ្រង់ ។ ចំណែកនៃការស្ដារឡើងវិញនោះ រួមមានទាំង ពួកព្យាការី និង ពួកសាវកដែលកំពុងរស់នៅ ។

ព្រមជាមួយនឹងពួកព្យាការីសម័យទំនើប នោះក៏កើតមាននូវការបន្ដវិវរណៈ និងគម្ពីរបន្ថែម ។ យ៉ូសែប ស៊្មីធ ប្រហែលជាត្រូវបានគេស្គាល់ច្បាស់ មកពីការបកប្រែរបស់លោកនៃព្រះគម្ពីរមរមន ៖ ជាសក្ខីបទមួយទៀតអំពីព្រះយេស៊ូវគ្រីស្ទ ហើយកំពុងចាក់គ្រឹះនៃសាសនាចក្រនៅក្នុងសតវត្សរ៍ទី 19 ។ ប្រធានសាសនាចក្រស្នងបន្ដ ចាប់តាំងពីពេលនោះមក បានធ្វើការបរិច្ចាគជាពិសេសផ្ទាល់ខ្លួនរបស់ពួកលោក ។

ការជឿលើពួកព្យាការី និងពួកសាវកជាមេដឹកនាំនៃសាសនាចក្រ ពុំមែនមានន័យថា សមាជិកធ្វើតាមអ្នកដឹកនាំរបស់ពួកគេដោយងងឹតងងល់នោះទេ ។ ខណៈដែលព្យាការីនៃព្រះ ទទួលវិវរណៈ និងការបំផុសគំនិត ដើម្បីដឹកនាំសាសនាចក្រទាំងមូល នោះវិវរណៈក៏មាននៅគ្រប់កម្រិត រួមទាំងចំពោះអ្នកដឹកនាំក្រុមជំនុំ និងក្រុមគ្រួសារ និងសមាជិកម្នាក់ៗផងដែរ ។ តាមពិត សមាជិកម្នាក់ៗ ត្រូវបានរំពឹងឲ្យស្វែងរកនូវការដឹកនាំដ៏ទេវភាពនោះ ដើម្បីជួយពួកគេនៅក្នុងជីវិតរស់នៅផ្ទាល់ខ្លួនពួកគេ នៅក្នុងការទទួលខុសត្រូវរបស់ពួកគេក្នុងសាសនាចក្រ និងក្នុងការខិតខំខាងសាច់ឈាម រួមទាំងអាជីពរបស់ពួកគេផងដែរ ។ សមាជិក ក៏ត្រូវបានរំពឹងទុកឲ្យស្វែងរក « ទីបន្ទាល់ » ឬ ជំនឿស៊ប់ទៅលើគោលការណ៍ទាំងឡាយ ដែលអ្នកដឹកនាំបង្រៀនពួកគេផ្ទាល់ខ្លួន ដោយការអធិស្ឋានផងដែរ ។

ព្យាការី​ទាំងឡាយ

ព្យាការីទាំងឡាយ