ព្រះយេស៊ូវគ្រីស្ទ គឺជាអង្គសំខាន់ចំពោះ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលកាន់តាមព្រះនាមទ្រង់ ។ សមាជិកនៃសាសនាចក្រ ជឿទៅលើព្រះយេស៊ូវ គឺជាព្រះរាជបុត្រានៃព្រះ ជាព្រះរាជបុត្រាបង្កើតតែមួយ នៅក្នុងសាច់ឈាម ( យ៉ូហាន 3:16) ។ ពួកបរិសុទ្ធថ្ងៃចុងក្រោយ ទទួលយកការប្រកាសពីព្យាការីក្នុងគម្ពីរសញ្ញាចាស់ ដែលសំដៅចំៗ និងប្រកបដោយអំណាចអំពីការយាងមករព្រះមែស៊ី ថាជាព្រះអង្គសង្គ្រោះនៃមនុស្សលោកទាំងអស់ ។ សមាជិកសាសនាចក្រក៏ទទួលយកបញ្ជីប្រវត្តិគម្ពីរសញ្ញាថ្មីនៃព្រះរាជកំណើត ព្រះជន្ម និង ការបម្រើ ការសុគត និង ដំណើររស់ឡើងវិញរបស់ព្រះយេស៊ូវគ្រីស្ទផងដែរ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
រាល់ការអធិស្ឋាននៅក្នុងផ្ទះ និង រាល់ការបង្រៀននៅក្នុងសាលាជំនុំ ត្រូវបញ្ចប់នៅក្នុងព្រះនាមនៃព្រះយេស៊ូវគ្រីស្ទ ។ និមិត្តរូបនៃ សាក្រាម៉ង់ ( ស្រដៀងគ្នានឹងការរួបរួម ) ដែលត្រូវបានទទួលប្រចាំសប្ដាហ៍នៅក្នុងកម្មវិធីថ្វាយបង្គំ គឺជានិមិត្តរូបនៃ ដង្វាយធួនរបស់ទ្រង់ ។ ព្រះគ្រីស្ទ ក៏ដូចជាព្រះបិតាទ្រង់ មានរូបកាយសាច់ឈាម—ជារូបកាយតែមួយ ដែលបានដើរចេញពីផ្នូរ បន្ទាប់ពីការរស់ឡើងវិញរបស់ទ្រង់ ហើយដែលទ្រង់បានអញ្ជើញសាវករបស់ទ្រង់ ដើម្បី « ពាល់ទ្រង់មើល … » (លូកា 24:39)។
ដោយជាមនុស្សគ្រប់លក្ខណ៍តែមួយអង្គឯងគត់ដែលបានមានព្រះជន្មលើផែនដីនេះ ព្រះយេស៊ូវបានធ្វើជាគំរូសម្រាប់ឲ្យមនុស្សគ្រប់គ្នាយកតម្រាប់តាម ។ ដោយសារតែមនុស្សសុទ្ធតែធ្លាក់ នោះពលិកម្មធួនរបស់ព្រះគ្រីស្ទបង់ថ្លៃអំពើបាបស្របតាមលក្ខខណ្ឌនៃការប្រែចិត្តផ្ទាល់ខ្លួន ។ ពលិកម្មរបស់ទ្រង់ក៏អនុញ្ញាតឲ្យមនុស្សទាំងពួងអាចបានរស់ឡើងវិញដោយមានអមតភាពផងដែរ ។ ទ្រង់គឺជាព្រះអង្គសង្គ្រោះ និង ជាអង្គជំនុំជម្រះនៅពេលអនាគត ។