ជារៀងរាល់សប្ដាហ៍ មានយុវជន និងយុវនារីជិត 500 នាក់ ដែលមានអាយុចម្លោះពី 19 ឆ្នាំ និង 25 ឆ្នាំ មកពី សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយចាកចេញពីក្រុមគ្រួសារ មិត្តភក្ដិ សាលារៀន និងអាជីព ហើយធ្វើដំណើរទៅកាន់មជ្ឈមណ្ឌលបំពាក់បំប៉នអ្នកផ្សព្វផ្សាយសាសនាមួយ នៃមជ្ឈមណ្ឌលបំពាក់បំប៉នអ្នកផ្សព្វផ្សាយសាសនាទាំង 15 កន្លែង ( ពេលខ្លះគេហៅថាជា អិម.ធី.ស៊ី ) នៅជុំវិញផែនដី ។
មុនពេលចេញទៅមជ្ឈមណ្ឌលបំពាក់បំប៉នមួយ ពួកអ្នកផ្សព្វផ្សាយសាសនា ទទួលបានសំបុត្រនៃការចាត់តាំងមួយច្បាប់ មកពីប្រធាននៃសាសនាចក្រ នៅទីក្រុងសលត៍ លេក ប្រាប់ពួកគេពីទីកន្លែងដែលពួកគេ នឹងទៅបម្រើរយៈពេលពីរឆ្នាំ ( សម្រាប់យុវជន ) ឬ 18 ខែ ( សម្រាប់យុវនារី ) នោះ ។
មានអ្នកផ្សព្វផ្សាយសាសនាប្រហែលជា 80 ភាគរយ ត្រូវបានបំពាក់បំប៉ននៅក្នុងមជ្ឈមណ្ឌលបំពាក់បំប៉នដ៏ធំបំផុតរបស់សាសនាចក្រ នៅទីក្រុង ប៉្រូវ៉ូ រដ្ឋ យូថាហ៍ ។ វាគឺជាផ្ទះរបស់អ្នកផ្សព្វផ្សាយសាសនាជាមធ្យម 2700 នាក់ក្នុងមួយលើក ឬ 24000 នាក់ក្នុងមួយឆ្នាំ ។
ក្នុងមជ្ឈមណ្ឌលបំពាក់បំប៉ន ពួកអ្នកផ្សព្វផ្សាយសាសនា ទទួលបានការណែនាំខាងសាសនា និងការបំពាក់បំប៉នខាងភាសា ហើយរៀនជំនាញការបង្រៀន ។ ពួកគេក៏អភិវឌ្ឍការយល់ដឹងអំពីការគោរព និងវប្បធម៌របស់តំបន់ និងប្រទេសនានា ដែលពួកគេនឹងបម្រើ មុនពេលធ្វើដំណើរទៅកាន់ទិសដៅទាំងឡាយក្នុងប្រទេសច្រើនជាង 120 ប្រទេសនោះផងដែរ ។ ការបំពាក់បំប៉ន មានរយៈពេលបីសប្ដាហ៍ទៅបីខែ អាស្រ័យលើតម្រូវការខាងភាសា ។
សូមមើលកម្មវិធីអ្នកផ្សព្វផ្សាយសាសនាផងដែរ