សេវាកម្ម LDS Family គឺជាអង្គការឯកជន ពុំមានប្រាក់ចំណេញមួយ ដែលបានបង្កើតឡើងដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដើម្បីពង្រឹងដល់បុគ្គលម្នាក់ៗ និងក្រុមគ្រួសារ ។ អង្គការនេះ ផ្ដល់សេវាកម្មដូចខាងក្រោម ៖
- ការប្រឹក្សាដល់បុគ្គលម្នាក់ៗ អាពាហ៍ពិពាហ៍ និងគ្រួសារ ។
- សេវាសម្រាប់ឪពុកម្ដាយដែលពុំបានរៀបការ រួមមានការប្រឹក្សា ជំនួយខាងវេជ្ជសាស្ត្រ និងការអប់រំ និងសេវាសុំកូនចិញ្ចឹម នៅពេលស្នើសុំ ។
- សេវាសុំកូនចិញ្ចឹម ។
- កម្មវិធីព្យាបាលការញៀន ។ នេះគឺជាកម្មវិធី 12 ជំហានមួយ ដែលផ្ដល់ជំនួយសម្រាប់ការប្រឈមមុខនឹងការញៀន ដែលជាប់ទាក់ទងនឹងសារធាតុ ( ដូចជា គ្រឿងស្រវឹង ថ្នាំជក់ គ្រឿងញៀន កាហ្វេ និងតែ ) ល្បែង រូបអាសគ្រាម ឥរិយាបទខាងផ្លូវភេទមិនសមរម្យ ការពឹងលើនរណាម្នាក់ដោយខ្លួនមានជំងឺ និងមានបញ្ហាសតិអារម្មណ៍មិននឹងនរ ទាក់ទងនឹងការបរិភោគជាដើម ។
- ការពិគ្រោះយោបល់ជាមួយថ្នាក់ដឹកនាំសាសនាចក្រ ។ សេវាកម្ម LDS Family មានឡើង ដើម្បីជួយដល់អ្នកដឹកនាំសាសនាចក្រ នៅពេលពួកគាត់ធ្វើការជាមួយសមាជិកក្នុងក្រុមជំនុំរបស់ពួកគាត់ ដែលកំពុងដោះស្រាយជាមួយនឹងបញ្ហាសង្គម ឬបញ្ហាសតិអារម្មណ៍ ។