- សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ផ្ដល់ជំនួយ និងគម្រោងអភិវឌ្ឍក្នុងគោលបំណងមនុស្សធម៌ នៅក្នុងប្រទេសជាច្រើនទូទាំងពិភពលោក ។ គម្រោងទាំងឡាយ ប្រតិបត្តិការដោយពុំគិតអំពីសញ្ជាតិ ឬសាសនារបស់អ្នកទទួលគម្រោងនោះទេ ។
- សេវាមនុស្សធម៌ ក៏មានបញ្ចូលទាំងការឆ្លើយតបជាបន្ទាន់ចំពោះគ្រោះធម្មជាតិ ដូចជាការរញ្ជួយដី ឬស៊ូណាមិ ឬគ្រោះមហន្តរាយដែលកើតឡើងដោយសារមនុស្សអ្នកធ្វើ ដូចជាឥទ្ធិពលនៃសង្គ្រាម និងគ្រោះទុរភិក្ស ។ វាក៏អាចមានចំណែកនៃកិច្ចខិតខំរយៈពេលយូរមួយផងដែរ ដើម្បីបំពេញតាមតម្រូវការរបស់មនុស្សដែលត្រូវការខ្លាំង និងកាន់តែជាប់គាំង ដូចជាតម្រូវការក្នុងការកាត់បន្ថយជំងឺ ។
- នៅក្នុងម៉ោងនៃគ្រោះមហន្ដរាយមួយ សាសនាចក្រធ្វើការជាមួយនឹងមន្ត្រីរដ្ឋាភិបាលក្នុងមូលដ្ឋាន ដើម្បីកំណត់ពីសម្ភារ និងម្ហូបអាហារអ្វីខ្លះ ដែលត្រូវការជាចាំបាច់ ។ រួចហើយសម្ភារទាំងឡាយ នឹងត្រូវបញ្ជូនទៅកាន់តំបន់នោះជាបន្ទាន់ ។
- បន្ទាប់ពីតម្រូវការជាបន្ទាន់ត្រូវបានបំពេញហើយ នោះសាសនាចក្រ ស្វែងរកនូវរបៀបបន្ថែមដើម្បីជួយជាមួយតម្រូវការរយៈពេលវែងរបស់សហគមន៍ ។ វិធីសាស្ត្ររបស់សាសនាចក្រ គឺដើម្បីជួយមនុស្សឲ្យក្លាយជាមនុស្សខ្លួនទីពឹងខ្លួន តាមរយៈការបង្រៀនជំនាញ និងផ្ដល់ធនធានសម្រាប់គាំទ្រជីវិតផ្ទាល់ខ្លួន ។
- ជាចម្បង ការបរិច្ចាគនានាចេញមកពីសមាជិកសាសនាចក្រ ប៉ុន្តែក៏បានមកពីមនុស្សនៅជុំវិញពិភពលោកផងដែរ ត្រូវបានប្រើប្រាស់ដើម្បីធ្វើឲ្យមានគម្រោងជួយសង្គ្រោះឡើង ។ ការបរិច្ចាគដែលបានផ្ដល់ទៅឲ្យសេវាមនុស្សធម៌របស់សាសនាចក្រ ត្រូវបានប្រើប្រាស់សម្រាប់កិច្ចការជួយសង្គ្រោះមួយរយភាគរយ ។ សាសនាចក្រ ទទួលធ្វើការចំណាយផ្សេងៗដោយផ្ទាល់ខ្លួន ។
- សេវាមនុស្សធម៌ ជាដៃរបស់គម្រោងដែលឧបត្ថម្ភដោយសាសនាចក្រជាបន្ដបន្ទាប់ចំនួនប្រាំក្នុងសាកលលោក ដើម្បីជួយមនុស្សឲ្យកាន់តែមានភាពខ្លួនទីពឹងខ្លួន ។ ការផ្ដួចផ្ដើម រួមមានការបំពាក់បំប៉នអំពីការជួយសង្គោះបឋមដល់ទារក គម្រោងទឹកស្អាត ការចែកចាយរទេះជនពិការ មានជំងឺភ្នែក និងការចាក់ថ្នាំបង្ការជំងឺកញ្ជ្រិល ។
Style Guide Note: When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide .