នៅពេលព្រះវិហារនៅទូទាំងពិភពលោក ប្រឈមមុខនឹងបញ្ហាស្មុគស្មាញជាច្រើនពេញសាកលលោក នោះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ លើកកម្ពស់គោលការណ៍គ្រឹះជាទូទៅ ដែលអនុវត្តទូទាំងពិភពលោក ។ សាសនាចក្រគិតថា ការប្រកាសអំពីកតិកាសញ្ញារដ្ឋយូថាហ៍ ជាមធ្យោបាយទទួលខុសត្រូវមួយ ចំពោះសំណូមពរបន្ទាន់នៃការកែទម្រង់អន្តោប្រវេសន៍ ។ វាត្រូវជាមួយនឹងគោលការណ៍សំខាន់ដែលយើងមាន ៖
- យើងធ្វើតាមព្រះយេស៊ូវគ្រីស្ទ តាមរយៈការស្រឡាញ់អ្នកជិតខាងយើង ។ ព្រះអង្គសង្គ្រោះបានបង្រៀនថា អត្ថន័យនៃពាក្យ « អ្នកជិតខាង » រួមមាននូវកូនចៅទាំងអស់របស់ព្រះ គ្រប់ទីកន្លែង គ្រប់ពេលវេលា ។
- យើងទទួលស្គាល់ពីសេចក្ដីត្រូវការជាបន្ដបន្ទាប់ ដើម្បីពង្រឹងដល់ក្រុមគ្រួសារ ។ ក្រុមគ្រួសារ គឺត្រូវនៅជាមួយគ្នា ។ ការបំបែកគ្នាដោយបង្ខំនៃឪពុកម្ដាយធ្វើការ បែកពីកូនៗរបស់ពួកគេ ធ្វើឲ្យក្រុមគ្រួសារទន់ខ្សោយ ហើយធ្វើឲ្យសង្គមអន្តរាយ ។
- យើងទទួលស្គាល់ថា គ្រប់ជាតិសាសន៍ មានសិទ្ធិដើម្បីដាក់បង្គាប់ច្បាប់ ហើយពង្រឹងដល់ព្រំដែនវា ។ មនុស្សទាំងអស់ដែលស្ថិតនៅក្រោមច្បាប់របស់ជាតិសាសន៍មួយ គឺទទួលខុសត្រូវចំពោះទង្វើរបស់ពួកគេ ដែលទាក់ទងនឹងច្បាប់ជាតិសាសន៍ពួកគេ ។
មន្ត្រីសាធារណៈ គួរតែបង្កើត និងគ្រប់គ្រងច្បាប់ ដែលឆ្លុះបញ្ចាំងអំពីគោលដៅដ៏ខ្ពស់បំផុតរបស់យើងថាជា សង្គមយុត្តិធម៌ និងយកចិត្តទុកដាក់មួយ ។ ច្បាប់ដូច្នេះ នឹងមានតុល្យភាពសេចក្ដីស្រឡាញ់ដោយត្រឹមត្រូវចំពោះអ្នកជិតខាង អង្គការគ្រួសារ និងការអង្កេតនៃច្បាប់យុត្តិធម៌ និងអាចប្រតិបត្តិបាន *
*សាសនាចក្របានចេញផ្សាយសេចក្ដីថ្លែងថ្មីៗបំផុតស្ដីអំពី អន្ដោប្រវេសន៍ នៅថ្ងៃទី 10 ខែ មិថុនា ឆ្នាំ 2011 ។