ឆ្លើយតបនឹងការអញ្ជើញរបស់សមាគមតាប៊ីថា កម្ពុជា សាកលវិទ្យាល័យប្រ៊ីហ្គឹមយ៉ាំងដែលជាសាកលវិទ្យាល័យមួយក្នុងចំណោមសាកលវិទ្យាល័យឯកជនធំៗជាច្រើននៅសហរដ្ឋអាមេរិកបានអញ្ជើញក្រុមចម្រៀង និងរបាំលំដាប់ថ្នាក់ពិភពលោកដែលមានឈ្មោះថា យ៉ាំង អាំបាសាឌ័រ មកប្រគុំតន្ត្រីក្នុងកម្មវិធីរបស់មន្ទីរពេទ្យនគរទេពនៅថ្ងៃអង្គារ ទី 13 ខែឧសភា ឆ្នាំ 2014 វេលាម៉ោង 7:00 ល្ងាចនៅសាលមហោស្រពកោះពេជ្រ ។
- Young Ambassadors dance performance
- Dance from Young Ambassadors
- Young Ambassadors thank sponsors for support of Nokor Tep Hospital
- Audience at Nokor Tep Benefit Performance
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ចម្រៀងពេញនិយមដែលនឹងត្រូវច្រៀងមានដូចជា អាដេល ម៉ៃខេល ចេកសុន ប៊ីថល អ៊ីលវិស ប្រេសលី ប៊ប ឌីលេន ម៉ៃខេល បាបល និងការសម្ដែងលើឆាករបស់ ប្រដវ៉េ ដូចជា ស៊ីនដេរីឡា ស៊ីហ្គីងអ៊ីនដារ៉េន ក្រេស៊ីហ្វរយូ ស្រូលីម៉ូដេនមីលី អ៊ីនធូដាវូដ ឌ្រីមហ្គើល ហៅធូសាស៊ីដអ៊ីនប៊ីនីសវីដោតរាលីត្រាយអ៊ីង ខារ៉ូសេលស្មូគីចូកាហ្វ ហ៊ែប្រេ និង ហៅដាសស៊ីណូហ្វ្រមឌីសនីមូវីអ៊ីនឆេន ។ ជាង 40 ឆ្នាំមកហើយ ក្រុមសម្ដែង យ៉ាំង អាំបាសាឌ័រ បានធ្វើឲ្យទស្សនិកជននៅជាង 67 ប្រទេសសប្បាយរីករាយជាមួយការប្រគុំតន្រ្តី របាំ និងការសម្ដែងដ៏អស្ចារ្យរបស់ពួកគេ ។
គំនិតផ្ដួចផ្ដើមរបស់មន្ទីរពេទ្យនគរទេពបានបង្កើតឡើងក្រោមការដឹកនាំរបស់អ្នកស្រី ចេន រីស ដែលជាស្ថាបនិកនៃសមាគមតាប៊ីថាកម្ពុជា ។ អ្នកស្រី រីស បានពន្យល់ថា “ទស្សនវិស័យរបស់មូលនិធិមិនស្វែងរកប្រាក់ចំណេញគឺដើម្បីបង្កើតកម្មវិធីថែទាំសុខភាពស្រ្តីក្នុងបំណងជួយសម្រួលសេវាកម្មសុខភាពដែលបច្ចុប្បន្ននេះ ស្រ្តីកម្ពុជាភាគច្រើនមិនទាន់បានទទួលសេវាកម្មនេះនៅឡើយទេ” ។ អ្នកស្រី រីស បាននិយាយថាកម្មវិធីនេះរួមមានសេវាកម្មគាំពារ និងព្យាបាលជំងឺដោយមានការសាងសង់អាគារថែទាំសុខភាពកណ្ដាលដែលមន្ទីរពេទ្យនគរទេពនេះមានសេវាកម្មផ្នែករោគស្រ្តី និងរោគដុះសាច់ ។ មន្ទីរពេទ្យនគរទេពត្រូវបានចុះឈ្មោះជាផ្លូវការដោយរាជរដ្ឋាភិបាលកម្ពុជានៅថ្ងៃទី 7 ខែតុលា ឆ្នាំ 2011។
នៅពេលសួរថាហេតុអ្វីបានមានការសម្ដែងលក្ខណៈគ្រួសារក្នុងកម្មវិធីផ្ដួចផ្ដើមរបស់មន្ទីរពេទ្យនគរទេព លោក សេន រ៉ាយ នាយកគ្រប់គ្រងផ្នែកសិល្បៈសម្ដែងនៃសាកលវិទ្យាល័យប្រ៊ីហ្គឹមយ៉ាំងបានឆ្លើយថា “យើងចង់ពង្រឹងការយល់ដឹងជាសាធារណៈ និងផ្ដល់មូលនិធិសម្រាប់គំនិតផ្ដួចផ្ដើមនេះពីព្រោះវាផ្ដល់ឲ្យស្រ្តីខ្មែរនូវការថែទាំសុខភាព និងការព្យាបាលបានច្រើនតាមតម្រូវការដោយមិនគិតពីស្ថានភាពសេដ្ឋកិច្ចរបស់ពួកគេទេ” ។ “ក្រោយពីបានស្គាល់អ្នកស្រី ចេន រីស ដែលជាស្ថាបនិកនៃសមាគមតាប៊ីថាកម្ពុជា និងបានស្វែងយល់អំពីការប្ដេជ្ញាចិត្តពីអតីតកាលនិងបច្ចុប្បន្នចំពោះស្រ្តីខ្មែរដែលត្រូវការការថែទាំសុខភាពបន្ទាន់ យើងមិនអាចបោះបង់ចោលឱកាសសម្ដែងដើម្បីរកមូលនិធិបានទេ” ។ លោក រ៉ាយ បាននិយាយាថាគាត់បានចូលរួមព្រឹត្តិការណ៍ដែលទទួលជោគជ័យខ្លាំងបំផុតដែលនឹងជួយជំរុញគំនិតផ្ដួចផ្ដើមរបស់មន្ទីរពេទ្យផងដែរ។ “យើងសូមកោតសរសើរចំពោះការខិតខំប្រឹងប្រែង និងទស្សនរបស់បុគ្គលជាច្រើនដែលយល់ដឹងអំពីការបង្កើតគំនិតផ្ដួចផ្ដើម និងមានការតាំងចិត្តខ្ពស់ដើម្បីអនុវត្តគំនិតផ្ដួចផ្ដើមដល់ទីបញ្ចប់”។
សមាជិកក្រុមសម្ដែង យ៉ាំង អាំបាសាឌ័រ ទទួលបានការបណ្ដុះបណ្ដាល និងការអប់រំនៅសាកលវិទ្យាល័យប្រ៊ីហ្គឹមយ៉ាំងដែលបានបង្កើតក្នុងឆ្នាំ 1875 និងមានទីតាំងនៅ ទីក្រុងប្រូវ៉ូ រដ្ឋយូថាហ៍ សហរដ្ឋអាមេរិក ។ សាកលវិទ្យាល័យប្រ៊ីហ្គឹមយ៉ាំងឧបត្តម្ថដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ និងជាសាកលវិទ្យាល័យដ៏ធំមួយក្នុងចំណោមសាកលវិទ្យាល័យឯកជនធំៗជាច្រើននៅសហរដ្ឋអាមេរិកដែលមាននិស្សិតជាង30,000 នាក់ ។
ក្រុម យ៉ាំង អាំបាសាឌ័រ នឹងសម្ដែងនៅកន្លែងពិសេសមួយដែលម្ចាស់ជំនួយនិងអ្នកឧបត្ថម្តអាចជួប ហើយពិភាក្សាជាមួយក្រុមអ្នកសម្តែង និងនាយកប្រតិបត្តិនៃក្រុមសិល្បៈរបស់សាកលវិទ្យាល័យប្រ៊ីហ្គឹមយ៉ាំង ។
លោក សេន រ៉ាយ នាយកគ្រប់គ្រងសិល្បៈបាននិយាយថា ព្រឹត្តិការណ៍នេះផ្ដល់ឱកាសឲ្យអ្នកឧបត្ថម្ភការប្រគុំតន្ត្រីដើម្បីដើរតួយ៉ាងសំខាន់ក្នុងការផ្សព្វផ្សាយសិល្បៈ និងវប្បធម៌ជាសាធារណៈនៅរាជធានីភ្នំពេញ និងបង្កើនការយល់ដឹងជាសាធារណៈអំពីគំនិតផ្ដួចផ្ដើមមនុស្សធម៌ដ៏ល្អមួយដែលនឹងលើកកម្ពស់ និងពង្រឹងជីវភាពរស់នៅរបស់ស្រ្តីដែលមិនមានសេវាកម្មគ្រប់គ្រាន់ក្នុងការថែទាំសុខភាពបានក្នុងពេលតែមួយ ។