សាសនាចក្រប្រារព្ធពិធីរំលឹកខួប គម្រប់២០ ឆ្នាំនៅព្រះរាជាណាចក្រកម្ពុជា

ផ្ដើមចេញពីសមាជិកតែម្នាក់ បច្ចុប្បន្ននេះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ

មានសមាជិកជាង១២.០០០ នាក់ដែលនេះជាលទ្ធផលនៃការវិវឌ្ឍន៍មួយជំហានម្ដងៗ និងអព្ភូតហេតុ មួយម្ដង​ៗ។ ពួកបរិសុទ្ធជាង ៣.០០០ នាក់នៅប្រទេសកម្ពុជាបានជួបជុំគ្នានៅសាលមហោស្រព  កោះពេជ្រ នៅរាជធានីភ្នំពេញដើម្បីប្រារព្ធពិធីរំលឹកខួបសាសនាចក្រគម្រប់ ២០ឆ្នាំ—ត្រឹមតែប្រាំមួយ ថ្ងៃបន្ទាប់ពីការបង្កើតស្ដេកពីរដំបូងបង្អស់នៅព្រះរាជាណាចក្រកម្ពុជា។ ការប្រារព្ធពិធីនេះបានប្រព្រឹត្តទៅ

ក្រោមពាក្យ ស្លោកថា “ឈានទៅមុខ​ដោយជំនឿ”  បានជួយឲ្យពួកបរិសុទ្ធក្នុងព្រះរាជាណាចក្រកម្ពុជា

ចងចាំពីជំហាន ជាច្រើនដែលនាំមកនូវការរីកចម្រើនយ៉ាងឆាប់រហ័សនៃសមាជិកភាពសាសនាចក្រនា

ពេលបច្ចុប្បន្ននៅក្នុងប្រទេសកម្ពុជា ហើយបានលើកទឹកចិត្តសមាជិកឲ្យបន្តឆ្ពោះទៅដោយជំនឿ និងក្ដី

សង្ឃឹម។ បណ្តាសមាជិកបានជិះរថយន្តក្រុងមកពីខេត្តជាច្រើនទូទាំងប្រទេសកម្ពុជា និងមកពីគ្រប់

ទីកន្លែងនៃរាជធានី ភ្នំពេញ។

បងស្រី អន អ៊ី និងអ្នកផ្សេងទៀតដែលបម្រើការងារនៅគណៈកម្មាធិការរៀបចំពិធីត្រូវបានចាត់តាំង

ការងារឲ្យរៀបចំម្ហូបអាហារដើម្បីឲ្យប្រាកដថា សមាជិកទាំងអស់ចូលរួមពិធីនេះទទួលបាន

អាហារគ្រប់ៗគ្នា មុនពេលពួកគេចាកចេញ។ បងស្រី អន អ៊ី បាននិយាយថា “ការរៀបចំម្ហូបអាហារ សម្រាប់មនុស្ស ៣.០០០ នាក់ គឺមិនមែនជាការងារងាយស្រួលទេ។ បងស្រីបាននិយាយទៀតថា “យើងបានកំណត់ថា បន្ទាប់ពីការកម្សាន្ដសិល្បៈវប្បធម៌ ការស្ដាប់ការណែនាំពីអ្នកដឹកនាំក្នុងស្រុក​ និងអ្នកដឹកនាំទូទៅដែលមកទស្សនកិច្ច និងការពង្រឹងចំណងមិត្តភាព “កញ្ចប់អាហារសម្រន់ថ្ងៃត្រង់” ដែលបានរៀបចំសម្រាប់សមាជិកគ្រប់រូប គឺជាកិច្ចការដ៏សំខាន់បំផុត។ វាគឺជាកិច្ចការដ៏ធំហើយខ្ញុំបាន អធិដ្ឋានដើម្បីឲ្យយើងអាចបំពេញតាមការរំពឹងទុករបស់មនុស្សគ្រប់រូប។”

ក្នុងការធ្វើបដិសណ្ឋារកិច្ចចំពោះបណ្តាសមាជិក​ និងភ្ញៀវពេលចូលសាលមហោស្រពគឺមាននំខេកប្រាំ​ពីរជាន់ដែលបានដាក់តាំងនៅជិតបន្ទប់តាំងរូបថតនៅក្នុងពិធីនេះ។ បន្ទប់​នេះបាន​បង្ហាញរូបថតនៃ ព្រឹត្តិការណ៍ប្រវត្តិសាស្ត្រជាច្រើន  និងជួយផ្ដល់ឯកសារជារូ​បភាពអំពីកំណើន​សមាជិក​ភាព​សាសនាចក្រ រយៈពេល ២០ ឆ្នាំនៅក្នុងប្រទេសកម្ពុជា។ សមាជិកក្នុង  ស្រុក និង​បណ្តាអ្នក​ដឹកនាំសាសនាចក្រដែល កំពុងធ្វើទស្សនកិច្ចរួមជាមួយភ្ញៀវ និងមន្ត្រីរដ្ឋាភិបាលមួយចំនួន  អញ្ជើញមកទស្សនាការតាំង​ពិព័រ​ណ៌ នៅសាលនេះ។

ព្រឹត្តិការណ៍សំខាន់ៗនៃកម្មវិធីគឺការសម្តែងរបស់សមាជិកនៃសេ្ដកខាងជើង និង​ខាងត្បូង​ដែល​ទើបបាន​បង្កើតឡើងថ្មី  និងរបស់សមាជិកមកពីមណ្ឌលខាងកើត   និង​មណ្ឌល​កណ្ដាល​​ដែលបង្ហាញ​អំពីវប្បធម៌ ខ្មែរ។ ក្រុម​សម្តែងនៃ​មណ្ឌល​ និង​ស្តេកនីមួយៗបាន​ឡើង​​សម្ដែង ១៥ នាទី — ក្នុងនោះរួមមានការរាំ និងច្រៀងចម្រៀងខ្មែរ និងវៀតណាមតាម​បែបប្រពៃណី។ បន្ទាប់ពីការសម្តែងរួច​មានវីដេអូប្រវត្តិគ្រួសារ មួយដែលមានចំណងជើងថា “មរត​ក​នៃ​ក្តីសង្ឃឹមដ៏មានតម្លៃរបស់កម្ពុជា” ត្រូវបានចាក់បញ្ចាំង ដោយបាន​ ចែករំលែកអំពីសារ​នៃ​ក្តីសង្ឃឹម ការផ្លាស់ប្រែចិត្តជឿ និងសក្ខីភាព​ពួកបរិសុទ្ធនៅប្រទេសកម្ពុជាដែលបាន  ចូលរួមចំណែកធ្វើកិច្ចការពង្សប្រវត្តិនិងព្រះវិហារបរិសុទ្ធ ឬ កំពុងរៀបចំទៅព្រះវិហារបរិសុទ្ធ។ វីដេអូនេះ បាន​លើក​ទឹកចិត្តឲ្យបណ្តាសមាជិកផ្តល់ប្រវត្តិផ្ទាល់ខ្លួន និង​ប្រវត្តិ​ដូនតារបស់ពួកគេ។

បទចម្រៀងដ៏សែនពិរោះដែលមានចំណងជើងថា “ព្រះប្រទានព្រះពរសម្រាប់ដែនដីនេះ” ដែល​ច្រៀង ដោយកញ្ញា ថោង ពុទ្ធារី បានបង្ហាញទស្សនិកជនអំពីប្រវត្តិ ២០ ឆ្នាំនៃសាសនាចក្រ នៅក្នុងប្រទេសកម្ពុជា។ ដំណើររឿងចាប់ផ្ដើមដោយមានសន្ទរកថា​របស់លោក អ៊ីត វិចិត្រ ដែលជា សមាជិកដ៏សំខាន់ក្នុងការ​ជួយឲ្យទទួលបានការ​អនុញ្ញាត​ជា​ផ្លូវការពីរដ្ឋាភិបាល និងការទទួលស្គាល់ សាសនាចក្រតាំងពីម្ភៃឆ្នាំមុន។ លោកបានចាប់ផ្ដើមសន្ទរកថា​ដោយពន្យល់​ពីជំនួយ​ដែល​​លោក និងអ្នក ផ្សេងទៀតទទួលពីប្រភព “ខាងលោកីយ និង​ខាងវិញ្ញាណ” ​នៅពេល​ទទួល​បាន​ការអនុញ្ញាតពី រដ្ឋាភិបាលឲ្យដំណើរការសាសនាចក្រក្នុងប្រទេស​កម្ពុជា។

បន្ទាប់ពីចំណាប់អារម្មណ៍​របស់​​លោក អ៊ិត វិចិត្រ  មានការបញ្ចាំងវីដេអូពិសេស​មួយដែលមាន​ចំណង ជើងថា “ឈានទៅមុខដោយជំនឿ”  រៀបរាប់អំពី​ដំណើរ​រឿង​តាមលំដាប់នៃការរីកចម្រើន ​និងព្រឹត្តិការណ៍ ក្នុងសាសសនាចក្ររយៈពេលម្ភៃឆ្នាំក្នុង​ប្រទេស​កម្ពុជា។ វីដេអូនេះមានកិច្ចសម្ភាសជាមួយសមាជិក​ដែល​បានផ្លាស់ប្ដូរបទពិសោធន៍របស់ពួកគេ​ទៅ​វិញ​​ទៅមក ក្នុងការសិក្សារៀនសូត្រនិងការផ្លាស់ប្រែចិត្តជឿ​លើដំណឹង​ល្អ​របស់​ព្រះយេស៊ូវគ្រីស្ទ និងការផ្លាស់​ប្ដូរ​ជីវិត​ពួកគេបន្ទាប់​ពីក្លាយមក​ជា​សមាជិក។ សមាជិក ភាគច្រើនបានបង្ហាញពីឥទ្ធិពលវិជ្ជមាននៃដំណឹង​ល្អនៅក្នុងជីវិតប្រចាំថ្ងៃរបស់ពួកគេ។បន្ទាប់ពីការ ទស្សនាវីដេអូចប់ លោកប្រធាន ដេវីដ ស៊ី មូន បាន​ថ្លែង​សន្ទរកថា ​​ដោយលើក​ទឹក​ចិត្តសមាជិកសម័យ បច្ចុប្បន្ននេះ​ឈានទៅមុខដោយជំនឿ” ដោយ​ធ្វើការ​ផ្លាស់ប្ដូរក្នុងជីវិតរបស់ពួកគេដើម្បីឲ្យទទួលបាន​ពរជ័យ​​ដ៏ពេញលេញពីដំណឹងល្អសម្រាប់គ្រួសារពួកគេនាពេលអនាគត។

កម្មវិធីនេះបានបន្តដោយមានសន្ទរកថា និងការលើកទឹកចិត្តពី អ៊ែលឌើរ ឡារី វ៉ាយ វិលសុន ដែលជា ទីប្រឹក្សាទី ១ នៃគណៈប្រធានក្រុមចិតសិបប្រចាំតំបន់អាស៊ី ដែលបានថ្លែងថា កាយវិកាដៃដ៏ទន់ភ្លន់នៃ ក្បាច់រាំរបាំប្រពៃណីខ្មែរបានរំលឹកគាត់នូវការបង្រៀនរបស់ព្រះអង្គសង្គ្រោះដែលថា យើងត្រូវតែមាន ដៃដែលស្អាត​និងបេះដូងដ៏បរិសុទ្ធគ្រប់ពេល ប្រសិនបើយើងចង់ទទួលពរជយ័ពីព្រះ។ អ៊ែលឌើរ ហ្គឺរីត ដឹបបិលយូ ហ្កូង នៃក្រុមចិតសិបដែលជាប្រធានតំបន់អាស៊ីបានបូកសរុបលទ្ធផលនៃការប្រជុំដោយ បញ្ជាក់ ថាការរីកលូតលាស់យ៉ាងឆាប់រហ័ស​នៃសាសនាចក្រនៅក្នុងប្រទេសកម្ពុជានឹងបន្តការរីកចម្រើន នៅពេលសមាជិកនៅតែគោរព​ និងមានជំនឿ​ទៅលើដំណឹងល្អនៃព្រះយេស៊ូវគ្រីស្ទ។

នៅពេលដែលសមាជិកចាកចេញពីមហោស្រព សមាជិកគ្រប់រូបទទួលបានកញ្ចប់អាហារសម្រន់ពេល

ល្ងាចមួយកញ្ចប់ដែលតម្រៀបគរនៅលើតុយ៉ាងខ្ពស់។  នៅពេលដែលកញ្ចប់បាយថ្ងៃត្រង់ចុងក្រោយ

បានផ្ដល់​បងស្រី អន អ៊ី មានក្ដីសប្បាយរីករាយជាខ្លាំង។  បងស្រីបាននិយាយថា “យើងជួបបញ្ហាដែល

មិនបានរំពឹងទុកមួយចំនួន ប៉ុន្តែជាបញ្ហាដែលងាយស្រួលដោះស្រាយទេ។ ខ្ញុំសប្បាយចិត្តនឹងកិច្ចខំប្រឹង

ប្រែងរបស់​ពួកយើង ហើយភាពជោគជ័យនោះគឺថា យើងបានផ្ដល់អាហារទៅមនុស្សចំនួន ​៣.០០០ នាក់។”

បងប្រុស អេង ប៊ុនហួច ដែលជាប្រធានគណៈកម្មាធិការ  និងជាប្រធានស្ដេកភ្នំពេញខាងជើងបាន សរសើរថា​ “ភាពជោគជ័យនៃពីធីបុណ្យនេះបានមកពីកិច្ចប្រឹងប្រែងដ៏អស្ចារ្យរបស់ក្រុមគណៈ កម្មាធិការ​រៀបចំពិធីបុណ្យគម្រប់ខួបលើកទី  ២០ និងពីអ្នកស្ម័គ្រចិត្តជាច្រើនដែលបានជួយយើងនៅពេលដែល

យើងត្រូវការជំនួយ។”