Flood Disaster Relief in Prey Veng Province

គ្រួសារជាង ១០០០ គ្រួសារទទួលបានការសង្គ្រោះពេលមានគ្រោះមហន្តរាយតាមរយៈអង្គការ LDS បន្ទាប់ពីទទួលរងការខូចខាតដោយសារគ្រោះទឹកជំនន់ក្នុងស្រុកស៊ីធរកណ្ដាល ខេត្តព្រៃវែង។ ឯកឧត្ដម មិន ឃិន រដ្ឋមន្ត្រីក្រសួងធម្មការនិងសាសនា មានប្រសាសន៍នៅក្នុងពិធីផ្ដល់អំណោយថា ការផ្ដល់ជំនួយស្បៀងអាហារនឹងផ្ដល់ទៅដល់ក្រុមគ្រួសារដែលក្រីក្របំផុតនៅក្នុងតំបន់នេះ។

1 / 2

Download Photos

ព្យុះភ្លៀងដ៏ខ្លាំងបានបណ្តាលឲ្យគ្រួសារជាច្រើនចាកចោលពីផ្ទះសម្បែងរបស់ពួកគេ។ ការជន់លិចតាមដងទន្លេនៅស្រុកស៊ីធរកណ្តាល ខេត្តព្រៃវែងបានទទួលរងផលប៉ះពាល់យ៉ាងខ្លាំង។ អង្គការសប្បុរសធម៌ LDS បានត្រួតពិនិត្យស្ថានភាព និងរៀបចំការផ្គត់ផ្គង់ជំនួយពេលមានគ្រោះទឹកជំនន់សម្រាប់គ្រួសារដែលឥតទីជម្រកភ្លាមៗ។ ឯកឧត្តមបណ្ឌិត អ៊ុង វិបុល អនុរដ្ឋលេខាធិការបានធ្វើការទំនាក់ទំនងជាមួយ អង្គការ LDS និងដោយមានការកិច្ចខំប្រឹងប្រែងរបស់ក្រុមការងារ ស្បៀងអាហារត្រូវបានផ្ដល់ឲ្យជនរងគ្រោះដោយសារទឹកជំនន់ជាង ១០០០ គ្រួសារ។ នៅក្នុងពិធីចែកអំណោយនៅថ្ងៃទី ៩ ខែកញ្ញា វេលាម៉ោង ៩:០០ ព្រឹក ឯកឧត្តមបានថ្លែងអំណរគុណយ៉ាងជ្រាលជ្រៅចំពោះការខំប្រឹងបែ្រងរបស់អ្នកទាំងអស់គ្នាដោយប្រាកដថា ជនរងគ្រោះបានទទួលជំនួយភ្លាមៗតាមដែលអាចធ្វើបាន។ មានតំបន់ចំនួនបីកន្លែងនៅក្នុងខេត្តព្រៃវែងបានទទួលរងផលប៉ះពាល់ដោយសារទឹកជំនន់។

អង្គការសប្បុរសធម៌ LDS ជាអង្គការមនុស្សធម៌នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅព្រះរាជាណាចក្រកម្ពុជា។ អង្គការ LDS បានជួយ និងផ្ដល់ជំនួយដល់ប្រទេសកម្ពុជារយៈពេលជាង ១៥ ឆ្នាំ ក្នុងការផ្ដល់ជំនួយសង្គ្រោះបន្ទាន់ដល់ជនរងគ្រោះកម្ពុជាជាង ៥ លាននាក់។

គ្រោះទឹកជំនន់នៅខេត្តព្រៃវែង