ឯកឧត្ដម សាស្ត្រាចារ្យ អេង ហ៊ួត រដ្ឋលេខាធិការក្រសួងសុខាភិបាល បានថ្លែងអំណរអរគុណដល់អង្គការ LDS Charities ចំពោះការបន្តគាំទ្ររបស់ពួកគេដល់កម្មវិធីចាក់វ៉ាក់សាំងថ្នាក់ជាតិរបស់ប្រជាជនកម្ពុជាក្នុងពិធីផ្ទេរប្រគល់ប្រអប់ផ្ទុកវ៉ាក់សាំងចំនួន ១,៥០០ និងកញ្ចប់ទឹកកកចំនួន ៦,០០០ដល់ក្រសួង ដែលបរិច្ចាគដោយអង្គការ LDS Charities នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ។
- Vaccine Carriers presented to H.E. Prof Eng Hupt, Secretary of State, Ministry of Health
- Vaccine Carriers Provided by LDS Charities to National Immunization Program
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ប្រអប់ផ្ទុកវ៉ាក់សាំងទាំងនោះនឹងបញ្ជូនទៅសហគមន៍ដែលមានហានិភ័យខ្ពស់ក្នុងតំបន់ដាច់ស្រយាល សហគមន៍ជនជាតិភាគតិច និងក្រុមផ្លាស់ទីលំនៅញឹកញាប់ក្នុងទីប្រជុំជន និងតំបន់ជនបទតាមដែលអាចធ្វើទៅបាន។ ឯកឧត្ដម សាស្ត្រាចារ្យ អេង ហ៊ួត បានថ្លែងក្នុងពិធីថា៖ “ កម្មវិធីចាក់វ៉ាក់សាំងថ្នាក់ជាតិមានការងារជាច្រើនសម្រាប់អនុវត្តនាពេលអនាគត ដើម្បីលប់បំបាត់ជំងឺកញ្ជ្រឹល និងជំងឺផ្សេងៗ ហើយប្រអប់ផ្ទុកវ៉ាក់សាំងទាំងនោះនឹងជួយបានច្រើនក្នុងផែនការលុបបំបាត់នេះ”។
អង្គការ សប្បុរសធម៌នៃពួកបរិសុទ្ធថ្ងៃចុងក្រោយ បានផ្ដល់ការគាំទ្រតាមរយៈអង្គការសុខភាពពិភពលោកសម្រាប់ការចាក់វ៉ាក់សាំងជំងឺកញ្ជ្រឹលក្នុងតំបន់ហានិភ័យខ្ពស់ ចាប់តាំងពីឆ្នាំ ២០១១ ហើយបានផ្ដល់ជំនួយ ៨០០,០០០ ដុល្លារអាមេរិក ដល់ការប្រឹងប្រែងនេះ។
គម្រោងចាក់វ៉ាក់សាំងស្ថិតក្រោមការគ្រប់គ្រងរបស់វេជ្ជបណ្ឌិត Hossain Shafi តំណាងអង្គការសុខភាពពិភពលោកប្រចាំកម្ពុជា និងលោក ជុំ អូន នៃអង្គការ UNICEF។ ឯកឧត្ដម រដ្ឋលេខាធិការ បានថ្លែងថា៖ “នេះជាដៃគូដ៏ល្អ រួមចំណែកក្នុងការកាត់បន្ថយការស្លាប់របស់កុមារស្របតាមយុទ្ធសាស្ត្ររបស់រាជរដ្ឋាភិបាលកម្ពុជា”។