នៅពេលបានដឹកនាំដោយគណៈប្រធានទីមួយ និងកូរ៉ុមនៃពួកសាវកដប់ពីរនាក់ « ក្បួនខ្នាតទូទៅ ៖ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » បន្តធ្វើបច្ចុប្បន្នភាពតាមតម្រូវការ ។ ការធ្វើបច្ចុប្បន្នភាពជាច្រើនត្រូវបានចេញផ្សាយនៅថ្ងៃនេះ គឺថ្ងៃទី ៣១ ខែសីហា ឆ្នាំ ២០២៣ ហើយការកែសម្រួលមួយចំនួនទៀតត្រូវបានរៀបរាប់លម្អិតខាងក្រោម ។
សាសនាចក្រនៃព្រះយេស៊ូវគ្រីស្ទក៏បានបោះពុម្ពផ្សាយ « ការជ្រើសរើសខ្លះៗពីក្បួនខ្នាតទូទៅ » ដែរ ។ ការបោះពុម្ភផ្សាយថ្មីនេះគឺជាកំណែសង្ខេបខ្លីនៃក្បួនខ្នាតនេះ ដែលនឹងមានជាភាសាជាច្រើនដែលមិនមានក្បួនខ្នាតនេះពេញលេញ ។ « ការជ្រើសរើសទាំងឡាយ » គឺជាការចងក្រងនៃក្បួនខ្នាតទូទៅពេញលេញ ដែលត្រូវការជាញឹកញាប់បំផុត ។ សូមមើលព័ត៌មានបន្ថែមខាងក្រោម ។
ក្បួនខ្នាតនេះធ្វើបច្ចុប្បន្នភាពនៅថ្ងៃទី ៣១ ខែសីហា
ការធ្វើបច្ចុប្បន្នភាពមួយចំនួនដែលបានបញ្ចូលនៅក្នុងការចេញផ្សាយចុងក្រោយបំផុតគឺរាយបញ្ជីដូចខាងក្រោមនេះ ។
- នៅទូទាំងក្បួនខ្នាត ឃ្លា « កិច្ចការនៃសេចក្តីសង្រ្គោះ និងភាពតម្កើងឡើង » និង « កិច្ចការនៃសេចក្ដីសង្គ្រោះ និង ភាពតម្កើងឡើងរបស់ព្រះអម្ចាស់ » ត្រូវបានប្តូរទៅជា « កិច្ចការនៃសេចក្ដីសង្គ្រោះ និង ភាពតម្កើងឡើងរបស់ព្រះ » ដើម្បីបញ្ជាក់ថា យើងត្រូវបានអញ្ជើញឲ្យជួយព្រះនៅក្នុងកិច្ចការរបស់ទ្រង់ ។
- មជ្ឈមណ្ឌលពង្សប្រវត្តិ ឥឡូវត្រូវបានហៅថាមជ្ឈមណ្ឌលស្រាវជ្រាវក្រុមគ្រួសារ ហើយបណ្ណាល័យពង្សប្រវត្តិឥឡូវត្រូវបានហៅថា បណ្ណាល័យស្រាវជ្រាវក្រុមគ្រួសារ ។
- សមាគមសង្គ្រោះ ក្រុមយុវនារី ថ្នាក់សាលាថ្ងៃអាទិត្យ និងការប្រជុំកូរ៉ុមគួរតែចាប់ផ្តើមដោយការអធិស្ឋាន ( សូមមើល ៨.២.១.២, ៩.២.១.២, ១០.២.១.២, ១១.២.១.២, ១៣.៣ ) ។
- ការហៅបម្រើក្នុងសមាគមសង្គ្រោះវួដទាំងអស់ត្រូវបង្ហាញដើម្បីទទួលការគាំទ្រនៅក្នុងម៉ោងប្រជុំសាក្រាម៉ង់ ( សូមមើល ៩.៣.៣ និង ៩.៣.៤ ) ។
- បានធ្វើបច្ចុប្បន្នភាពគោលការណ៍ណែនាំសម្រាប់កម្មវិធីបុណ្យជ្រមុជទឹក ( សូមមើល ១៨.៧.២ ) ។
- ព័ត៌មានបញ្ជាក់អំពីអ្នកដែលអាចត្រូវបានហៅជាអ្នកធ្វើពិធីបរិសុទ្ធនៃព្រះវិហារបរិសុទ្ធ ( សូមមើល ២៥.៥.២ ) ។
- សេចក្តីណែនាំដែលបានធ្វើបច្ចុប្បន្នភាពសម្រាប់ការចេញប័ណ្ណចូលព្រះវិហារបរិសុទ្ធ និងបានបន្ថែមសំណួរសួរទទួលប័ណ្ណចូលព្រះវិហារបរិសុទ្ធ ( សូមមើល ២៦.៣.៣) ។
- ព័ត៌មានធ្វើបច្ចុប្បន្នភាពអំពីអំណោយទានព្រះវិហារបរិសុទ្ធ ( សូមមើល ២៧.២ ) ។
- ព័ត៌មានដែលបានធ្វើបច្ចុប្បន្នភាពអំពីអ្នកដែលអាចចូលរួមការផ្សារភ្ជាប់កូនដែលនៅរស់ជាមួយឪពុកម្តាយ ( សូមមើល ២៧.៤.៤ ) ។
- ព័ត៌មានដែលបានបញ្ជាក់អំពីគណៈកម្មការដឹកនាំយុវវ័យស្តេក ( សូមមើល ២៩.៣.១០ ) ។
- បានធ្វើបច្ចុប្បន្នភាពព័ត៌មានអំពីការប្រជុំក្រុមប្រឹក្សាប៊ីស្សពស្តេក ( ២៩.៣.១១ ) ។
- បានធ្វើបច្ចុប្បន្នភាពព័ត៌មានអំពីរូបថត និងការថតវីដេអូនៃកិច្ចប្រជុំ ( សូមមើល ២៩.៨ ) ។
- បានធ្វើបច្បុបន្នភាពសេចក្តីណែនាំអំពីសាលាប្រជុំជំរុញឲ្យការប្រើប្រាស់សាលាប្រជុំប្រកបដោយសុវត្ថិភាព និងការទទួលខុសត្រូវ តាមរបៀបដែលស្វាគមន៍ និងបម្រើទាំងសមាជិក និងមិត្តភក្តិ និងជួយគ្រប់គ្នាឲ្យខិតទៅជិតព្រះគ្រីស្ទ ( សូមមើល ៣៥.៥ ) ។
- បានបន្ថែមព័ត៌មានអំពីការបកប្រែផ្ទាល់មាត់នៃពិធីបរិសុទ្ធ និងពរជ័យសម្រាប់អ្នកដែលថ្លង់ ឬអ្នកពិបាកស្តាប់ ( សូមមើល ៣៨.២.១ ) ។
- បានបញ្ជាក់ថាឪពុកម្តាយត្រូវតែផ្សារភ្ជាប់នឹងគ្នា មុនពេលកូនៗបានផ្សារភ្ជាប់ជាមួយពួកគាត់ ( សូមមើល ៣៨.៤.២ ) ។
ការធ្វើបច្ចុប្បន្នភាពផ្សេងទៀតត្រូវបានរៀបរាប់នៅក្នុង « សេចក្ដីសង្ខេបស្ដីពីការធ្វើបច្ចុប្បន្នភាពថ្មីៗ » នៅដើមក្បួនខ្នាត ។ ការកែប្រែទាំងនេះត្រូវបានបោះពុម្ពផ្សាយជាភាសាអង់គ្លេស អេស្ប៉ាញ ព័រទុយហ្គាល់ និងបារាំងនៅលើគេហទំព័រ ChurchofJesusChrist.org និងនៅលើកម្មវិធីបណ្ណាល័យដំណឹងល្អ ។ ការកែប្រែទាំងនេះនឹងបកប្រែជាភាសាបន្ថែមនៅប៉ុន្មានខែខាងមុខនេះ ។
ការមើលឲ្យកាន់តែច្បាស់នៅលើ « ការជ្រើសរើសពីក្បួនខ្នាតទូទៅ »
កំណែសង្ខេបនៃក្បួនខ្នាតទូទៅនេះគឺសម្រាប់ថ្នាក់ដឹកនាំ និងសមាជិកដែលមិនទាន់មានសិទ្ធិចូលប្រើក្បួនខ្នាតមិនពេញលេញជាភាសាដែលពួកគេពេញចិត្ត ហើយអាចទទួលបានអត្ថប្រយោជន៍ពីការកែប្រែសង្ខេប ។ ថ្ងៃនេះ មានភាសាចំនួន ២៣ ភាសាកំពុងចេញផ្សាយ ហើយភាសាបន្ថែមនឹងមានឲ្យប្រើប្រាស់ នៅពេលដែលវាបានបកប្រែរួច ។
« ជម្រើស » ផ្តល់ចម្លើយចំពោះសំណួរដែលសួរញឹកញាប់ជាច្រើនរបស់ថ្នាក់ដឹកនាំមូលដ្ឋាន ។ ទោះយ៉ាងណាក៏ដោយ ថ្នាក់ដឹកនាំហាក់ដូចជាមានសំណួរមួយចំនួន ដែលខ្លួនមិនបានដោះស្រាយ ឬឆ្លើយទាំងស្រុង ។ ក្នុងករណីបែបនេះ ថ្នាក់ដឹកនាំគួរតែយោងទៅក្បួនខ្នាតពេញលេញ ប្រសិនបើវាមានជាភាសាដែលពួកគេអាចប្រើបាន ។ ថ្នាក់ដឹកនាំក៏អាចប្រឹក្សាជាមួយពួកអ្នកមានសិទ្ធិអំណាចដោយផ្ទាល់ដើម្បីសុំដំបូន្មាន ។