ការសង្គ្រោះបន្ទាន់តាមក្បួនវេជ្ជសាស្រ្តនៅក្នុងប្រទេសកម្ពុជា កំពុងទទួលបានជោគជ័យយ៉ាងខ្លាំង ដោយសារគម្រោងបណ្តុះបណ្តាលផ្នែកថែទាំសុខភាពដែលសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានផ្ដល់មូលនិធិ និងឧបត្ថម្ភ ស្របតាមគោលនយោបាយអាទិភាពរបស់រដ្ឋាភិបាលកម្ពុជា ។
នៅពេលពួកអ្នកផ្សព្វផ្សាយសាសនារៀមច្បង ផ្នែកមនុស្សធម៌ដែលមានអែលឌើរ ម៉ាកុស និងស៊ីស្ទើរ ម៉ាវេល
អ៊ើនសរ បានអញ្ជើញមកដល់ប្រទេសកម្ពុជាក្នុងខែមេសា ឆ្នាំ២០២៤ ពួកគាត់បានសង្កេតឃើញយ៉ាងឆាប់រហ័សពីតម្រូវការដ៏ចាំបាច់ដើម្បីមានការបណ្តុះបណ្តាលអំពីការសង្រ្គោះបន្ទាន់តាមក្បួនវេជ្ជសាស្ត្រ (EM) ។ នៅពេលមានពួកអ្នកជួយសង្រ្គោះជួរមុខ និងក្រុមបុគ្គលិកសុខាភិបាលទទួលបានការបណ្ដុះបណ្ដាលបានត្រឹមត្រូវ នោះជីវិតប្រជាជនរាប់ពាន់នាក់នឹងបានជួយសង្រ្គោះជីវិត ។
Doctors-and-nurses-learn-emergency-care-for-newborn-infants-at-Kampong-Cham-Provincial-Hospital-
គ្រូពេទ្យ និងគិលានុបដ្ឋាយិកា រៀនការថែទាំសង្គ្រោះបន្ទាន់ដល់ទារកទើបនឹងកើតនៅមន្ទីរពេទ្យខេត្តកំពង់ចាម។© 2025 by Intellectual Reserve, Inc. All rights reserved.អែលឌើរ អ៊ើនសរ ជាវេជ្ជបណ្ឌិតធ្វើការនៅក្នុងបន្ទប់សង្គ្រោះបន្ទាន់អស់រយៈពេល៣៥ឆ្នាំ នៅទីក្រុងផតលេន
រដ្ឋម៉េន៍ បានមានប្រសាសន៍ថា « ការទទួលបានអ្នកជំនាញដែលទទួលបានការបំពាក់បំប៉នច្បាស់លាស់ គឺជាចំណុចសំខាន់សម្រាប់ទំហែទាំសង្រ្គោះបន្ទាន់ » ។
ស៊ីស្ទើរ អ៊ើនសរ មានប្រសាសន៍ថា « សុខភាពល្អគឺជាមូលដ្ឋានសម្រាប់ជីវិតប្រកបដោយសុភមង្គល និងផលិតភាពនៃជីវិត ។ ព្រះអង្គសង្គ្រោះគឺជាអង្គប្រោសឲ្យជាដ៏ចំណានហើយធ្វើជាគំរូនៃសេចក្តីស្រឡាញ់ចំពោះអ្វីៗទាំងអស់ដែលទ្រង់ឆ្លងកាត់ ។ យើងគ្រាន់តែធ្វើតាមការដឹកនាំរបស់ទ្រង់ ដើម្បីផ្ដល់ពរដល់ជីវិតប្រជាជនជាច្រើននៅក្នុងប្រទេសកម្ពុជា » ។
នៅក្នុងប្រទេសកំពុងអភិវឌ្ឍមួយចំនួនទៀត ការបណ្តុះបណ្តាលការសង្គ្រោះបឋមដ៏ល្អបានកាត់បន្ថយអត្រាមរណភាពយ៉ាងច្រើន ដោយការកែលម្អការឆ្លើយតបទៅនឹងគ្រោះថ្នាក់ដែលគំរាមកំហែងដល់អាយុជីវិត ការរងរបួស និងជំងឺស្រួចស្រាវដែលបណ្តាលឲ្យបាត់បង់ឈាម បញ្ហាដកដង្ហើម របួស ឆក់ និងផ្លាស់ប្តូរស្ថានភាពផ្លូវចិត្ត ។
អែលឌើរ អ៊ើនសរ បានមានប្រសាសន៍ថា « ប្រទេសកម្ពុជាមានវេជ្ជបណ្ឌិត និងគ្រឿងបរិក្ខារថែទាំសុខភាពដ៏ល្អ ។ ប៉ុន្តែភាគច្រើនផ្ដោតទៅលើតែទីក្រុងធំៗ និងមន្ទីរពេទ្យធំៗ ។ នៅទូទាំងប្រទេសភាគច្រើនត្រូវការធនធានជំនាញ EM និងការបណ្តុះបណ្តាលឲ្យបានកាន់តែល្អប្រសើរ ជាពិសេសនៅតាមមណ្ឌលសុខភាពតូចៗ និងមន្ទីរពេទ្យស្រុក ។ ការបណ្តុះបណ្តាលសង្រ្គោះបឋមឲ្យបានត្រឹមត្រូវសម្រាប់ពួកអ្នកជួយសង្រ្គោះជួរមុខក៏ត្រូវការផងដែរ ។
អែលឌើរ និងស៊ីស្ទើរ អ៊ើនសរ មើលឃើញយ៉ាងច្បាស់ថា កម្មវិធីបំពាក់បំប៉ននៅទូទាំងប្រទេសចាំបាច់ត្រូវធ្វើឡើង ដើម្បីជួយដល់បុគ្គលិកសុខាភិបាលជួរមុខវាយតម្លៃ និងគ្រប់គ្រងជំងឺស្រួចស្រាវ និងរបួសដើម្បីសង្រ្គោះជីវិត ។
អែលឌើរ អ៊ើនសរ បានមានប្រសាសន៍ថា « យើងបានធ្វើគម្រោងនេះអស់ជាច្រើនខែ ។ ការពិភាក្សា និងការដាក់ផែនការសហការជាច្រើនចាំបាច់ត្រូវធ្វើឡើងជាមួយរដ្ឋាភិបាល និងមន្ត្រីថែទាំសុខភាព ដើម្បីទទួលបានការអនុម័តដែលចាំបាច់ និងឆ្ពោះទៅរកការអនុវត្ត » ។
កម្មវិធីបណ្តុះបណ្តាលជំនាញ EM ដ៏ល្អមួយគឺត្រូវការជាចាំបាច់ ហើយក្រុមគ្រូពេទ្យសង្គ្រោះបន្ទាន់ដែលមានបទពិសោធត្រូវតែជួបជុំគ្នាដើម្បីធ្វើការបណ្តុះបណ្តាល ។
អែលឌើរ អ៊ើនសរ បានដឹងថា វគ្គសិក្សាថែទាំសង្គ្រោះបន្ទាន់មូលដ្ឋាន (Basic Emergency Care Course) ដែលបង្កើតឡើងដោយអង្គការសុខភាពពិភពលោក (WHO) កាកបាទក្រហមអន្តរជាតិ និងសហព័ន្ធអន្តរជាតិសម្រាប់ឱសថសង្គ្រោះបន្ទាន់ (International Federation for Emergency Medicine) គឺត្រូវបំផុតសម្រាប់ប្រទេសកម្ពុជា ។ នៅក្នុងប្រទេសកំពុងអភិវឌ្ឍមួយចំនួនដែលបានបង្រៀនវគ្គសិក្សានេះ នោះវាបានជួយកាត់បន្ថយការស្លាប់ដោយសាររបួស និងជំងឺស្រួចស្រាវបាន ៣៥% ។
6-EM-training-Kampong-Cham-Provincial-hospital-March-24-27-test.jpg
សិក្ខាកាមពេទ្យសង្គ្រោះបន្ទាន់ចូលប្រឡងនៅមន្ទីរពេទ្យខេត្តកំពង់ចាម។© 2025 by Intellectual Reserve, Inc. All rights reserved.គាត់បានស្គាល់ក្រុមគ្រូពេទ្យសង្គ្រោះបន្ទាន់ជនជាតិហ្វីលីពីន គ្រូបង្គោលទាំងអស់ និងសមាជិកនៃសមាគមអាស៊ីសម្រាប់ឱសថសង្គ្រោះបន្ទាន់ ដែលមានលទ្ធភាពធ្វើដំណើរមកប្រទេសកម្ពុជាដើម្បីចាប់ផ្តើមដំណើរការបណ្តុះបណ្តាលនេះ ។
នៅចុងខែមីនា ឆ្នាំ២០២៥ ការបើកវគ្គបណ្តុះបណ្តាលត្រូវបានធ្វើឡើង ។ ដោយសហការជាមួយក្រសួងសុខាភិបាលកម្ពុជា និងមន្ទីរសុខាភិបាលខេត្តកំពង់ចាម នោះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានចំណាយ និងឧបត្ថម្ភក្រុមគ្រូពេទ្យសង្គ្រោះបន្ទាន់ក្នុងខេត្តកំពង់ចាម ដើម្បីបង្រៀនវគ្គសិក្សាថែទាំសង្គ្រោះបន្ទាន់មូលដ្ឋាន (Basic Emergency Care course ) ក្នុងរយៈពេល៤ថ្ងៃ ។
បុគ្គលិកថែទាំសុខភាពជួរមុខចំនួន៣១នាក់ មកពីមន្ទីរពេទ្យបង្អែកចំនួន ៩ នៅទូទាំងខេត្តកំពង់ចាម ត្រូវបានបណ្តុះបណ្តាល--ដែលរួមមានទាំងគ្រូពេទ្យ គិលានុបដ្ឋាក និងឆ្មបផងដែរ ។ អែលឌើរ អ៊ើនសរ មានប្រសាសន៍ថា ៖ « ទោះបីជាយើងមានបញ្ហាទាក់ទងនឹងការបកប្រែឯកសារ និងបកប្រែផ្ទាល់មាត់ក្តី ក៏ខ្ញុំរីករាយជាមួយនឹងក្រុមអ្នកសម្របសម្រួល និងភាពបត់បែនរបស់ពួកគេជួយដល់ក្រុមនេះដែរ » ។
រយៈពេលបួនថ្ងៃគឺពោរពេញទៅដោយការបង្រៀន ការពិភាក្សាជាក្រុមតូចៗ និងការបណ្តុះបណ្តាលជំនាញ បានបន្តដោយការធ្វើតេស្តសរសេរ និងការធ្វើតេស្ដផ្ទាល់មាត់ ។ ក្នុងចំណោមសិស្ស៣១នាក់ មាន២១នាក់ទទួលបានវិញ្ញាបនបត្រ អែលឌើរ អ៊ើនសរ បានមានប្រសាសន៍ថា « ប៉ុន្តែពួកគេទាំងអស់គ្នាបានត្រឡប់ទៅផ្ទះវិញដោយមានទំនុកចិត្តកាន់តែខ្លាំង នៅពេលមានអ្នកជំងឺស្ថិតក្នុងស្ថានភាពគំរាមកំហែងដល់អាយុជីវិត មកមន្ទីរពេទ្យរបស់ពួកគេ » ។
វគ្គបណ្តុះបណ្តាលជំនាញ EM ទីពីរ ដែលសាសនាចក្របានឧបត្ថម្ភផងដែរនោះ ត្រូវបានបង្រៀននៅដើមខែឧសភា ក្នុងរាជធានីភ្នំពេញ ។ ការផ្តោតសំខាន់នៃវគ្គបណ្តុះបណ្តាលនេះគឺអ្នកដឹកនាំជំនាញ EM នៃមន្ទីរពេទ្យជាតិ ។ វគ្គសង្គ្រោះបន្ទាន់មូលដ្ឋានត្រូវបានបន្តដោយថ្នាក់ « បណ្ដុះបណ្ដាលអ្នកដែលចេញទៅបណ្ដុះបណ្ដាលគេ » ។ បុគ្គលិកថែទាំសុខភាពជួរមុខចំនួន១៦នាក់ ឥឡូវនេះ គឺជាក្រុមអ្នកសម្របសម្រួល ។ អែលឌើរ អ៊ើនសរ កំពុងធ្វើការជាមួយក្រសួងសុខាភិបាល ដើម្បីគាំទ្រដល់ការពង្រីកការបណ្តុះបណ្តាលជំនាញ EM នៅទូទាំងប្រទេសកម្ពុជា ។
- Emergency-Medicing-training-in-Phnom-Penh.jpg
- 3-Certificates-for-EM-training-Kampong-Cham-Provincial-hospital-March-24-27.jpg
- EM-training-Kampong-Cham-Provincial-hospital-March-24-27.jpg
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ការប៉ាន់ប្រមាណ និងការវាយតម្លៃដ៏លម្អិតនៃកម្មវិធីបណ្តុះបណ្តាលដំបូងនេះគឺកំពុងដំណើរការ ។ គោលដៅសំខាន់គឺរៀបចំក្រុមស្នូលនៃអ្នកជំនាញថែទាំសុខភាពកម្ពុជា ដែលអាចធ្វើជាគ្រូបណ្តុះបណ្តាលនាពេលអនាគត ដោយការស្ថាបនាសមត្ថភាពក្នុងមូលដ្ឋាន និងធានានូវនិរន្តរភាពរយៈពេលវែង ។
បុគ្គលិកផ្នែកថែទាំសុខភាពកម្ពុជាម្នាក់ដែលបានចូលរួមក្នុងវគ្គបណ្តុះបណ្តាលដំបូងនេះបាននិយាយថា « សូមអរគុណច្រើនចំពោះការបណ្តុះបណ្តាលនេះ និងសូមអរគុណចំពោះវេជ្ជបណ្ឌិតមកពីប្រទេសហ្វីលីពីនទាំងអស់ដែលបានអញ្ជើញមកបង្រៀន ។ នេះគឺជាចំណេះដឹងថ្មីសម្រាប់ខ្ញុំ ហើយវាពិតជាល្អណាស់ដែលបានប្រើចំណេះដឹងនេះដើម្បីជួយប្រជាជននៅកន្លែងដែលខ្ញុំធ្វើការ ។ ជាចុងក្រោយ ខ្ញុំសង្ឃឹមថានឹងមានវគ្គបែបនេះបន្ថែមទៀត ដើម្បីឲ្យមនុស្សជំនាន់ក្រោយមានឱកាសបានរៀនផងដែរ » ។
ការប៉ាន់ប្រមាណវគ្គបណ្តុះបណ្តាលបានបញ្ចប់ ៖ « ការបើកដំណើរការប្រកបដោយជោគជ័យនៃវគ្គសិក្សាថែទាំសង្គ្រោះបន្ទាន់មូលដ្ឋានរបស់ WHO គឺជាព្រឹត្តិការណ៍ដ៏សំខាន់មួយដើម្បីលើកកម្ពស់សេវាថែទាំសុខភាពសង្គ្រោះបន្ទាន់របស់ប្រទេស ។ តាមរយៈការបណ្ដុះបណ្ដាលបុគ្គលិកថែទាំសុខភាពជួរមុខនូវជំនាញថែទាំសង្គ្រោះបន្ទាន់ដ៏ចាំបាច់ គំនិតផ្តួចផ្តើមនេះរួមចំណែកដោយផ្ទាល់ដល់បេសកកម្មសកលរបស់ WHO ក្នុងការពង្រឹងប្រព័ន្ធថែទាំសង្គ្រោះបន្ទាន់ ក្នុងមជ្ឈដ្ឋានដែលខ្វះខាត ។ កិច្ចខិតខំប្រឹងប្រែងនាពេលអនាគតនឹងផ្តោតលើការពង្រីកការបណ្តុះបណ្តាល និងការរៀបចំការអប់រំស្តីពីការថែទាំសង្គ្រោះបន្ទាន់នៅក្នុងប្រព័ន្ធសុខាភិបាលកម្ពុជា » ។
សម្រាប់អែលឌើរ និងស៊ីស្ទើរ អ៊ើនសរ មានផ្នែកខាងវិញ្ញាណដ៏សំខាន់ក្នុងការកែលម្អការថែទាំសុខភាពនៅកម្ពុជា ។ ស៊ីស្ទើរ អ៊ើនសរ មានប្រសាសន៍ថា « យើងចូលចិត្តឱកាសដើម្បីដើរតាមគន្លងរបស់អង្គប្រោសឲ្យជាដ៏ចំណាន » ។
អែលឌើរ អ៊ើនសរ បានមានប្រសាសន៍ថា « យើងមានអំណរគុណជាពិសេសចំពោះសមាជិកនៃសាសនាចក្រទូទាំងពិភពលោក ដែលបរិច្ចាគមូលនិធិមនុស្សធម៌របស់សាសនាចក្រ ដែលធ្វើឲ្យសេវាកម្មនេះអាចធ្វើទៅបាន ។ ពួកយើង និងថ្នាក់ដឹកនាំសាសនាចក្រផ្សេងទៀតត្រូវបានប្រគល់ភារកិច្ចឲ្យប្រើប្រាស់មូលនិធិដ៏ពិសិដ្ឋទាំងនេះដោយឆ្លាតវៃ ដើម្បីផ្ដល់ពរដល់ជីវិតនៃ ‹ ដល់អ្នកតូចបំផុត › ហើយយើងធ្វើទំនួលខុសត្រូវនោះយ៉ាងយកចិត្តទុកដាក់ » ។