Church-Donation
ពិធីប្រគល់បរិក្ខារជាមួយស្ថាបនិកអង្គការ AFESIP Cambodia លោកស្រី ម៉ម សូម៉ាលី ( កណ្តាល ) ជាមួយក្មេងស្រីមកពីកម្មវិធីដែលបង្ហាញពីក្តីស្រឡាញ់របស់ពួកគេដោយកាយវិការបេះដូង ។ រូបភាពនេះក៏មាននាយកកម្មវិធី និងបុគ្គលិក ( ខាងក្រោយ ) ផងដែរ ។ ពួកអ្នកផ្សព្វផ្សាយសាសនាផ្នែកមនុស្សធម៌ អែលឌើរ រីឆាដ និងស៊ីស្ទើរ ផាទ្រីយ៉ា ហ្គើឡាច ( ឆ្វេង ) និងអ្នកផ្សព្វផ្សាយសាសនាទំនាក់ទំនង អែលឌើរ ដេវីឌ និង ស៊ីស្ទើរ ម៉ាក់ខេត អ៊ររេដ ( ស្តាំ ) មកពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានប្រមូលផ្តុំជាមួយក្រុមដើម្បីអបអរសាទរការបរិច្ចាគនៅមជ្ឈមណ្ឌល Tom Dy Recovery នៅទីក្រុងភ្នំពេញ នាថ្ងៃទី ២៤ ខែ សីហា ឆ្នាំ ២០២៣ ។© 2023 by Intellectual Reserve, Inc. All rights reserved.ដោយធ្វើការជាមួយ អង្គការ Agir pour les Femmes en Situation Precaire (AFESIP) Cambodia ពួកអ្នកផ្សព្វផ្សាយសាសនាផ្នែកមនុស្សធម៌ និងថ្នាក់ដឹកនាំសាសនាចក្រមកពី សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានចូលរួមក្នុងព្រឹត្តិការណ៍ប្រគល់ឧបករណ៍ និងគ្រឿងផ្គត់ផ្គង់ នៅថ្ងៃទី ២៤ ខែ សីហា ឆ្នាំ ២០២៣ នៅមជ្ឈមណ្ឌល Tom Dy Recovery នៅ ទីក្រុងភ្នំពេញ នៃប្រទេសកម្ពុជា ។ ការផ្គត់ផ្គង់ផ្សេងៗត្រូវបានបរិច្ចាគដើម្បីជួយដល់ស្ត្រី និងកុមារីដែលជាអ្នករួចពីការជួញដូរផ្លូវភេទ ឬប្រឈមមុខនឹងការក្លាយជាជនរងគ្រោះនៃការជួញដូរផ្លូវភេទ អំពើហិង្សា ការរំលោភបំពាន ជាទាសករដែលជាប់កិច្ចសន្យា និងការកេងប្រវ័ញ្ច ។
គម្រោងនេះកើតឡើងដោយមានជំនួយពីពួកអ្នកផ្សព្វផ្សាយសាសនាផ្នែកមនុស្សធម៌ អែលឌើរ រីឆាដ និងស៊ីស្ទើរ ផាទ្រីយ៉ា ហ្គើឡាច ពីសាសនាចក្រ ដែលបានជួបជាមួយសមាជិករបស់ AFESIP Cambodia និងកំណត់ពីតម្រូវការជំនួយ ។ ការចូលរួមចំណែករបស់សាសនាចក្របានជួយកែលម្អផ្នែកទំហែទាំសុខភាព និងប្រសិទ្ធភាពរបស់គ្រឹះស្ថាន ដោយការផ្តល់ម៉ាស៊ីនជីវគីមី ម៉ាស៊ីនវិភាគគ្រាប់ឈាម រទះចាក់ថ្នាំ និងតុក្បែរគ្រែ ។ ឧបករណ៍ថែទាំសុខភាពដែលបានធ្វើបច្ចុប្បន្នភាពឥឡូវនេះអនុញ្ញាតឲ្យកុមារីអាចធ្វើតេស្តនៅនឹងកន្លែងបាន ដោយពុំចាំបាច់ចំណាយពេលបន្ថែម និងចំណាយថ្លៃក្នុងការធ្វើដំណើរជាមួយបុគ្គលិកទៅកាន់ការិយាល័យវេជ្ជបណ្ឌិតដើម្បីធ្វើតេស្តឡើយ ។
- Cambodia-Humanitarian-Project
- Afesip-library-1.jpg
- IMG_0996.jpg
- Cambodia-Humanitarian-
- Cambodia-Humanitarian-Project
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
សម្ភារសិក្សាដែលបានបរិច្ចាគរួមមាន កុំព្យូទ័រយួរដៃ ឯកសណ្ឋានសិស្ស និងស្បែកជើងចំនួន ១៥២ ឈុត និងកង់ចំនួន ៣០ គ្រឿងសម្រាប់សិស្សានុសិស្សបឋមសិក្សា ។ បណ្ណាល័យក៏ត្រូវបានធ្វើបច្ចុប្បន្នភាពដោយបានបន្ថែមសៀវភៅចំនួន ២០០ ក្បាល សាឡុង កៅអី និងគ្រឿងសង្ហារិមផ្សេងៗទៀត ។ លោកស្រី ម៉ម សូម៉ាលី ដែលជាស្ថាបនិក និងជាប្រធាន អង្គការ AFESIP បានមានប្រសាសន៍ថា « ខ្ញុំដឹងថា របស់ទាំងនេះបានបរិច្ចាគមកដោយក្តីស្រឡាញ់ » ។ គាត់បានពន្យល់ថា របស់ដែលបានបរិច្ចាគមកនេះ នឹងជួយកុមារីឲ្យបានធូរស្រាលឡើងវិញដោយជោគជ័យ និងទទួលបានការអប់រំ និងការបណ្តុះបណ្តាល ដើម្បីជួយពួកគេឲ្យមានទំនាក់ទំនងទៅក្នុងសង្គមបច្ចុប្បន្នវិញ ។
បកប្រែពីភាសាបារាំង AFESIP មានន័យថា « ការធ្វើសកម្មភាពសម្រាប់ស្ត្រីក្នុងស្ថានភាពរងទុក្ខលំបាក » ។ ក្នុងនាមជាអង្គការមិនរកប្រាក់ចំណេញ AFESIP ទទួលបានការគាំទ្រពីរដ្ឋាភិបាលកម្ពុជា និងការបរិច្ចាគឯកជន ដើម្បីផ្តល់ការធូរស្រាល ការថែទាំសុខភាព ការថែទាំផ្លូវចិត្ត ជំនួយផ្នែកច្បាប់ ការអប់រំ និងការបណ្តុះបណ្តាល ការចូលរួម និងសេវាបណ្តាញពង្រឹងអ្នករួចពីការជួញដូរផ្លូវភេទដល់ស្ត្រី និងកុមារីរបស់ខ្លួន ។
លោកស្រី ម៉ម សូម៉ាលី បានចូលរួមក្នុងកម្មវិធីដែលធ្វើឡើងនៅមជ្ឈមណ្ឌលជួយសង្គ្រោះ និងស្វាគមន៍ភ្ញៀវមកកាន់អគារជួសជុលថ្មី បន្ទាប់ពីនោះ ក្មេងស្រីៗនៅក្នុងមជ្ឈមណ្ឌលបានសម្តែងកម្មវិធីខ្លីៗជាបទចម្រៀង និងសារដ៏ពិរោះ ។ លោកស្រី សូម៉ាលី ប្រាប់ពីបទពិសោធន៍ផ្ទាល់ខ្លួន ពីការជួញដូរផ្លូវភេទដែលត្រូវបានគេយកទៅផ្ទះបន និងការរត់គេចខ្លួនរបស់គាត់ ។ គាត់បានចែកចាយពីបំណងចង់បង្កើតអង្គការមួយដើម្បីជួយជនរងគ្រោះផ្សេងទៀត ។ លោកស្រី សូម៉ាលី បានមានប្រសាសន៍ថា « ខ្ញុំសុបិនអំពីថ្ងៃដែលខ្ញុំអាចចាប់ផ្តើមអ្វីមួយបែបនេះ ។ បេសកកម្មរបស់ខ្ញុំគឺស្វែងរកជំនួយសម្រាប់ក្មេងស្រីៗដែលមានជោគវាសនាស្រដៀងនឹងខ្ញុំ ។ ខ្ញុំចាប់ផ្តើមទៅផ្ទះបន ហើយបានជួយក្មេងស្រីម្តងមួយៗ ដែលគ្មានកន្លែងទៅដោយសារគ្រួសាររបស់ពួកគេលែងចង់បានពួកគេ ។ វាចំណាយពេល ៥ នាទីដើម្បីជួយសង្គ្រោះក្មេងស្រីម្នាក់ ប៉ុន្តែវាត្រូវចំណាយពេលជាច្រើនឆ្នាំដើម្បីឲ្យនាងបានជាសះស្បើយពីការរន្ធត់ និងរបួសដែលនាងបានឆ្លងកាត់ » ។
Cambodia-Humanitarian-Project
កុមារី និងបុគ្គលិកនៅមជ្ឈមណ្ឌល Tom Dy បានចែកចាយកាយវិការដ៏អស្ចារ្យមួយដោយថ្លែងអំណរគុណដល់ព្រះវិហារសម្រាប់ការបរិច្ចាគដោយការអបអរសាទររួមគ្នាថា « ខ្ញុំស្រឡាញ់អ្នក » នៅក្នុងព្រឹត្តិការណ៍ប្រគល់គ្រឿងបរិក្ខារដែលបានធ្វើឡើងនៅទីក្រុងភ្នំពេញ នាថ្ងៃទី ២៤ ខែ សីហា ឆ្នាំ ២០២៣ ។© 2023 by Intellectual Reserve, Inc. All rights reserved.នាយកសហកម្មវិធី AFESIP លោកស្រី វណ្ណ ស៊ីណា ដែលជាអតីតជនរងគ្រោះនៃការជួញដូរផ្លូវភេទឆ្លងដែន បានចែកចាយបទពិសោធន៍ និងបញ្ហាប្រឈមរបស់កុមារី ។ គាត់បានមានប្រសាសន៍អំពីតួនាទីរបស់គាត់ក្នុងការជួយបង្រៀន និងផ្តល់សិទ្ធិអំណាចដល់កុមារីក្នុងការនិយាយនិងទទួលជំនួយ ។ លោកស្រី ស៊ីណា បានមានប្រសាសន៍ថា ៖ « មនុស្សជាច្រើនក្នុងសហគមន៍មិនដឹងអំពីការរំលោភបំពាននោះទេ ។ ការប្រឈមគឺសម្រាប់កុមារីក្នុងការលាតត្រដាងអ្វីដែលមាននៅក្នុងចិត្ត និងទទួលបានការជួយ ។ វាមិនដូចជាបញ្ហានៅលើស្បែករបស់យើងដែលអ្នកអាចមើលឃើញនោះទេ » ។
ព្រឹត្តិការណ៍ប្រគល់គ្រឿងបរិក្ខារនេះរួមមាននូវសុន្ទរកថារបស់បុគ្គលិកមួយចំនួនដែលជាសិស្សមុនៗនៅមជ្ឈមណ្ឌល ។ ប៉ែតសិបភាគរយនៃបុគ្គលិកស្រីរបស់អង្គការ AFESIP Cambodia គឺជាអ្នករួចពីការជួញដូរផ្លូវភេទ ។ ពួកគេបានចែកចាយបទពិសោធន៍របស់ពួកគេអំពីរបៀបដែលមជ្ឈមណ្ឌលបានជួយពួកគេ និងរបៀបដែលពួកគេបានបញ្ចប់វិទ្យាល័យ និងសាកលវិទ្យាល័យ ហើយទទួលបានឯករាជ្យភាពផ្នែកហិរញ្ញវត្ថុតាមរយៈអាជីពប្រកបដោយនិរន្តរភាព ។ លីងយ៉ា ដែលជាអ្នករួចពីការជួញដូរផ្លូវភេទ ពេលនេះជានិស្សិតបញ្ចប់ការសិក្សានៅសាកលវិទ្យាល័យដែលកំពុងសិក្សាថ្នាក់អនុបណ្ឌិតរបស់នាង ។ នាងក៏ធ្វើការជាអ្នកគ្រប់គ្រងកម្មវិធីអប់រំសម្រាប់មជ្ឈមណ្ឌលផងដែរ ។
កុមារីជាច្រើនមានរឿងរ៉ាវដ៏គួរឲ្យរន្ធត់ ប៉ុន្តែដោយមានជំនួយពីអង្គការ AFESIP Cambodia និងមជ្ឈមណ្ឌល Tom Dy ពួកគេបានរកឃើញភាពជោគជ័យ និងក្តីសង្ឃឹមនាពេលអនាគត ។ ឥឡូវនេះ ពួកគេអាចចិញ្ចឹមខ្លួនឯង និងជួយអ្នកដទៃ ហើយលែងជាជនរងគ្រោះទៀតហើយ ប៉ុន្តែជាអ្នករួចពីការជួញដូរផ្លូវភេទដ៏មានឥទ្ធិពល ។