ការបំពេញការសន្យានៃការអប់រំ ៖ ដ.ក.យ. កម្ពុជា ឆ្នាំ ២០២៣ ផ្តល់ក្តីសង្ឃឹ

នៅព្រឹកថ្ងៃសៅរ៍ ខែធ្នូ ដែលមានពន្លឺថ្ងៃចែងចាំង កុមារាកុមារីបានប្រមូលផ្តុំគ្នានៅខាងក្រៅសាលាបឋមសិក្សាសុធារសក្នុងរាជធានីភ្នំពេញ ។ សិស្សានុសិស្សដែលជាកុមារតូចៗបានមកដល់មុន និងបានឈររង់ចាំដោយអត់ធ្មត់ ខណៈដែលមិត្តរួមសាលាដែលមានវ័យច្រើនជាងពួកគេធ្វើតាមពួកគេ ។ លោក ខេន សុផាន ជានាយកសាលាបានបើកឧបករណ៍បំពងសំឡេង ហើយហៅសិស្សានុសិស្សឲ្យយកចិត្តទុកដាក់ស្ដាប់ ។ សិស្សានុសិស្សបានប្រុងប្រៀបដោយការគោរពប្រតិបត្តិយ៉ាងរហ័ស ហើយបន្ទាប់មកឈរតម្រងជួរដោយដាក់ដៃស្តាំលើស្មាស្តាំរបស់សិស្សនៅពីមុខពួកគេភ្លាមៗ ។ សកម្មភាពដ៏សាមញ្ញនេះបានធ្វើឲ្យមានជាជួរជាក់លាក់ ។ ឥឡូវនេះពួកគេបានត្រៀមខ្លួនស្តាប់ជាស្រេច ។ នាយកសាលាបានប្រកាសថា « សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានអញ្ជើញមកដើម្បីចែកអំណោយជាកាតាបដល់ក្មួយៗទាំងអស់គ្នា » ។ សិស្សានុសិស្សទាំងអស់បានទះដៃអបអរសាទរ ។

1 / 2

Download Photos

នៅលើតុមួយនៅពីមុខសិស្សានុសិស្សជាច្រើនមានកាតាបស្ពាយប្រភេទនីឡុងរាប់រយដែលកំពុងរង់ចាំម្ចាស់ថ្មី ។ យុវវ័យ និងយុវមជ្ឈិមវ័យពួកបរិសុទ្ធថ្ងៃចុងក្រោយបានរៀបចំវេចខ្ចប់កាតាបស្ពាយទាំងនេះ ជាការចូលរួមក្នុងគម្រោងបម្រើ ដែលជាផ្នែកមួយនៃសន្និសីទ ឆ្នាំ ២០២៣ ដើម្បីកម្លាំងនៃយុវជន ( ដ.ក.យ ) នៅប្រទេសកម្ពុជា ( អត្ថបទដែលទាក់ទងមាននៅទីនេះ ) ។ អ្នកចូលរួម និងអ្នកប្រឹក្សាជាច្រើននាក់បានជួបជុំគ្នាម្តងទៀតនៅសាលាបឋមសិក្សាសុធារស នាពេលព្រឹក ដើម្បីចែកអំណោយនៃកម្លាំងពលកម្មរបស់ពួកគេ ។

ស៊ីស្ទើរ ផាទ្រីយ៉ា ហ្គើឡាច ជាអ្នកផ្សព្វផ្សាយសាសនារៀមច្បងផ្នែកមនុស្សធម៌របស់សាសនាចក្រ ដែលគ្រប់គ្រងគម្រោងកម្មវិធី ដ.ក.យ. បានឡើងថ្លែងសុន្ទរកថា ។ គាត់បានប្រាប់សិស្សានុសិស្សថា ៖ « ក្មួយៗត្រូវខិតខំរៀនសូត្រដើម្បីទទួលបានការអប់រំល្អ ។ ការទទួលបានការអប់រំល្អអាចជួយក្មួយៗឲ្យធ្វើជាបុគ្គលដែលក្មួយៗចង់ធ្វើ និងក្លាយជាបុគ្គលដែលក្មួយចង់ប្រែក្លាយ » ។

បន្ទាប់មក ពួកយុវមជ្ឈិមវ័យ និងពួកអ្នកផ្សព្វផ្សាយសាសនា បានចែកកាតាបស្ពាយដល់សិស្សម្នាក់ៗ ហើយបានទទួលមកវិញនូវការថ្លែងអំណរគុណដោយការធ្វើសញ្ញារូបបេះដូងនៅលើដៃ និងការឱបពីសិស្សានុសិស្សទាំងនោះ ។ បន្ទាប់មក លោកនាយកសាលា សុផាន បានដឹកនាំសិស្សានុសិស្សដោយការអំពាវនាវ និងឆ្លើយតបដោយការថ្លែងអំណរគុណ និងការដឹងគុណ ។

បុគ្គលិក ដ.ក.យ.នៅប្រទេសកម្ពុជាឆ្នាំ ២០២៣ បង្ហាញពីខ្លឹមសារនៃសម្ភារសិក្សាដែលយុវវ័យបាន ។© 2024 by Intellectual Reserve, Inc. All rights reserved.

នៅថ្ងៃសៅរ៍មួយទៀតក្នុងខេត្តបន្ទាយមានជ័យ សិស្សានុសិស្សសាលាបឋមសិក្សាបឹងខ្ទុមនៃស្រុកអូរជ្រៅ ទទួលបានកាតាបស្ពាយចំនួន ២០៦ កាតាប ។ ប្រធានមន្ទីរអប់រំខេត្តបន្ទាយមានជ័យ លោក ឈូ ប៊ុនរឿង រៀបចំការបរិច្ចាគដោយសហការជាមួយលោកនាយកសាលា ពេញ គឹមសាន ។

1 / 2

Download Photos

ស៊ីស្ទើរ ផាទ្រីសៀ ស្ម៊ីធ ដែលជាអ្នកផ្សព្វផ្សាយសាសនារៀមច្បងម្នាក់ទៀតផ្នែកមនុស្សធម៌របស់សាសនាចក្រ ដែលប្រចាំនៅខេត្តសៀមរាប បានផ្តល់សារលិខិតលើកទឹកចិត្តដល់សិស្សានុសិស្សដោយរំឭកពួកគេឲ្យបន្តសិក្សានៅសាលារៀន និងបញ្ចប់ការសិក្សារបស់ពួកគេ ។ « ការអប់រំបើកទ្វារសម្រាប់ក្មួយៗ ដែលនឹងនាំឲ្យមានការងារកាន់តែប្រសើរ ធ្វើឲ្យក្មួយៗក្លាយជាស្វាមី ឬភរិយាកាន់តែប្រសើរ និងជាឪពុក ឬម្តាយកាន់តែប្រសើរ » ។

សម្ភារសិក្សាចំនួន ១៩៦ ដែលនៅសល់ត្រូវបានប្រគល់ជូនសាលាបឋមសិក្សាកផ្ដៀក ក្នុងស្រុកពួក ខេត្តសៀមរាប ។ លោកនាយកសាលា តឹក រី មានអំណរគុណចំពោះប្រធាន លៀម ពិសាល ប្រធានសាខា ខេត្តសៀមរាប សាខាទីពីរ នៃសាសនាចក្រ និងក្រុមសិស្សរបស់ពួកបរិសុទ្ធថ្ងៃចុងក្រោយ មកពីមជ្ឈមណ្ឌល Mentors International Learning & Mentoring ក្នុងខេត្តសៀមរាប ដែលបានបរិច្ចាគ ។

គម្រោងបម្រើនេះឆ្លុះបញ្ចាំងពីប្រសាសន៍របស់ប្រធានសាសនាចក្រ រ័សុល អិម ណិលសុន នៅពេលលោកបានមានប្រសាសន៍ថា « បន្តការសិក្សារបស់ក្មួយៗជាអាទិភាពនៃលំដាប់ខ្ពស់បំផុត ។ ទទួលការអប់រំគ្រប់យ៉ាងដែលក្មួយៗអាចធ្វើបាន ។ ( BYU-I Devotional ថ្ងៃទី ២៦ ខែ មករា ឆ្នាំ ២០១០ Rexburg, ID, USA )