ការប្រារព្ធខួប ១០០ ឆ្នាំនៃគ្រិស្តសាសនានៅប្រទេសកម្ពុជា

សមាជិក និងពួកអ្នកផ្សព្វផ្សាយសាសនាមកជួបជុំគ្នាប្រារព្ធខួប ១០០ ឆ្នាំនៃគ្រិស្តសាសនានៅប្រទេសកម្ពុជា ។ កម្មវិធីនេះធ្វើឡើងនៅថ្ងៃទី ២៧-២៨ ខែមករា ឆ្នាំ ២០២៣ នៅសាលមហោស្រពកោះពេជ្រ ។ សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ និងក្រុមអ្នកកាន់គ្រិស្តសាសនារាប់ពាន់នាក់ផ្សេងទៀតបានចូលរួមក្នុងការប្រារព្ធពិធីនេះ ។

សម្តេចនាយករដ្ឋមន្ត្រី ហ៊ុន សែន ជាភ្ញៀវកិត្តិយស ដែលសម្តេចបានថ្លែងទៅកាន់អ្នកកាន់គ្រិស្តសាសនាជិត ១០,០០នាក់ ។ សម្តេចបានមានប្រសាសន៍ក្នុងសុន្ទរកថារបស់សម្តេច ថា « ការជួបជុំនេះជាការបង្ហាញពីការរីកចម្រើននៃគ្រិស្ដសាសនានៅកម្ពុជា ក្រោមម្លប់សន្តិភាព » ។

1 / 2

Download Photos

គ្រិស្តសាសនិកបានចូលមកប្រទេសកម្ពុជាដំបូងក្នុងឆ្នាំ ១៩២៣ ហើយបច្ចុប្បន្នមានគ្រិស្តសាសនិកបានចុះឈ្មោះចំនួន ១១៤,៤០២ នាក់ ។ ចំនួននេះជាចំនួនតែមួយភាគតូចនៃចំនួនប្រជាជនដែលមានប្រហែល ៩៥% ជាអ្នកកាន់ព្រះពុទ្ធសាសនា ។ សព្វថ្ងៃនេះ សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ មានចំនួនជាង ១៦,០០០ នាក់ នៅក្នុងប្រទេសកម្ពុជា ។

ប្រធានបេសកកម្មសម្រាប់សាសនាចក្រនៅប្រទេសកម្ពុជា នាង គួនណូវាសនា បានចូលរួមក្នុងព្រឹត្តិការណ៍នោះ និងបានធ្វើបទសម្ភាសន៍ជាមួយសារព័ត៌មាន EAC News ។ នៅពេលសួរថា តើគាត់មានអារម្មណ៍យ៉ាងណាចំពោះព្រឹត្តិការណ៍នេះ គាត់បានមានប្រសាសន៍ថា « ១០០ ឆ្នាំនេះជាការបង្ហាញពីសេចក្តីស្រឡាញ់ និងការយកព្រះទ័យទុកដាក់ ដែលព្រះមានចំពោះប្រទេសកម្ពុជា » ។ លោកក៏បានបង្ហាញអារម្មណ៍ថា ប្រទេសកម្ពុជានឹងបន្តរីកចម្រើនព្រោះព្រះគង់នៅទីនេះ ។

ប្រធាន នាង បានបន្តថា « យើងបានទទួលពរពីរដ្ឋាភិបាលដែលអនុញ្ញាតឲ្យយើងអនុវត្តសាសនារបស់យើងដោយសេរី ។ យើងមានអ្នកផ្សព្វផ្សាយសាសនាដែលចាកចេញពីផ្ទះរបស់ពួកគេ ហើយបម្រើពាសពេញពិភពលោក ។ យើងមានអ្នកផ្សព្វផ្សាយសាសនាសញ្ជាតិអាមេរិក និងខ្មែរជាច្រើននាក់ដែលបម្រើនៅទីនេះ » ។ លោកបានមានប្រសាសន៍ថា ពួកគេចែកចាយសារលិខិតនៃដំណឹងល្អ និងអំពីព្យាការីដែលមាននៅរស់នៅសព្វថ្ងៃនេះ ។

នៅពេលសួរថា តើអ្វីដែលធ្វើឲ្យសាសនាចក្រនេះខុសគ្នា គាត់បានប្រសាសន៍ថា « យើងមានព្យាការីដែលមានជីវិតរស់នៅ ដែលជាប្រមុខដឹកនាំនៃសាសនាចក្រ ដែលទាក់ទងដោយផ្ទាល់ជាមួយព្រះ យើងមានបព្វជិតភាព និងផែនការនៃសេចក្ដីសង្គ្រោះ » ។

1 / 2

Download Photos

អែលឌើរ Horn Malachi ជាអ្នកផ្សព្វផ្សាយសាសនាពេញម៉ោងសម្រាប់សាសនាចក្រ ក៏ត្រូវបានសម្ភាសន៍ផងដែរ ។ អែលឌើររូបនេះបានឆ្លើយនឹងអំពីអត្ថប្រយោជន៍នៃគ្រិស្តសាសនាចំពោះប្រទេសកម្ពុជា ។ គាត់បាននិយាយថា « គ្រិស្តសាសនាអាចជួយអភិវឌ្ឍវប្បធម៌ដែលពេញដោយក្តីស្រឡាញ់ ហើយថាការទន្ទឹងរង់ចាំព្រះគ្រីស្ទអាចបន្តប្រទានពរដល់ប្រទេសនេះ ។ ទ្រង់អាចប្រទានពរដល់យើងនូវចំណេះដឹង និងការអប់រំ ហើយនាំមកនូវសេចក្តីសង្ឃឹម និងអំណរក្នុងជីវិតរបស់យើង » ។

Missionary-interview-100-yrs.Missionary-interview
ប្រព័ន្ធផ្សព្វផ្សាយនៅក្នុងព្រឹត្តិការណ៍ប្រារព្ធខួប ១០០ ឆ្នាំ នៃគ្រិស្តសាសនាមាននៅប្រទេសកម្ពុជា បានសម្ភាសន៍អែលឌើរ Horn Malachi ជាអ្នកផ្សព្វផ្សាយសាសនាពេញម៉ោងសម្រាប់សាសនាចក្រនៅថ្ងៃទី ២៧-២៨ ខែ មករា ឆ្នាំ ២០២៣ ។© 2023 by Intellectual Reserve, Inc. All rights reserved.

សមាជិកនៃសាសនាចក្រ ព្រមជាមួយពួកអ្នកផ្សព្វផ្សាយសាសនាពេញម៉ោងជាច្រើនបានចូលរួមការប្រារព្ធពិធី និងជួបសម្តេចនាយករដ្ឋមន្ត្រីដោយផ្ទាល់ ។ អ្នកតំណាងបួនរូបមកពីសាសនាចក្រត្រូវបានអញ្ជើញឲ្យឡើងអង្គុយនៅលើវេទិកាជាមួយភ្ញៀវកិត្តិយស ដែលមាន ប្រធានសមាគម សៀ សំណាង ប្រធានស្តេកខាងជើង អេង ប៊ុនហួច គណៈប្រធានស្តេកខាងត្បូង ទូច សោភ័ណ្ឌ និងប្រធានមណ្ឌលខាងកើត តាយ សុខាភិរម្យ ។

សមាជិកក៏បានចូលរួមវគ្គប្រជុំនៅថ្ងៃសៅរ៍នៃការប្រារព្ធពិធីនេះផងដែរ ។ ឯឧត្តម ហ៊ុន ម៉ាណែត ដែលជាកូនប្រុសរបស់សម្តេចនាយករដ្ឋមន្ត្រីថ្លែងក្នុងពិធីនៅយប់ថ្ងៃសៅរ៍ ។ ក្នុងរយៈពេលពីរថ្ងៃ និងបីវគ្គនេះ មានពួកគ្រីស្ទានជិត ៣០,០០០ នាក់មកពីប្រទេសកម្ពុជា និងជុំវិញពិភពលោកបានចូលរួមក្នុងការប្រារព្ធខួប ១០០ ឆ្នាំ នៃគ្រិស្តសាសនាមាននៅប្រទេសកម្ពុជា ដោយការប្រារព្ធនូវដំណឹងល្អ និងក្តីសង្ឃឹមលើព្រះយេស៊ូវគ្រីស្ទ ។

ការប្រារព្ធ​ខួប ១០០ ឆ្នាំ​នៃគ្រិស្ត​សាសនា​នៅ​ប្រទេស​កម្ពុជា

Missionary-interview-100-yrs.Missionary-interview

ការប្រារព្ធខួប ១០០ ឆ្នាំនៃគ្រិស្តសាសនានៅប្រទេសកម្ពុជា