ការប្រារព្ធពិធីមួយសតវត្សរ៍ ៖ ពិធីរំឭកខួបគម្រប់ជន្មាយុ ១០០ ឆ្នាំរបស់ព្យាការី និង

ថ្នាក់ដឹកនាំនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានចូលរួមជាមួយគ្រួសារ និងមិត្តភក្តិ នៅថ្ងៃចន្ទ ទី៩ ខែកញ្ញា ឆ្នាំ២០២៤ ដើម្បីគោរពដល់ព្យាការី និងប្រធានសាសនាចក្រ រ័សុល អិម ណិលសុន ក្នុងថ្ងៃខួបកំណើតគម្រប់ជន្មាយុ ១០០ ឆ្នាំរបស់លោក ។

ព្រឹត្តិការណ៍នេះត្រូវបានប្រារព្ធឡើងនៅក្នុងរោងមហោស្រពរបស់សន្និសីទ នៅឯវិសាលដ្ឋានព្រះវិហារបរិសុទ្ធក្នុងទីក្រុង សលត៍ លេក ហើយចាក់ផ្សាយជុំវិញពិភពលោក ។

ប្រធាន ណិលសុន បានថ្លែងអំណរគុណដល់ក្រុមគ្រួសារ មិត្តភក្តិ និងពួកបរិសុទ្ធថ្ងៃចុងក្រោយចំពោះសេចក្តីសប្បុរស និងការគាំទ្ររបស់ពួកគេ ។ លោកបានចែកចាយអំណរគុណរបស់លោកចំពោះសារជូនពរខួបកំណើតដ៏ច្រើនលើសលប់ និងការឆ្លើយតបជាសកលចំពោះការអញ្ជើញ « ៩៩+១ » របស់លោក ដែលបានលើកទឹកចិត្តមនុស្សឲ្យទាក់ទងទៅអ្នកដែលខ្វះខាត ។

Downloadable SOTs for Media Use

1 / 2

Download Photos

ដោយគិតពិចារណាពីជីវិតរបស់លោក ប្រធាន ណិលសុន បានមានប្រសាសន៍អំពីអព្ភូតហេតុជាឧទាហរណ៍ ដែលលោកត្រូវបានសង្គ្រោះពីសេចក្តីស្លាប់ដែលហៀបនឹងកើតឡើង ។ លោកទទួលបានការគាំទ្រដ៏ឥតងាករេរបស់ភរិយាលោក វីនឌី ក្នុងអំឡុងដែលលោកមានបញ្ហាសុខភាពនាពេលថ្មីៗនេះ ។ លោកបានសម្តែងការដឹងគុណយ៉ាងជ្រាលជ្រៅចំពោះគ្រួសាររបស់លោក រួមទាំងភរិយាដើមរបស់លោក ដាន់សិល ។

ព្យាការីបានសង្កត់ធ្ងន់លើសារៈសំខាន់នៃសេចក្តីជំនឿ ទស្សនវិស័យដ៏អស់កល្បមួយអំពីជីវិត និងពលិកម្មធួនរបស់ព្រះយេស៊ូវគ្រីស្ទ ។

ប្រធាន ណិលសុន បានមានប្រសាសន៍ថា « បងប្អូនប្រុសស្រីរបស់ខ្ញុំ រយៈពេលនៃជីវិតរបស់បងប្អូន មិនសំខាន់ដូចជា ប្រភេទនៃជីវិត ដែលបងប្អូនរស់នៅនោះទេ ។ សម្រាប់យើងម្នាក់ៗ សូម្បីតែបុរសដែលមានអាយុ ១០០ ឆ្នាំក៏ដោយ ក៏ជីវិតឆ្លងកាត់យ៉ាងលឿនដែរ ។ ការអធិស្ឋានរបស់ខ្ញុំគឺថា សូមឲ្យបងប្អូននឹងអនុញ្ញាតឲ្យព្រះឈ្នះក្នុងជីវិតបងប្អូន ។ ធ្វើសេចក្ដីសញ្ញាជាមួយទ្រង់ ។ ចូរបន្តនៅលើផ្លូវនៃសេចក្តីសញ្ញា ។ រៀបចំខ្លួនត្រឡប់ទៅរស់នៅជាមួយទ្រង់ម្ដងទៀត » ។

ប្រធាន ដាល្លិន អេក អូក និង ហែនរី ប៊ី អាវរិង ទីប្រឹក្សារបស់ប្រធាន ណិលសុន នៅក្នុងគណៈប្រធានទីមួយ បានចែកចាយការសង្កេតឃើញរបស់ពួកលោកពីការធ្វើការយ៉ាងជិតស្និទ្ធជាមួយព្យាការីអស់រយៈពេលប្រាំមួយឆ្នាំកន្លះ ។ ពួកលោកបានគូសបញ្ជាក់ពីភាពកក់ក្តៅរបស់ប្រធាន ណិលសុន ការគោរពចំពោះអ្នកដទៃ និងអាកប្បកិរិយាដូចជាព្រះគ្រីស្ទ ។ ប្រធាន អូក បានគូសបញ្ជាក់ពីរបៀបដែលសកម្មភាពរបស់ប្រធាន ណិលសុន ដូចជាការឈរនៅពេលដែលអ្នកដទៃ—ជាពិសេសស្ត្រី—ដើរចូលក្នុងបន្ទប់ ដែលឆ្លុះបញ្ចាំងពីការយកចិត្តទុកដាក់ និងសេចក្តីស្រឡាញ់ដ៏ជ្រាលជ្រៅរបស់លោកចំពោះមនុស្សទូទៅ ជាការបង្ហាញឲ្យឃើញពីសេចក្តីស្រឡាញ់របស់ព្រះអង្គសង្គ្រោះ ។

ប្រធាន អូក បានមានប្រសាសន៍ថា « កាលដែលបាននៅក្នុងបន្ទប់ ឬក្នុងការប្រជុំ ឬក្នុងការសន្ទនាជាមួយប្រធាន ណិលសុន គឺផ្តល់ឲ្យបងប្អូននូវឱកាសនៃការដកពិសោធន៍ថាតើការនៅជាមួយព្រះអង្គសង្គ្រោះមានលក្ខណៈបែបណា ។ លោកគឺជាតំណាងរបស់ព្រះអង្គសង្គ្រោះ ។ ហើយលោកគឺជាគំរូរបស់យើង » ។

ថ្នាក់ដឹកនាំទាំងពីររូបបានសរសើរចំពោះភាពម៉ឺងម៉ាត់របស់ប្រធាន ណិលសុន និងការផ្តោតអារម្មណ៍របស់លោកលើការសាងសង់ព្រះវិហារបរិសុទ្ធ និងជួយមនុស្សគ្រប់ទីកន្លែងឲ្យខិតកាន់តែជិតព្រះគ្រីស្ទ ។ ចាប់តាំងពីឆ្នាំ២០១៨ ប្រធាន ណិលសុន បានប្រកាសពីព្រះដំណាក់ថ្មីនៃព្រះអម្ចាស់ចំនួន ១៦៨ កន្លែងហើយ ។

ប្រធាន អារីង បានមានប្រសាសន៍ថា « [ ប្រធាន ណិលសុន បានបង្កើនការសាងសង់ព្រះវិហារបរិសុទ្ធ ] ដោយឈរលើមូលដ្ឋានទ្រឹស្តីខាងវិញ្ញាណថា ‹ យើងត្រូវតែផ្ដល់សេចក្ដីសញ្ញាដល់អ្នកដែលនៅឆ្ងាយពីព្រះវិហារបរិសុទ្ធ › ។ [ លោកបានមានប្រសាសន៍ថា ] ‹ គឺពិធីបរិសុទ្ធនោះហើយដែលធ្វើឲ្យមានភាពខុសប្លែក ។ ចូរកុំខ្ជះខ្ជាយប្រាក់ពេក ។ ចូរធ្វើឲ្យអគារនោះមានលក្ខណៈគួរឲ្យស្រឡាញ់ ។ ប៉ុន្តែវាគឺជាពិធីបរិសុទ្ធទាំងឡាយទេតើដែលធ្វើឲ្យអគារនោះមានឡើង » ។

_CSS8506.jpeg
ប្រធាន រ័សុល អិម ណិលសុន បោះប៉េងប៉ោងមួយនៅចុងបញ្ចប់នៃពិធីបុណ្យខួបកំណើតគម្រប់ជន្មាយុ ១០០ ឆ្នាំរបស់លោកនៅសាលមហោស្រពមជ្ឈមណ្ឌលសន្និសីទ នៅឯវិសាលដ្ឋានព្រះវិហារបរិសុទ្ធនាទីក្រុង សលត៍ លេក រដ្ឋយូថាហ៍ នៅថ្ងៃទី៩ ខែកញ្ញា ឆ្នាំ២០២៤ ។© 2024 by Intellectual Reserve, Inc. All rights reserved.

ប្រធាន ជែហ្វ្រី អ័រ ហូឡិន ក៏បានថ្លែងនៅក្នុងការប្រារព្ធនោះដែរ ដែលតំណាងឲ្យកូរ៉ុមនៃពួកសាវកដប់ពីរនាក់ ។ លោកបានចែកចាយរឿងខ្លីៗផ្ទាល់ខ្លួន ហើយបានគូសបញ្ជាក់ពីទេពកោសល្យ និងស្នាដៃជាច្រើនរបស់ប្រធាន ណិលសុន រួមទាំងអាជីពខាងវេជ្ជសាស្ត្រ សមត្ថភាពខាងតន្ត្រី និងជំនាញភាសារបស់លោកផងដែរ ។

ប្រធាន ហូឡិន បានសង្កត់ធ្ងន់លើភាពជាបងប្អូនប្រុសរបស់ប្រធាន ណិលសុន បានបីបាច់រវាងគណៈប្រធានទីមួយ និងកូរ៉ុមនៃពួកសាវកដប់ពីរនាក់ ចាប់តាំងពីលោកបានធ្វើជាព្យាការីនៅក្នុងឆ្នាំ២០១៨ មក ។

ប្រធាន ហូឡិន បានមានប្រសាសន៍ថា « ប្រាកដណាស់ ប្រវត្តិសាស្ត្រនឹងកត់ចំណាំថាលក្ខណៈអស្ចារ្យជាច្រើនដែលអាចមើលឃើញនៅក្នុងរដ្ឋបាលរបស់ណិលសុន គឺជាគុណភាពមួយដែលស្ទើរតែមើលមិនឃើញ នោះគឺជាសាមគ្គីភាពដ៏កក់ក្តៅ និងប្រកបដោយផលិតភាពដែល រ័សុល អិម ណិលសុន បានរក្សារវាងគណៈប្រធានទីមួយ និងកូរ៉ុមនៃសាវកដប់ពីរនាក់ » ។

ប្រធាន ខាំមៀល អិន ចនសុន នៃគណៈប្រធានសមាគមសង្គ្រោះទូទៅក៏បានចែកចាយការឆ្លុះបញ្ចាំងពីដួងចិត្តផងដែរ ។ គាត់បានសម្តែងការដឹងគុណចំពោះសេចក្តីសប្បុរស សេចក្តីស្រឡាញ់ និងការគោរពរបស់ព្យាការី ដោយកត់សម្គាល់ពីរបៀបដែលលោកធ្វើឲ្យបងប្អូនស្រីនៃសាសនាចក្រមានអារម្មណ៍ដូចជាផ្នែកមួយនៃគ្រួសាររបស់លោក ។ គាត់បានគូសបញ្ជាក់ពីការអញ្ជើញដ៏ព្យាកររបស់លោកឲ្យយល់ពីព្រះចេស្ដារបស់ព្រះតាមរយៈសេចក្ដីសញ្ញា និងការសង្កត់ធ្ងន់របស់លោកលើការផ្ដោតលើព្រះយេស៊ូវគ្រីស្ទ ។

1 / 2

Download Photos

ចាប់តាំងពីគ្រាដំបូងដែលគាត់បានជួបលោកដើម្បីឆ្លើយទៅនឹងការហៅឲ្យធ្វើជាអ្នកកាន់តំណែងទូទៅ គាត់បានមានប្រសាសន៍ថា គាត់បានទទួលអារម្មណ៍នូវ « សេចក្ដីស្រឡាញ់ និងសេចក្តីអាណិតអាសូរ និងសេចក្ដីមេត្តាករុណា និងទំនុកចិត្ត » ។

គាត់បានមានប្រសាសន៍ថា « ប្រធាន ណិលសុន ខ្ញុំមានអារម្មណ៍ថាបានទទួលឥទ្ធិពលនៃព្រះអង្គសង្គ្រោះព្រះយេស៊ូវគ្រីស្ទរបស់ខ្ញុំ ដោយសារខ្ញុំបានទទួលអារម្មណ៍នៃសេចក្តីស្រឡាញ់របស់ទ្រង់តាមរយៈលោក ជាព្យាការីរបស់ទ្រង់ » ។

Russell-M.-Nelson-100th-birthday
President Russell M. Nelson with his wife, Wendy, and his children, grandchildren and great grandchildren take a moment for a photo prior to his 100th birthday festivities at the Conference Center Theater on Temple Square in Salt Lake City, Utah on September 9, 2024. 2024 by Intellectual Reserve, Inc. All rights reserved.

អែលឌើរ ខាល ប៊ី ឃុក ប្រធានជាន់ខ្ពស់នៃគណៈប្រធាននៃពួកចិតសិបនាក់ បានចែកចាយគំនិតក្នុងនាមជាគណៈប្រធានតំបន់ និងពួកចិតសិបនាក់ទូទាំងពិភពលោក ។

អែលឌើរ ឃុក មានប្រសាសន៍ថា « យើងចង់ជម្រាបលោកថា ពួកយើងមានអភ័យឯកសិទ្ធិខ្លាំងណាស់ក្នុងការជួយបញ្ជូនសារលិខិតដ៏ព្យាកររបស់លោកទៅកាន់មនុស្សគ្រប់ទីកន្លែង ។ យើងស្រឡាញ់លោក ហើយយើងសូមជូនពរឲ្យថ្ងៃខួបកំណើត ១០០ ឆ្នាំនេះគឺជាថ្ងៃខួបកំណើតដ៏ប្រកបដោយសុភមង្គល » ។

សមាជិកពីររូបពីគ្រួសាររបស់ប្រធាន ណិលសុន បានចែកចាយការឆ្លុះបញ្ចាំងរបស់ពួកគេនៅក្នុងការចាក់ផ្សាយកាលពីថ្ងៃចន្ទនេះ ។ ម៉ាសា វ៉ឺកមេន ដែលជាកូនម្នាក់ក្នុងចំណោមកូនទាំង ១០ នាក់របស់ព្យាការី បាននិយាយអំពីអនុស្សាវរីយ៍ដ៏គួរឲ្យស្រឡាញ់ដែលធំឡើងនៅក្នុងគ្រួសារ ណិលសុន ។ គាត់បានគូសបញ្ជាក់ពីភាពជាដៃគូប្រកបដោយក្តីស្រឡាញ់រវាងឪពុកម្តាយគាត់ និងមេរៀនដ៏មានតម្លៃដែលពួកលោកបានផ្តល់ឲ្យ ។

វ៉ឺកមេន បានមានប្រសាសន៍ថា « ផ្ទះរបស់យើងផ្ដោតលើសេចក្ដីស្រឡាញ់ចំពោះគ្នាទៅវិញទៅមក លើសេចក្ដីស្រឡាញ់ចំពោះព្រះអង្គសង្គ្រោះ និងការរស់នៅតាមដំណឹងល្អរបស់ទ្រង់ ។ វាពោរពេញទៅដោយតន្ត្រី ភាពសប្បាយ និងភាពរីករាយក្នុងការរស់នៅជាមួយគ្នា ។ សូមអរគុណប៉ាដែលបានបង្រៀនពួកកូនឲ្យចេះស្រឡាញ់គ្នា និងស្រឡាញ់ពួកកូន ដូចជាពួកកូនស្រឡាញ់ប៉ាដែរ » ។

អាសលីន អូវីនស៍ ដែលជាចៅទួតម្នាក់ក្នុងចំណោមចៅទួត ១៦៧ នាក់របស់ប្រធាន ណិលសុន បានចែកចាយបទពិសោធន៍ផ្ទាល់ខ្លួន និងការកោតសរសើរចំពោះជីតារបស់នាង ។ នាងបានសង្កេតឃើញពីសេចក្តីស្រឡាញ់ ភាពខ្ជាប់ខ្ជួន និងការគោរពរបស់លោកចំពោះស្រ្តី ។ នាងបានសង្កត់ធ្ងន់លើការគាំទ្រ និងវត្តមានដែលមិនងាករេរបស់លោកនៅក្នុងព្រឹត្តិការណ៍គ្រួសារ និងការផ្ដោតលើបុគ្គលម្នាក់ៗ ។

អូវីនស៍ បាននិយាយថា « ក្នុងនាមជាក្មេងជំទង់ម្នាក់ ខ្ញុំមានការចាប់អារម្មណ៍ជាពិសេសចំពោះការយកចិត្តទុកដាក់នេះ ។ ខ្ញុំបានពុះពារនឹងរឿងជាច្រើន ប៉ុន្តែមានអារម្មណ៍មិនច្បាស់លាស់សោះអំពីសេចក្តីជំនឿរបស់ខ្ញុំ ។ ខ្ញុំត្រូវបានអញ្ជើញឲ្យចូលរួមសន្និសីទទូទៅ ហើយខណៈពេលដែលជីតាខ្ញុំចូលទៅក្នុងបន្ទប់ កែវភ្នែករបស់លោកបានស្វែងរកខ្ញុំ ។ ខ្ញុំសម្លឹងចំលោក ហើយទទួលបានអារម្មណ៍នៃសេចក្តីស្រឡាញ់ និងការគាំទ្ររបស់លោកដែលមិនអាចប្រកែកបាន ។ ខ្ញុំមិនគិតថាលោកដឹងច្បាស់ថា ខ្ញុំកំពុងស្មុគស្មាញនោះទេ ប៉ុន្តែភាពជឿជាក់ដ៏ទន់ភ្លន់របស់លោកបានធានាដល់ក្មេងស្រីដែលនៅក្មេង និងមិនមានភាពប្រាកដប្រជា ។ ខ្ញុំអាចទទួលអារម្មណ៍នូវរលកនៃការលើកទឹកចិត្តយ៉ាងរឹងមាំ ដែលរំឭកខ្ញុំថាលោកមានមោទនភាពចំពោះខ្ញុំ ហើយថាលោកស្រឡាញ់ខ្ញុំ ទោះបីជាខ្ញុំជួបរឿងស្មុគស្មាញក៏ដោយ » ។

មិត្តភក្តិជាច្រើនបានចែកចាយការគោរពតាមរយៈវីដេអូ ។ វីដេអូទាំងនេះត្រូវបានលេងអំឡុងពេលចាក់ផ្សាយ ។ ការដកស្រង់ទាំងនេះមានដូចខាងក្រោម ៖

20240909_1723_CSmith_2475.jpg
ប្រធាន រ័សុល អិម ណិលសុន ជាមួយភរិយារបស់លោក វេនឌី ( ខាងស្ដាំ ) ជាមួយនឹង អេម៉ុស ប្រោន និងភរិយាគាត់ ជេន អ៊ី ប្រោន ( ខាងឆ្វេង ) នៅក្នុងពិធីខួបកំណើតគម្រប់ ១០០ ឆ្នាំរបស់លោកនៅសាលមហោស្រពមជ្ឈមណ្ឌលសន្និសីទ នៅឯវិសាលដ្ឋានព្រះវិហារបរិសុទ្ធ ក្នុងទីក្រុងសលត៍ លេក រដ្ឋយូថាហ៍ ថ្ងៃទី៩ ខែកញ្ញា ឆ្នាំ២០២៤ ។2024 by Intellectual Reserve, Inc. All rights reserved.

បណ្ឌិត អាម៉ុស ស៊ី ប្រោន មកពីព្រះវិហារបាទីស្ទទីបីនៃរដ្ឋសាន់ហ្វ្រាន់ស៊ីស្កូ និងជាសមាជិកក្រុមប្រឹក្សាភិបាល NAACP

« ខ្ញុំមានសេចក្តីរីករាយយ៉ាងខ្លាំងក្នុងការនាំយកការស្វាគមន៍មកកាន់ប្រធាន ណិលសុន ក្នុងឱកាសនៃការប្រារព្ធខួបពិធីកំណើតគម្រប់ ១០០ ឆ្នាំរបស់លោក ។ [ នៅសន្និបាតជាតិ NAACP ឆ្នាំ ២០១៩ ] ខ្ញុំបានណែនាំឲ្យគេស្គាល់លោកថា ជាបងប្រុសរបស់ខ្ញុំដែលមានម្តាយផ្សេងគ្នា ។ ហើយខ្ញុំចង់មានន័យនោះដោយសារតែខ្ញុំមានអារម្មណ៍ថា មានវិញ្ញាណនៃចិត្តសប្បុរសនោះភ្លាមនៅពេលដែលខ្ញុំបានជួបលោក ។ លោកបាននាំមកនូវកំណត់ត្រាប្រវត្តិសាស្រ្តនៃការដឹកនាំសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ទៅកាន់ការគិតគូរយ៉ាងខ្លាំងចំពោះការរើសអើងពូជសាសន៍ ការយល់ដឹង និងធ្វើការដើម្បីផ្តល់ថ្ងៃដ៏ល្អប្រសើរសម្រាប់បុត្រាបុត្រីរបស់ព្រះទាំងអស់—ជាពិសេសអ្នកដែលរស់នៅក្នុងសហគមន៍ទីក្រុងនៅទូទាំងប្រជាជាតិនេះ ។ លោកប្រធាន ខ្ញុំសូមជូនពរដល់លោក និងភរិយាជាទីស្រឡាញ់របស់លោក គឺលោកស្រី ណិលសុន ឲ្យមានអាយុយ៉ឺនយូរ ហើយថាលោកនឹងបន្តទទួលបានកម្លាំង ដើម្បីរក្សាសហគមន៍ជាទីស្រឡាញ់ឲ្យនៅដដែល » ។

បណ្ឌិត អាន់ឌ្រូ ថេល ជាសង្ឃនៅអង់គ្លីកង់ និងជាសាសនវិទូនៃសាកលវិទ្យាល័យ Oxford

« ប្រធាន ណិលសុន ពីសាកលវិទ្យាល័យ Oxford និងក្នុងនាមជាសមាជិកម្នាក់នៃសាសនាចក្រនៃប្រទេសអង់គ្លេស ខ្ញុំសូមគោរពលោក ហើយបង្ហាញនូវការអបអរសាទរដ៏ស្មោះស្ម័គ្រ និងការអធិស្ឋានរបស់យើងនៅថ្ងៃខួបមួយរយឆ្នាំរបស់លោក ។ សូមអរគុណចំពោះការធ្វើជាអ្នកដឹកនាំជំនឿពិភពលោកដ៏បើកចិត្តទូលាយមួយរូប ។ សូមអរគុណចំពោះការដឹកនាំសមាជិករបស់លោកឲ្យធ្វើជាអ្នកដឹកនាំត្រួសត្រាយពិតប្រាកដ ដោយមិនបោះបង់នរណាចោលម្នាក់ឡើយ ។ ហើយសូមអរគុណផងដែរ ដែលបានធ្វើឲ្យប៉ះពាល់ដល់បេះដូងមនុស្សជាច្រើន » ។

រ៉ូបឺត ភី ចច ជាសាស្ត្រាចារ្យនៅសាកលវិទ្យាល័យ Princeton

« គោលការណ៍គ្រឹះនៃសីលធម៌ល្អទាំងអស់ គឺអំពីសេចក្តីថ្លៃថ្នូរដ៏ជ្រាលជ្រៅ និងស្មើភាពគ្នានៃសមាជិកម្នាក់ៗនៃគ្រួសារមនុស្សលោក ។ ហើយតាមសិក្ខាបទ និងគំរូ លោកបានបង្រៀនយើងទាំងអស់គ្នាពីអត្ថន័យនៃការមានយុត្តិធម៌តាមគោលការណ៍នោះ ដើម្បីរស់នៅតាមការទាមទាររបស់គោលការណ៍នោះ » ។

រ៉ាប៊ី យ៉ូសែប ផូតាស្នីក អនុប្រធានប្រតិបត្តិនៃក្រុមប្រឹក្សាភិបាលរ៉ាប៊ីសនៃទីក្រុងញូវយ៉ក

« ប្រធាន ណិលសុន ថ្មីៗនេះ ខ្ញុំបានជួបជាមួយស៊ីស្ទើរ ជេន ស្ម៊ីធ ដែលមានអាយុ ១០៣ឆ្នាំ ដែលបានសរសេរសៀវភៅមួយក្បាលដែលមានចំណងជើងថា ‹ អ្វីដែលខ្ញុំបានរៀនក្នុងពេលមួយរយឆ្នាំដំបូងនៃជីវិតរបស់ខ្ញុំ › ។ គាត់បានមានប្រសាសន៍ថា គាត់សន្មតថាគាត់មានអាយុវែងដើម្បីរស់នៅដោយមានគោលបំណង ។ លោកប្រាកដជាបានរស់នៅក្នុងជីវិតប្រកបដោយគោលបំណង ដោយការផ្តល់សារលិខិតនៃព្រះតាមរយៈអំពើល្អរបស់លោកនៅទូទាំងពិភពលោក ។ រៀងរាល់ថ្ងៃខួបកំណើត យើងតែងតែផ្លុំទៀន ។ ខ្ញុំសូមផ្ដល់យោបល់ [ លោក ] រក្សាវាឲ្យឆេះ ដើម្បីយើងអាចបន្តជាអ្នកទទួលផលនៃពន្លឺ សេចក្តីស្រឡាញ់ និងភាពស្មោះត្រង់របស់លោក ។ ដូចដែលយើងនិយាយនៅញូវយ៉កថា mazel tov » ។

បណ្ឌិត រីវ ឡារីនស៍ អេឌវឺដ ខាតធឺ ស៊ីនញ័រ ជាព្រឹទ្ធបុរសនៃ ម៉ាធីន លូធឺ ឃីង ជុញ្ញ័រ រោងប្រជុំអន្តរជាតិនៅ មហាវិទ្យាល័យ Morehouse

« នៅយប់មុនពេលម៉ាធីន លូធឺ ឃីង ជុញ្ញ័រ បានឡើងកាន់តំណែង គាត់បានមានប្រសាសន៍ថា ‹ ដូចមនុស្សគ្រប់គ្នាដែរ ខ្ញុំចង់រស់នៅឲ្យបានយូរ ។ ការរស់នៅយូរអង្វែងមានកន្លែងរបស់វា › ។ ខ្ញុំមានអភ័យឯកសិទ្ធិដែលបានមកទស្សនាទីក្រុង សលត៍ លេក និងវិសាលដ្ឋានព្រះវិហារបរិសុទ្ធបួនដង ហើយបានសង្កេតឃើញថា ក្រុមគ្រួសារចម្រៀងរោងឧបោសថ សុទ្ធតែមានអាយុវែង ។ ខ្ញុំជឿជាក់ថា សេចក្តីថ្លែងការណ៍របស់បណ្ឌិត ឃីង គឺជាការត្រឹមត្រូវ—ការរស់នៅយូរអង្វែងមានកន្លែងរបស់វា ហើយនោះគឺជាវិសាលដ្ឋានព្រះវិហារបរិសុទ្ធ ។ ក្នុងនាមជាគ្រួសារមហាវិទ្យាល័យ Morehouse ដែលរួមមានសមាជិកអតីតនិស្សិតដែលនៅរស់ គណៈគ្រប់គ្រង រដ្ឋបាល សាស្ត្រាចារ្យ បុគ្គលិក និងនិស្សិតដែលមានចំនួន ១៧,០០០ នាក់របស់យើង យើងសូមគោរពជូនចំពោះប្រធាន រ័សុល អិម ណិលសុន ដែលបានឈានចូលខួបកំណើតលើកទី ១០០ ឆ្នាំរបស់លោក ។

20240909_1600_CSmith_6617.jpg
ប្រធាន រ័សុល អិម ណិលសុន និងភរិយារបស់លោក វេនឌី ស្វាគមន៍ទស្សនិកជននៅដើមកម្មវិធីពិធីបុណ្យខួបកំណើតគម្រប់ ១០០ ឆ្នាំរបស់លោកនៅសាលមហោស្រពមជ្ឈមណ្ឌលសន្និសីទនៅឯវិសាលដ្ឋានព្រះវិហារបរិសុទ្ធទីក្រុង សលត៍ លេក រដ្ឋយូថាហ៍ នៅថ្ងៃទី៩ ខែកញ្ញា ឆ្នាំ២០២៤ ។2024 by Intellectual Reserve, Inc. All rights reserved.

Church News Family and Associates Reflect on President Nelson's 100-Year Life and Legacy

Church News 100+ Announcements and Changes in the Church Since President Nelson Became Prophet

_CSS8506.jpeg

Russell-M.-Nelson-100th-birthday

20240909_1723_CSmith_2475.jpg

20240909_1600_CSmith_6617.jpg