Primary-Service-initiative
កុមារអង្គការបឋមសិក្សាចូលរួមក្នុងគម្រោងបម្រើ ។2025 by Intellectual Reserve, Inc. All rights reserved.អង្គការបឋមសិក្សា នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលជាអង្គការបម្រើដល់កុមារអាយុពី ៣ ឆ្នាំដល់ ១១ ឆ្នាំ មានកេរដំណែលដ៏សម្បូរបែបអំពីកុមារដែលបម្រើដល់កុមារដទៃទៀត ចាប់តាំងពីអង្គការបឋមសិក្សាត្រូវបានរៀបចំឡើងនៅថ្ងៃទី២៥ ខែសីហា ឆ្នាំ១៨៧៨ មក ។
អស់ជាច្រើនទសវត្សរ៍មកហើយ ដែលកុមារនៅអង្គការបឋមសិក្សាបានបរិច្ចាគប្រាក់ ដើម្បីជួយគាំទ្រដល់ការថែទាំកុមារនៅមន្ទីរពេទ្យកុមារក្នុងរដ្ឋយូថាហ៍ ។
Primary-Service-Initiative
អស់ជាច្រើនទសវត្សរ៍មកហើយ ដែលកុមារនៅអង្គការបឋមសិក្សាបានបរិច្ចាគប្រាក់ ដើម្បីជួយគាំទ្រដល់ការថែទាំកុមារនៅមន្ទីរពេទ្យកុមារក្នុងរដ្ឋយូថាហ៍ ។ ដោយចាប់ផ្តើមក្នុងឆ្នាំ ២០២៥ អង្គការបឋមសិក្សានៅទូទាំងពិភពលោកត្រូវបានអញ្ជើញឲ្យចូលរួមក្នុងគម្រោងបម្រើប្រចាំឆ្នាំ ។© 2025 by Intellectual Reserve, Inc. All rights reserved.ដោយចាប់ផ្តើមក្នុងឆ្នាំ២០២៥ គណៈប្រធានទូទៅអង្គការបឋមសិក្សា អញ្ជើញអង្គការបឋមសិក្សាទាំងអស់ឲ្យរៀបចំគម្រោងបម្រើប្រចាំឆ្នាំដែលនឹងអនុញ្ញាតឲ្យកេរដំណែលនេះនៅបន្ត ។
សេចក្តីថ្លែងការណ៍មកពីគណៈប្រធានអង្គការបឋមសិក្សាបានចែងថា « យើងសង្ឃឹមថា កិច្ចខិតខំប្រឹងប្រែងទូទាំងពិភពលោកនេះនឹងជួយកុមារឲ្យដឹងថា ពួកគេគឺជាផ្នែកដ៏សំខាន់មួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ហើយអាចរួមចំណែកតាមរបៀបដ៏ប្រកបដោយអត្ថន័យ » ។ « នៅពេលកុមារបម្រើ សេចក្តីស្រឡាញ់របស់ពួកគេចំពោះព្រះអង្គសង្រ្គោះនឹងកើនឡើង ហើយពួកគេនឹងទទួលអារម្មណ៍នៃអំណរ ខណៈដែលពួកគេចែកចាយសេចក្តីស្រឡាញ់របស់ទ្រង់ជាមួយអ្នកដទៃ » ។
សកម្មភាពបម្រើអាចនឹងត្រូវបានរៀបចំជាកម្រិតវួដ ឬស្តេក ហើយគួរតែរួមបញ្ចូលកុមារគ្រប់វ័យទាំងអស់ ។ គណៈប្រធានអង្គការបឋមសិក្សាផ្ដល់អនុសាសន៍ថា កុមារគួរតែចូលរួមក្នុងការរៀបចំគម្រោងបម្រើនេះ ហើយថាពួកគេអាចអញ្ជើញមិត្តភក្តិ គ្រួសារ និងសមាជិកវួដ ( ក្រុមជំនុំ ) របស់ពួកគេដើម្បីចូលរួមជាមួយពួកគេបាន ។
គណៈប្រធានអង្គការបឋមសិក្សាបានមានប្រសាសន៍ថា « យើងរំភើបចិត្តដើម្បីមើលឃើញពីរបៀបដែលកុមារទូទាំងពិភពលោកធ្វើឲ្យមានការផ្លាស់ប្តូរក្នុងសហគមន៍របស់ពួកគេ ហើយចែកចាយអំណរដែលដំណឹងល្អនាំមកឲ្យ » ។
សាសនាចក្រនឹងប្រមូលផ្ដុំ និងចែកចាយដំណើររឿងជាសាកលអំពីការបម្រើពេញមួយឆ្នាំនេះ ។ ពួកបរិសុទ្ធថ្ងៃចុងក្រោយត្រូវបានអញ្ជើញឲ្យដាក់បញ្ជូនដំណើររឿង វីដេអូ គំនូរ និងរូបភាពនានាតាមរយៈ ទស្សនាវដ្តី « ប្រិយមិត្ត » ។ ថ្នាក់ដឹកនាំវួដ និងសាខាក៏ត្រូវបានអញ្ជើញឲ្យបញ្ជូនដំណើររឿងទៅកាន់ប្រវត្តិអង្គភាព តាមរយៈ ឧបករណ៍ប្រវត្តិអង្គភាពតាមអនឡាញ ផងដែរ ។
សម្រាប់ព័ត៌មានបន្ថែម និងចម្លើយចំពោះសំណួរទាំងឡាយ សូមមើលសំណួរដែលចោទសួរជាញឹកញាប់ខាងក្រោមនេះ ។
សំណួរដែលចោទសួរជាញឹកញាប់ ៖ គំនិតផ្តួចផ្តើមការបម្រើរបស់អង្គការបឋមសិក្សា
Q: When should we organize our service activity? Any time during the year?
A: Yes. This activity is meant to commemorate the organization of Primary in August 1878, but local Primaries are invited to plan a service activity any time during the year that is appropriate for local circumstances.
ស ៖ តើយើងគួររៀបចំសកម្មភាពបម្រើរបស់យើងនៅពេលណា ? តើនៅពេលណាក៏បាននៅក្នុងឆ្នាំនីមួយៗឬ ?
ច ៖ ត្រូវហើយ ។ សកម្មភាពនេះគឺដើម្បីរំឭកដល់ការរៀបចំអង្គការបឋមសិក្សា នៅខែសីហា ឆ្នាំ១៨៧៨ ប៉ុន្តែអង្គការបឋមសិក្សាក្នុងមូលដ្ឋានត្រូវបានអញ្ជើញឲ្យរៀបចំផែនការសកម្មភាពបម្រើនៅពេលណាក៏បានក្នុងអំឡុងឆ្នាំនីមួយៗ ដែលសមស្របនឹងកាលៈទេសៈក្នុងមូលដ្ឋាន ។
ស ៖ តើវាមិនអីទេមែនទេក្នុងការសម្របសម្រួលសកម្មភាពបម្រើនេះ ជាមួយនឹងកិច្ចខិតខំប្រឹងប្រែងការបម្រើដែលធំជាងនេះនៅក្នុងសហគមន៍ ឬប្រទេសរបស់ខ្ញុំ ?
ច ៖ ត្រូវហើយ ។ យើងសង្ឃឹមថា ការសម្របសម្រួលនឹងកើតឡើងទៅតាមពេលវេលាអនុវត្តជាក់ស្តែង ហើយថាសកម្មភាពបម្រើទាំងនេះអាចជាឱកាសសម្រាប់កុមារក្នុងការអញ្ជើញមិត្តភក្តិ ក្រុមគ្រួសារ និងសមាជិកវួដរបស់ពួកគេឲ្យចូលរួមជាមួយពួកគេ ។
ស ៖ តើធ្វើយ៉ាងដូចម្ដេចទៅ បើអង្គការបឋមសិក្សារបស់ខ្ញុំតូចពេក ឬយើងមិនមានកុមារចូលរួមគ្រប់គ្រាន់សម្រាប់គម្រោងបម្រើធំមួយផងនោះ ?
ច ៖ រាល់ទង្វើនៃការបម្រើធ្វើឲ្យមានភាពខុសគ្នា ។ អ្នកត្រូវបានអញ្ជើញឲ្យចូលរួម សូម្បីតែមានកុមារតែម្នាក់ ឬពីរនាក់ក្តី ។
ស ៖ តើគម្រោងបម្រើនេះអាចជំនួសសកម្មភាពអង្គការបឋមសិក្សារបស់វួដ/សាខារបស់ខ្ញុំសម្រាប់ខែនេះបានទេ ?
ច ៖ ត្រូវហើយ ។ អ្នកត្រូវបានអញ្ជើញឲ្យឆ្លើយតបនឹងការអញ្ជើញនេះក្នុងរបៀបមួយដែលសមស្របនឹងតម្រូវការ កាលវិភាគ និងសមត្ថភាពក្នុងមូលដ្ឋាន ។
ស ៖ តើយើងគួរតែផ្តល់ថវិកាដល់សកម្មភាពនេះយ៉ាងដូចម្តេច ?
ច ៖ សកម្មភាពបម្រើនេះគួរតែត្រូវបានចំណាយពីថវិកាវួដ ។ លើសពីនេះ មានវិធីជាច្រើនក្នុងការបម្រើ តាមរយៈការចែកចាយពេលវេលា ចំណេះដឹង ជំនាញ និងសេចក្តីស្រឡាញ់ ។
ស ៖ តើមានធនធានអ្វីខ្លះ ដើម្បីជួយរៀបចំផែនការសកម្មភាពរបស់យើង ?
ច ៖ គេហទំព័រ JustServe.org អាចជាធនធានដ៏មានតម្លៃមួយក្នុងការដាក់ផែនការបង្កើតឱកាសស្ម័គ្រចិត្តសម្រាប់កុមារដែលអ្នកបម្រើ ។ ប្រសិនបើមិនមាន JustServe នៅក្នុងតំបន់របស់អ្នកទេ នោះអ្នកអាចយោងទៅកាន់ធនធានទាំងនេះបាន ៖ https://www.justserve.org/Primary ។
ស ៖ តើសកម្មភាពនេះគួរតែធ្វើឡើងនៅកម្រិតវួដ/សាខា ឬស្តេក ឬយើងអាចចូលរួមជាថ្នាក់នៃអង្គការបឋមសិក្សា ឬក្រុមសកម្មភាពបាន ?
ច ៖ សូមរៀបចំផែនការសកម្មភាពបម្រើដែលសមស្របបំផុតតាមតម្រូវការ និងកាលៈទេសៈក្នុងមូលដ្ឋានរបស់អ្នក ។ អ្នកត្រូវបានលើកទឹកចិត្តឲ្យបម្រើជាមួយគ្នាតាមរបៀបរៀបចំមួយ ប៉ុន្តែទំហំនៃក្រុមអាចត្រូវបានកំណត់តាមតម្រូវការក្នុងមូលដ្ឋានបាន ។
ស ៖ តើយើងអាចអញ្ជើញឪពុកម្តាយ និងបងប្អូនបង្កើតរបស់កុមារនៃអង្គការបឋមសិក្សាឲ្យចូលរួមបានទេ ?
ច ៖ ត្រូវហើយ ។ សកម្មភាពបម្រើនេះគួរតែត្រូវបានដឹកនាំដោយ និងផ្តោតលើកុមារ ប៉ុន្តែអ្នកចូលរួមត្រូវបានលើកទឹកចិត្តឲ្យអញ្ជើញអ្នកផ្សេងទៀត ( រួមទាំងអ្នកដែលមិនមែនជាសមាជិកនៃសាសនាចក្រផងដែរ ) ឲ្យចូលរួម ។
ស ៖ តើសកម្មភាពបម្រើនេះអាចត្រូវបានរៀបចំដោយសហការគ្នាជាមួយអង្គការមិនរកប្រាក់ចំណេញក្នុងមូលដ្ឋានបានដែរឬទេ ?
ច ៖ បាន ។ អ្នកត្រូវបានលើកទឹកចិត្តឲ្យធ្វើការជាមួយអង្គការក្នុងមូលដ្ឋានដើម្បីកំណត់ពីតម្រូវការ និងឱកាសបម្រើនៅក្នុងតំបន់របស់អ្នក ។
ស ៖ តើខ្ញុំអាចបញ្ចូលកុមារក្នុងការដាក់ផែនការ និងការអនុវត្តគម្រោងបម្រើរបស់យើងឲ្យបានល្អបំផុតដោយរបៀបណា ?
ច ៖ អ្នកអាចសុំឲ្យកុមារជួយក្នុងការបញ្ចេញគំនិត ស្វែងរកមតិកែលម្អអំពីការបម្រើប្រភេទណាដែលមានអារម្មណ៍ថា វាមានអត្ថន័យសម្រាប់ពួកគេ និងឲ្យពួកគេចូលរួមឲ្យបានច្រើនតាមដែលអាចធ្វើទៅបាន ក្នុងដំណើរការរៀបចំផែនការ និងនៅពេលធ្វើសកម្មភាព ។ សូមជួយពួកគេឲ្យមានអារម្មណ៍ថាមានភាពជាម្ចាស់ក្នុងឱកាសបម្រើនេះ ដូចដែលព្រះអង្គសង្គ្រោះនឹងធ្វើដែរ ។
